Δημοφιλή Βιβλικά εδάφια από Baɛfɛsɔ 5

Κοινοποίηση

Momoeye Kakua, kɔmɔa moe ne baana batokonda awɛ; Moongwe mo kokondana baanu bɛɛnɛ na bɛɛnɛ boa bwatokonda Kilisito. Waocha mwɛchɔ waakɛ kombanga yiito bwe keochwa ne kɛkyɔ keochwa kye kutumba ko masabau, ketoocha ilumba lyaachi lɛtɔmɛma na Kakua.

Mwilɔlɛ bwaachi bɔtɔɛnda baanu. Mɔbɛchaya bwe bando bataasi ne lokani, mɔɛndɛ bwe bando be lokani. Mokokeele keke keeko, kɔmɔa mama masu ne mabea.

Mɔkɔlwaya ne malu, matochaa bando ko bwabea, mochekiwe ne Motema wa Ama. Mɔchɔbwɛ wiinu oongwe we kɔtɛchana motema, mo koemba nembo che koeleleka Mwaame. Ne chikinɛ nembo che komoseka, chitotoka ko Motema wa Ama. Momoembee ne komoseka ne motema wiinu ɔɔsɛ. Ko keeko kɛsɛ mɔbɛchayɛ mɔ kɔɔcha isili kwa Kakua Tati we biisɛ, mu chiina lya Mwaame wiito Yɛsu Kilisito.

Ko bobo moenaya lokani, mwifɛkɛɛnyɛ kocheba bia bitokonda Mwaame mɔbɛ mukubiketa.

Na baanu babaome, mokonde bakachi binu, boa bwakonda Kilisito kokonda Kanisa, ne koolea mukwiocha awɛ mwɛɛnɛ kombanga ya akɔ.

Kaɛ kaɛ mwabɛchaya ikunyɛ, mo leno motae kyɛɛngɛ monda mwa Mwaame; ne ko boa mɔɛndɛ bwe baana bɛ kyɛɛngɛ.

Mɔnyɛmyanɛ baanu bɛɛnɛ na bɛɛnɛ, kɔ bɔnyɛmu boe niinu kwa Kilisito.

Baanu bakachi, mɔnyɛmyɛ baibinu, boa bɔtɔnyɛmya baanu Mwaame.

Bitokoka kwinu bwakaɛ, mwamoome ɔɔsɛ okonde mokachi waakɛ butuikonda awɛ mwɛɛnɛ, ne mwamokachi ɔnyɛmyɛ ibakɛ.

Tuchimba twa ama tɔtɔɔcha bobo: «Bia ne bitoketa mwamoome kosambokana na isakɛ na inakɛ, ne kwisambya ne mokachi waakɛ. Basɛ babee batabɛ lɔkɔba lɔmɔɔsa.»

Nde kwisambya ku bikete bye kanyanya bye ikunyɛ, Baanu mubiile paa paa.