Δημοφιλή Βιβλικά εδάφια από रोमि 15

Κοινοποίηση

खानि आसा कापिबा माङ्‌हाङ्‌ङा खानि निङ्‌ग्‍वाङि आड्‌डिक् आनान्‍दा हिट्‌नुङ् हाङ्‌हाङ् मापिडियाक् नुङ् आङा बिन्‌टि चोगुङ्‌टुङ्, पोङ्‌भोने खानिङा उन्‌ङि बिस्‍वास आचोगुएसुम्‍मे॥ नाड्‌डेउङ् सेङ्‌सेङ्‌ना हाङ्‌साङाना साक्‌तिलाम्‍मा खानिङि लिसाना आसा पोसा पोसा खाट्‌युक्॥

आच्‍छो बेला धारमाछाप्‍लाङि छेप्‍टागा सोब्‍बे रिङ्‌चि आनि हिसिक्‍मालाउङ्‌सा छेप्‍टागा डागा॥ धारमाछाप्‍लाङिना रिङ्‌ङा आङ्‌मा हिमाना साक्‌ति हिट्‌नुङ् आँट् आनि आपियुक्, हिट्‌डेउङ् माङ्‌हाङ्‌ङा चोगुना चामारसिङा युयुक् नुङ् आनि आसा चोक्‍मा हिडुम्‍टुम्॥

माङ्‌हाङ्‌ङा डोक् आनिलाउङ्‌सा आङ्‌मा हिमाना साक्‌ति लोक् आँट् आपियुक्॥ हिट्‌नुङ् खिरिस्‍ट येसुङाना उनिङ्‌ग्‍वा गाड्‌डे खानि सोब्‍बे ठिबाङ्‌ङा आरकोलोक् ठिक्‍ए निङ्‌ग्‍वाङि युङ्‌मा हिमाना बोल् उन्‍ङा खानि मापिड्‌याक् नुङ् आङा बिन्‌टि चोगुङ्‌टुङ्॥ नाड्‌डेउङ् खानि ख्‍वाप्‍पाङा ठिक्‍ए निङ्‌ग्‍वाङि ठिक्‍ए सोरा चोक्‍सा आनि टाङ्‌बा येसु खिरिस्‍टङाना माङ्‌हाङ् पाबा उनिङ् चोन्‍मा आहिडुम्‍टुम्॥

हिड्‌डेउङ् खिरिस्‍टङा खानि मालाडि गाड्‌डे डोक् खानिङा चा ठिबाङ्‌ङा आरकोलाउङ्‌सा लाड्‌गा लाड्‌गा चोगानि॥ हिट्‌नाड्‌डेउङ् याप्‌मिचिङा माङ्‌हाङ्‌ङाना उनिङ् ओचोन्‍डुटु॥

आनि सोब्‍बेङा आनि टाक्‍लुङ्‌चिगा निङ्‌ग्‍वा खोना रिङ्‌ङा नुलोक् चोगुटुना हिट्‌ना रिङ् कोन्‍मा कोन्‌युक्, हिट्‌नुङ् बिस्‍वासङि बोल्‍लेउ लिमा घुवार फामाचि कोन्‌युक्॥