Δημοφιλή Βιβλικά εδάφια από KubaseKholose 3

Κοινοποίηση

Nibeketelelane, nitsetselelane, nangabe umuntfu akhube lomunye; ngobe phela neNkhosi yanitsetselela, nani-ke yentani njalo.

Nakekelani tintfo tasezulwini, ninganaki tintfo talapha emhlabeni.

Konkhe lenikwentako, kwenteni ngenhlitiyo, kube shangatsi nentela iNkhosi, hhayi bantfu.

Ngako-ke njengebantfu labakhetsiwe baNkulunkulu, labangcwele nalabatsandzekako, yembatsani bubele benhlitiyo, nesisa, nekutitfoba, nebumnene, nekucinisela.

Livi laKhristu alihlale ngekhatsi kwenu liphuphume. Fundzisanani niyalane ngekuhlakanipha konkhe, nifundzisane ngemahubo nangetingoma, nangemaculo akaMoya. Nihlabelele Nkulunkulu ngekumbonga etinhlitiyweni tenu. Konkhe lenikwentako kwenteni ngelibito leNkhosi Jesu, nome ngelivi, nome ngemisebenti, nibonge Nkulunkulu uYise ngaye.

Kodvwa-ke ngetulu kwako konkhe loko yembatsani lutsandvo, lolusibopho sekuphelela.

Nangabe-ke navuswa kanye naKhristu, funani tintfo tasezulwini lapho Khristu ahleti ngesekudla saNkulunkulu.

Kuthula kwaKhristu, lenabitelwa kuko emtimbeni munye, akubuse etinhlitiyweni tenu; futsi netayele kubonga.

Ngaloko-ke bulalani tonkhe tinkhanuko tenu talapha emhlabeni: bugwadla, nebuphingi, nekungcola, nekuhungeka, nekukhanuka lokubi, nebukhali lobukukhonta tithico.

Ngobe phela nafa, imphilo yenu ifihliwe kanye naKhristu kuNkulunkulu.

Kepha manje kulahleni konkhe: kutfukutsela, nelulaka, nenzondo, nekuhlambalata, nekukhuluma emahlazo.

Ningakhulumelani emanga, ngobe senikhumule umuntfu lomdzala kanye nemikhuba yakhe. Manje senembetse umuntfu lomusha, kuze nihlale nakhiwa kabusha, nifute Nkulunkulu, nimati ngalokuphelele.

Madvodza, tsandzani bafati benu, ningabacansukeli.

Bantfwana, lalelani batali benu etintfweni tonkhe, ngobe nguloko lokutsandvwa yiNkhosi.

Bafati, tfobelani emadvodza enu, njengalokufanele eNkhosini.