Δημοφιλή Βιβλικά εδάφια από Ro 5

Κοινοποίηση

Qalaĝaja Dios di'yoq q'aen da'me qo'mi noqopitalo, chaqaeda da'me maliaĝa qolaqatauelo gaa'me qadoeco ca'li, yajouaĝa't qo'mi ca'li yeleu ñe'me Cristo.

Qama'le da'me dojo' qadeuataqataĝanaĝac ja qo'mi 'te yoqovi'n, qa'a ñe'me Dios najaqachiguilo q'ae'n naa'me qadai'li da'me loqopich'i na'ya q'aen ñe'me Lepaqal jo'ne qo'mi yanema.

Nataq'aen ja jaldata da'me dojo', dite da'me nach'e ena'am ñi'yoĝodetapela't da'me uo'oe gaa'me qadachoĝodeco; qa'a jayatenaq queda'me qadachoĝodec qo'mi yanema da'me qadalo'oguet da'me qanapogaĝadenaĝac. Qama'le da'me qo'mi t'añidañe, male qo'mi e'n mataĝanaĝayaqa, nataq'aen da'me qo'mi na'yalo q'ae'n da'me qadeuataqataĝanaĝac.

Qama'le queda'me Dios joote qo'mi e'n yataqatelo'te, yajouaĝat da'me qadepi'iyaĝac, male 'uo da'me qat'emaĝac 'me chiyoqo'ot ñe'me Dios, qa'a na'ya q'aen ñe'me Qadejaliaĝanec Jesucristo. Chane'eja chiyaqayi da'me qadepe'e, ñe'me Jesucristo qo'mi yanema da'me qadadiiuo qaedi jaqanatetaq da'me jec'ataĝa ñe'me Dios, nach'eñe jo'ne yataqata qo'mi yichoĝode'n, qama'le qo'mi t'añidañe nataq'aen ñi'yoĝodenaqatapela't queda'me 'uo da'me qadeuataqataĝanaĝac da'me jouaqaue qomle da'me 'lañaĝac ñe'me Dios.

Qa'a ca'li qo'mi ja jaqanatetaq ta'le mach'e ñec'alaĝataĝala't, Cristo ga'me mach'e laloqo' q'aen, yeleu ca'li nep'aĝanegueta gaa'me loeco lo'olpi.

Qama'le nayi, Dios joote qo'mi e'n yataqatelo'te q'ae'n chiyaqayi da'me yeleu ca'li ñe'me Cristo, qama'le p'ajaye eja da'me qo'mi qonec'alaĝatedegue ga'me nolo' p'ategue 'me 'uo da'me nec'atenaĝanaĝac jo'ne na'ya q'aen joñe'me.

Chane'eja, jouaĝat da'me ja yoqo'cha ga'me 'naqatac ñe'me onolec jiyaĝaua, qayoĝode' gaa'me loeco lo'olpi; qalaĝaja nach'e ena'am naq'aeta da'me jouaĝat da'me yoqo'cha ga'me 'naqatac ñe'me onolec jiyaĝaua qanach'e qayoĝode' gaa'me qoye'n yataqatelo'te.

Nataq'aen ja jaldata da'me dojo', dite da'me nach'e ena'am 'ñonaĝataĝaye ñe'me Dios yajouaĝat ñe'me Qadejaliaĝanec Jesucristo, qa'a nach'eñe ñe'me Cristo jo'ne chiyaqayi da'me jaconaĝaguet nayi da'me qo'mi qoyadalaĝa't.