Δημοφιλή Βιβλικά εδάφια από Mc 13

Κοινοποίηση

Yema ga'me aleua laje'pi ami nautenalo qa'a yajouaĝat da'me jayem oquiyegue; qalaĝaja ga'me jo'ne 'nañaĝatela't chayovida'a da'me loiquiaqa', nach'ega qoyanem da'me lec'alaĝa jo'ne ja 'naidena'a.

Chane'eja ¡achiya'aguet! Aneloyitaye nataq'aen a'vicheta't, qa'a ja auayachiñe qom novi' ga'me nolo' jo'ne laloqo'.

Nataq'aen ena'te at'oiyapega ga'me jo'ne anenaĝachiyegue qom ami qoyajoĝona'agueta gaa'me lejaliaĝanaqa gaa'me nemaĝaiqui'. Nach'ega laloqo' da'me anenaĝachiyegue ga'me jo'ne Dios ami yaloĝonalo, qa'a ja naqa'ami ta'le mach'e auojeyi, dite ñe'me Lepaqal joñe'me Dios jo'ne ami yojaĝanaĝa'n.

Jodi'me piyem nataq'aen jena'me aleua ja yitaĝa 'uo qom'te, qalaĝaja daa'me 'yaqataqa qamqa'me ja yenoĝodegue.

“Qalaĝaja ga'me ua'a ga'me nolo' uotaĝa ga'me laloqo' da'me dojo', qaya'te gamachaqaega ta'le yayaten, uotaĝa gaa'me piyem laje' jo'ne neteda'ña di'me piyem, uotaĝa jayem jo'ne Dios Lec'oĝot; onolec ñe'me Taĝadena' yayaten da'me dojo'.

“Qom auep'iquitapega queda'me 'uo ga'me nalatetapega't jo'ne maqapi'ña jenjo', uotaĝa maqapi'ña di'cha'a, 'noota qom ena'te at'oiyi. Qa'a nach'eda taue ga'me 'uo qomle, qalaĝaja maliaĝa ja laloqo' ga'me loiquiaqa'yaĝac jena'me aleua.

Chane'eja, 'noota qom a'nañaĝachiyec da'me adevitaĝaqui, qa'a ena'am ta'le ja auayachiñe ga'me laloqo' qom novi' ñe'me loĝot ga'me 'nachaqa', uotaĝa qom yemta pi'yaq, uotaĝa laeñi ga'me pi'yaq, uotaĝa qom jaya'agueteda, uotaĝa yamta'le 'yoĝoñi. Qa'a ja 'noota qom pelaqatela't da'me paja'a ñovi' qama'te ami jejomalo'te da'me ena'am ta'le a'uochetac. Da'me 'yaqatac jo'ne ami janema, nach'e ena'am janema yema ga'me jiyaĝadipi: ¡A'nañaĝachela't: aneloyitaye!”

Qama'le ga'me noic delo'ye' ga'me noic laqaya, nataq'aen gaa'me nejaliaqa'te deloiquitapega't. Nataq'aen qayoĝode' gaa'me ale'u lael deda'tape, nataq'aen 'uo da'me noqouaĝa. Naqaenaua naajo' 'uaediñe uo'oe qomle daa'me nachoĝodeco.

Qama'le da'me 'naqataĝanaĝac jo'ne onaĝaic 'noota ta'le 'uaeñe qot'aqataĝatapema yema ga'me noyaqapi.

Qa'a qayoĝode' gaa'me novi't qomle jo'ne ch'e jayem 'naĝachidiye. Eetojo' ga'me 'laqata'j: «Mach'e jayem Jesús», qama'le jalcote ga'me jiyaĝadipi jo'ne yoqovi'n qomle.

“'Noota qom mach'e anechilela't, qa'a ami qoyanouelo gaa'me nemaĝaiqui' lejaliaĝanaqa qomle, nataq'aen ami qoye'uaĝa'n nale oviyauelo gaa'me nemaĝaiqui'. Ami qoyajoĝona'agueta gaa'me jaliaĝanaqa jo'ne yelolo'te nale gaa'me ale'u lael nataq'aen jogaa'me jaliaĝanaqa jo'ne p'ajodaye, yajouaĝat da'me ami yapaĝaguenataqa, qaedi naq'aeta da'me male auaqanachichi ta'le jayem a'uaĝachetac nale auajoyiya'agueta jogaa'me.

Qa'a novi't qom'te gaa'me pecayaqa jo'ne eetapela'ajalo Dios liquiyaqa, nataq'aen gaa'me qovinaĝanaĝayaqa jo'ne eetapela'ajalo Dios 'laqataĝanaĝanaqa; qama'le nach'egaua yauo'oe gaa'me 'lanaqa nataq'aen gaa'me lañoqotaĝanaĝaco jo'ne p'ajodaye, qaedi doqovinaĝa'n, da'me jetaque yañoĝo't chayovida'alo gaa'me Dios lec'oqo'tolqa jo'ne mach'e liquiyaqa.

Nataq'aen Jesús enaac: —Qalaĝaja gaa'me noloqo'ote qom'te, qom joote yenoĝodegue gaa'me noloqo'ote jo'ne nachoĝodaĝaiqui', qama'le jañe'me ajeua 'uo da'me 'lalaĝa, nataq'aen ñe'me auoĝoic male qaya da'me lauaqayaĝac; ga'me uaqachiñipi chiyoqodaje'ma di'me piyem da'me 'naqadañe, nataq'aen qoyedada'tape ena'uaque gaa'me jo'ne neda'ague di'me p'ajeguem 'me laqauaejeguem.