Δημοφιλή Βιβλικά εδάφια από MARCUSI 5

Κοινοποίηση

Taidʌ ʌSuusi itʌtʌdai ʌooqui: ―Giñvaavoitu aapi cascʌdʌ dueeyi. Imʌdañi dai maivuaamʌ ʌliatugada dai caduaadicami vii ―astʌtʌdai ʌSuusi ʌooqui.

Daidʌ ʌoodami saagida imʌitadai ʌmo ooqui ismaacʌdʌ cabaivustaama dan gooca uumigi coococatadai gʌʌʌracʌdʌ. Dai sʌʌlicʌdʌ soimaa taatacatadai ʌgai mosʌʌ mui duduaaidiadami ʌʌmadu aimʌraitai dai casiaa dodai vʌʌsi istuma viaacatadai. Dai vʌʌscʌrʌ maidueeyi, baiyoma vaamuimi ʌgai.

Dai aidʌsi mostaata ʌgai otoma uu ʌʌradʌ dai otoma maatʌ taata ʌgai gʌtuucugʌrʌ iscamaigo ii coocodadʌ.

Taidʌ ʌSuusi noviaiñdʌrʌ bʌi ʌali ooqui daidʌ itʌtʌdai: ―Talita cumi ―astʌtʌdai. Gomaasi itʌiya ʌlidi: Ali ooqui, aapi angʌaagidi vañigiñi.

Dai quiaa ñioocaitadai ʌSuusi tai dada ojootosicami Jairo quiidiaiñdʌrʌ daidʌ itʌtʌdai ʌali ooqui oogadʌ: ―Casi atmuu gʌmara. Casi maivaidacai gomamaatʌtuldiadami ―astʌtʌdai ʌojootosicami. Dʌmos ʌSuusi moscaʌ istumaasi aagaitadai ʌgai daidʌ itʌtʌdai ʌgai ʌbaitʌcʌaacami ʌjudidíu quiuupaigadʌrʌ: ―Maitiduaadicuda; mosai giñvaavoituda ―astʌtʌdai.

Pocaiti ʌgai itʌtʌdaitai ʌSuusi: ―Aapi Diaavora tʌaañicarudʌ dagitoñi idi cʌʌli ―astʌtʌdai ʌSuusi ʌDiaavora tʌaañicarudʌ. Daidʌ ʌSuusi tʌcacai ʌDiaavora tʌaañicarudʌ daidʌ itʌtʌdai: ―¿Tʌʌgidu aapi? ―astʌtʌdai. Tai ʌgai aa noragi daidʌ itʌtʌdai: ―Legión antʌʌgidu aanʌ. Muidu aatʌmʌ cascʌdʌ ―astʌtʌdai.