Δημοφιλή Βιβλικά εδάφια από Mattêuse 7

Κοινοποίηση

Tuksiaritse, tunitjivioniarpose tagva; ᴋeneritse, nennisiniarpose tagva; avilortaritse, upkuerutjauniarpose tagva.

Tuksiartok pilârmat, ᴋenertorlo nennisilârmat, avilortartorlo upkuerutjaulârmat.

Tamanna pivlugo, oᴋautsimnik makkoninga tussartok maliktorlo, tâmna adsiutipara angumut silatujomut, igloliortomut ᴋairtomut.

Tamainik piniarviojomanipsingnik inungnut, tamakkoningatauk piniarvigisigik; tamadja perᴋojat nalautaijullo aglangit.

Iterviglo nerrokipok, apᴋosinerlo amipok, inôgumut sangmijok, ikitullo nagvârpât.

Itervikitokut iteritse. Itervik nerrotongmat, apᴋosinerlo silingmat, asserorsimanermut sangmijok; unuktoᴋsuillo tamanna atorpât.

Ilipsele, piungitôgalloartose, ᴋitorngase tuntijivigijungnarapsigik tunergutinik ajungitunik, anginersamik ilâ Atâtapse ᴋilangmêtub tuksiartine tunitjiviginiarpait ajungitunik.

Erᴋartuiniarase erᴋartortaulerᴋonase. Erᴋartuinipsingnut erᴋartortaujomârpose; ôktûtipsingnullo ôktortaujomârivose.

Makkoningalo oᴋautsimnik tussartub malingitublo adsigivâ angut silaitok igloliortok siorᴋanut.

ᴋatangutivit ijingata sukkiutâ sôk takoviûk, ikak ijingnêtok maluginagô? ᴋanorlo ᴋatangutit oᴋautsomaviûk: Ovatsiaro, sukkiut ijingnit pêromavara? Ahâglo, ikâk ijingnêpok.

Ulloreasugitse nalautainerluktunik; taipkoa saugat aminginik annorâᴋardlutik tikipâse; ilumikulle amarôvut kêsuktoksuit. Paunganginit ilitarijaksarivase. Paunganik katersoijokasôngovâ ukpiganit kakilautilingnit, aᴋpiniglonêt perortunit kakilanartunît?

Taimâktauk napârtut ajungitut ilûnatik paungaᴋarput ajungitunik, napârtorle piungitok paungaᴋarpok piungitunik.

Napârtok ajungitok piungitunik paungaᴋarungnangilak, napârtorlo piungitok paungaᴋarungnanginivok ajungitunik.

Napârtut naliat, paungaᴋangitok ajungitunik, kipijauniarpok, egitauniarlunalo ikomamut.