Δημοφιλή Βιβλικά εδάφια από Елшилер 2

Κοινοποίηση

Петр оларға былай деди: – Гүналарыңыздың кеширилиўи ушын тәўбе етип, ҳәр бириңиз Ийса Масийхтың аты менен суўға шомылдырылыңлар. Сонда Мухаддес Руўхты сыйға аласызлар.

Олар өзлерин елшилердиң тәлимине бағышлап, бир-бири менен қарым-қатнаста болды ҳәм бирге нан сындырып, дуўа ететуғын еди.

Олардың ҳәммеси Мухаддес Руўхқа толып, Руўхтың айтқызыўы бойынша басқа тиллерде сөйлей баслады.

Тосаттан аспаннан күшли самал ескендей болып, бир шаўқым еситилди ҳәм олар отырған үйди пүткиллей толтырып жиберди. Оттың жалыны сыяқлы тиллерге уқсаған бир нәрселер оларға көринип, бөлинип-бөлинип ҳәр бириниң үстине түсти. Олардың ҳәммеси Мухаддес Руўхқа толып, Руўхтың айтқызыўы бойынша басқа тиллерде сөйлей баслады.

Олар ҳәр күни бирге Ибадатхананың ҳәўлисинде жыйналысып, үйлерде нан сындырысты. Қуўанышлы түрде ҳақ кеўил менен бирге аўқатланды. Қудайға мақтаўлар айтып, пүткил халықтың алғысына бөленди. Ийемиз де қутқарылғанларды оларға күн сайын қосып барды.

«Қудай былай дейди: Ақырғы күнлерде барлық адамлардың үстине Өз Руўхымды жаўдыраман. Улларыңыз ҳәм қызларыңыз пайғамбаршылық қылады. Жасларыңыз аянлар, қартайған адамларыңыз түслер көреди.

Исениўшилердиң ҳәммеси бирге болып, ҳәмме нәрсесин орталыққа қойды. Мал-мүликлерин сатып, ҳәр кимниң мүтәжлигине қарай үлестиретуғын еди.

Сонда Ийемиздиң атын айтып шақырған ҳәр бир адам қутқарылады».

Ийемиздиң уллы ҳәм салтанатлы күни келместен алдын, Қуяш қараңғыланып, ай қанға айланады.