Δημοφιλή Βιβλικά εδάφια από MATEO 21

Guꞌ baꞌ puꞌñi ɨp noꞌ pim bɨɨx jam jujur kɨꞌn jix biiñak buiñor guñ Gɨꞌkoraꞌ, jam makiaꞌ dho tuꞌ na pim taandaꞌ.

Baꞌp ja tɨtda gu Jesuus: ―Dho na bhaan jix maatɨꞌ kaꞌ na cham tuꞌ daipuꞌ puꞌñix bhaaiꞌ na pim pu tu duñiaꞌ noꞌ pim jix biiñak buiñor guñ Gɨꞌkoraꞌ, guꞌ jaꞌpji sia ji guꞌñi oidhaꞌ noꞌ pim jax tɨtda: “Eap yaꞌ dɨr jaꞌk jim muni jaꞌk na paiꞌ gɇꞌ suuꞌn gu suudaiꞌ”, dho guꞌ puiꞌ dho ji chu buusniaꞌ noꞌ pim bɨɨx jam jujur kɨꞌn tɨ jɨɨgiꞌñ na puiꞌ ji chu buusniaꞌ na pim jax tɨꞌyaꞌ.

Baꞌ nam puiꞌ xi chu buidhat pɨx jiiñak bɨttu am bɨɨx guiꞌ nam jɨꞌk bɨɨpɨꞌ dɨr jiim gio guiꞌ nam gatuuk dɨr jup jiim, jup kaiꞌchim am: ―¡Taxchaab baꞌ guch Gɨꞌkoraꞌ nat bhaiꞌ bach joochxi gu boxiiꞌñ gu Dabii guiꞌ na bɨjɨk yaꞌr gɇꞌkam kat!

Baꞌp ja tɨtda puiꞌ xi ja doodak: ―¿Kux cham maat japim aa nap jum kaiꞌch gu ñioꞌkiꞌñ guñ Gɨꞌkoraꞌ miꞌ na paiꞌ tu uaꞌñix: “Dhi chiop nat miꞌm kɨi, miꞌ dhɨr jix bhaaiꞌ nam bha tuñ aꞌgiꞌñdhaꞌ gu jaꞌtkam soiꞌ jim ɨlhdhat”? Aapiꞌm guꞌ ya jaꞌp tuꞌiiꞌ na jax paiꞌ noꞌm jum jumpaꞌn gu ɨꞌxkum.

Xi ja aagiꞌñ gor gu Sion oiꞌñkam na soiꞌ jim duiñchugɨt bhuruꞌx chaꞌm muiꞌ ba jim gu ja gɇꞌkam tuk. Jir bhiꞌññordam gu bhuruꞌx na bhaan jim.

Baꞌp ja tɨtda ɨp gio gu Jesuus: ―¿Cham aa pim jɨꞌxkat tu jiñkuiꞌñ gu ñioꞌkiꞌñ gu Dios miꞌ na paiꞌ tu uaꞌñix na jaꞌpnim kaiꞌch: Gu jodai na mɨt maiꞌ xi buak gu bhibhiꞌñbakchadam, guꞌ ji nat guꞌ gio miꞌp dai guch Gɨꞌkoraꞌ na baꞌ bhaan darkaꞌ gu jaiꞌ joodai, na guꞌ puiꞌ jaꞌk jix aaꞌ, baꞌ aañ joidham jix bhaiꞌñ chaat buiñor gu dhiꞌ puiꞌ nat jax tu duu?

Baꞌ aapiꞌm puꞌñip ji buusan na jax gu bhibhiꞌñbakchadam na mɨt maiꞌ xi buak gu jodai gux kɨɨꞌ, baꞌ cham jɨꞌxkat aayaꞌ pim jix dhaam jaꞌk buiñor gu Dios. Dai guiꞌ nam jɨꞌk miꞌ puiꞌ jiim na jax jix aaꞌ nam baꞌ jimiaꞌ buiñor.