Δημοφιλή Βιβλικά εδάφια από Jn 14

Κοινοποίηση

“Ami jepotajopa da'me 'nemaĝac. 'Yemaĝac ami janema nayi, qalaĝaja da'me dojo' jo'ne ja'uo nayi, ja ena'am da'me yauotedac nale jena'me aleua laje'pi. Ena'te lichiguilo naa'me adai'lidi', uotaĝa ta'le at'oyiyi.

Jesús 'yateguet joñe'me: —Naqayem jo'ne naq'aec, 'me eja nataq'aen da'me nec'alaĝa. Qaya'te naq'aec laqaya ta'le qoyovida'a ñe'me Taĝadena'.

“Ena'te ami totelo'te, dite da'me jayem auep'iiya'a nataq'aen da'me auep'iiya'a ñe'me Dios.

qalaĝaja ñe'me Necochaĝaua, ñe'me Dios Lepaqal jo'ne namaĝaquena qomle joñe'me Taĝadena', nach'eñe joote qoyanem da'me yañoqotaĝanaĝac qaedi ami yapaĝagueneque ena'uac naa'me naajo' uo'oe nataq'aen ami netouenaĝanaĝaneque yema da'me jo'ne joote ami ja'aĝatetapema.

Joga'me jo'ne yaconegueta daa'me yamaĝajoĝonaĝaco nataq'aen da'me yoqo'chalo, qama'le nach'ega yaloĝon da'me yataqachiñe eja jayem noqopita. Qama'le ñe'me Taĝadena' noqopita ga'me jo'ne jayem noqopita, qama'le nach'e ena'am da'me jayem joqopita joga'me nataq'aen da'me ñaloĝoneguet.”

Qama'le jajelaĝanot ñe'me Taĝadena' qaedi namaĝaquena ga'me laqaya jo'ne necochaĝaua, qaedi nach'e eta't ami uetauelo. Nach'eñe ñe'me Dios Lepaqal jo'ne yataqatelegue; joga'me aleua laje'pi ja yaqanate't ta'le yacoteguet, qa'a ja yauata nataq'aen da'me ja yateto'n; qalaĝaja da'me ami yataqata auatetoñi, qa'a nach'e eta't ami ue'tajopa nataq'aen da'me male ami uetauelo qomle.

Qom yataqachiñe jayem ademii'teguet, qama'le ami janema yema ga'me jo'ne auajelaĝañiyaque, qaedi da'me jayem jo'ne jayem Dios Lec'oĝot male jaloĝon da'me 'lonaĝac joñe'me Taĝadena'. Je'et qomle gamachaqaega ga'me aviyaĝañiyaque, qom yataqachiñe jayem ademii'teguet.

Yitaĝa enaac ñe'me Jesús: —Qom yataqata jayem adoqopichiya, qama'le auoqochiya'alo naa'me yamaĝajoĝonaĝaco.

Di'me na'ña ñe'me Taĝadena' uo'oe gaa'me 'nachaqa'te jo'ne qayoĝode'. Yataqachiñe eja da'me dojo', qo'che' joote ami ja'aĝatema da'me jec qaedi jiyamaĝateta'ajalo jogaa'me mach'e at'achaqachidi'.

Chane'eja qom yem da'me jec nataq'aen da'me jiyamaĝateta't gaa'me at'achaqachidi', qama'le yitaĝa 'ñiyelaq qaedi male ami yequiaĝa'u, qaedi ami nach'e eta't da'me oñiya'ña di'me jo'ne 'nachaqa' di'me jo'ne nach'edi 'nachaqa' jo'ne joneta'ña.

Qama'le Tomás 'yateguet joñe'me Jesús, enaac: —Jaliaĝanec, ja jayatenaq ga'me auajoyi. ¿Toqoch'e aueetapega jayatenaq ga'me naq'aec?