Δημοφιλή Βιβλικά εδάφια από Makho 5

Κοινοποίηση

Jesu watsi kuye: “Ndvodzakati yami, kukholwa kwakho kukuphilisile. Hamba ngekuthula, uphile esifeni sakho.”

Bekukhona umfati labegula, aphetfwe sifo sekopha, lesase sicedze iminyaka leli-12 simphetse. Abesagule kakhulu, asaphelelwe timali kulabelaphako, angasenalutfo esandleni, kodvwa kujinge kubete buncono, kugula kuya embili.

Kopha kwancamuka khona lapho, wativa asaphilile esifeni lebesimphetse.

Wafike wabamba lomntfwana ngesandla, watsi kuye: “Thalitha, khumi,” lokusho kutsi: “Ntfombatana, ngitsi kuwe: Vuka!”

Asakhuluma nje Jesu, kwefika tigijimi tiphuma kaJayiru tambikela tatsi: “Indvodzakati yakho seyifile. Sale umyekela loMfundzisi, ungasamhluphi.” Kodvwa Jesu, angakunaki loku letatikusho, watsi kuJayiro: “Ungesabi, kholwa kuphela.”

Yakusho loku, ngobe Jesu abesatsite kuyo: “Phuma dimoni kulomuntfu!” Jesu wase uyabuta utsi: “Ungubani libito lakho?” Yamphendvula yatsi: “Libito lami nguSibanyenti, ngobe silibutfo.”