1
Roma 2:3-4
Sranan Tongo Bible 2016
SB16
Brada, yu denki taki Gado o krutu den sma di du den sani disi, ma dan A no o krutu yu di e du den srefi sani tu? Na span yu no e span tak' Gado bun so gi yu, tak' A abi langa pasensi èn tak' na wani A no wani strafu yu wantron? Na sabi yu no sabi tak' Gado bun gi yu fu di A wani tak' yu mus drai yu libi?
2
Roma 2:1
Brada, yu kan krutu den sma di e du den sani disi, ma awinsi suma na yu, yu no moro betre. Bika te yu e krutu wan trawan, yu e krutu yusrefi, bika yu e du den srefi sani.
3
Roma 2:11
Bika ala sma na a srefi gi Gado.
4
Roma 2:13
Bika a no den sma di e arki a wèt e kon bun ini Gado ai, ma na den sma di e du san a wèt e taki.
5
Roma 2:6
Bika Gado o pai ala sma fu den sani san den du.
6
Roma 2:8
Ma Gado o puru En atibron tapu den sma di e prakseri densrefi wawan, di no wani arki den tru sani, èn di e du ogri.
7
Roma 2:5
Ma fu di un trangayesi èn un no wani drai un libi, un e meki taki a strafu fu unu o kon moro hebi tapu a dei di Gado o krutu èn strafu libisma soleki fa a fiti.