Δημοφιλή Βιβλικά εδάφια από 1 Pɛtɛlɔ 1

Κοινοποίηση

Toelelekaye Kakua, Isa Mwaame wiito Yɛsu Kilisito! Koetea lokwa lwakɛ lwabua, ɔsɔtɔɛcha mwɛchɔ moyamoya ko njea yee kuubua Yɛsu Kilisito. Kɔ ɛyɔ njea tosokonja ibaechi le meombo. Kabee totoendecha koenoka kwito kotokee kwa Kakua kwabekea awɛ bando bakɛ. Koa koenoka kwasotobekea awɛ kwiyoo. Koa kokabɔɛ ɔbɛɛ kubunda ikɔya ɔbɛɛ kununa.

Kɔ bɔbɔ muungwe nɛ kɛmɛmɔ, naanga ne botakonje baanu manɛnɛ mo keeko kichinini koetea kɔɛlɛkiwa kwe mitindɔ ya bua. Mamɔ manɛnɛ ne me kɔɛlɛkiwa kwe iekekeo linu. Pauni ne keemo kyaanga kɔɔnɛka, ɔbɛɛ bɔbɔ, ɛtɔɛlɛkiwa ko njea yee kutumbwa ko toya. Nalyo Iekekeo linu lee ne ibɛi lekataa koeta pauni, letowaena kɔɛlɛkiwa kɔmɔa lɛmɔɛkɛ lye kiinɛkinɛ. Bibyɔ ne bitakete mokonje boombe, nɛ bɔnyɛmu akamɔɛka Yɛsu Kilisito.

Bwakaɛ boa boe Kakua wabaitana wa ama, na baanu kabee moongwe ba ama mu bikete binu biisɛ. Kɔmɔa Tuchimba Twa ama twaanga kɔɔcha itɛ: «Mɔbɛ ba ama boe mee wa ama.»

Mɔbɛ mo koeleleka Kakua, mɔɔtɔkɛaya kabee ngani chiinu chabea chabɛchaya niinu kaɛ kaɛ, abɛchaya banu mokee mɔ bɔɔku.

Kɔ bɔbɔ, mwipangye ko kokambekya lokani lwinu. Mɔbɛ miisɔ ne kobeka ibaechi linu lɛsɛ ko kaa kaowe katakonje baanu atamɔɛkɛ Yɛsu Kilisito.

Kɔmɔa Tuchimba Twa Ama twaanga kɔɔcha itɛ: «Bando basɛ bae ne bwe bisɛsi, Ne boombe bwabɔ bɔɔsɛ boe ne bwe maloba. Bisɛsi bitooma ne maloba matokea. Ikomo lya Mwaame alyo, lituchikaa meombo ne meombo.» Na lee Ikomo ne Ilɔngɔ Lyaachi lyasaolelwa banu.