Δημοφιλή Βιβλικά εδάφια από เลห 7

Κοινοποίηση

วาย อัน ตี เฌาพรา วี ต็อห ดี อาโมวแซ, “แตห แม โทม ซีคยา. โอว ดี แตห อีกัด แม ฮาว กาลาง ดี คูนดีคัม พาโรว. โอว ดี แตห อาโรน กาลาง โฆรห แม ดี คูนดีคัม, แตห อึณ ปี ดูอี บยาน โฆรห เฌาพรา วี แค โฆรห เฌาพรา ดี อี เฮา.

โอว ดี บยัะ นา หมึอม อาม กาเซา ดี เฆ ดูอี แอฆึบ, แตห อึณ แบน น็อห โยว ดี เฆ. โอว ยี ดี วี แตห น็อห คูนดีคัม พาโรว ตู บยอง ดอ เหมา. อัน ตู วี โทม โฆรห แม. ดอ อัน ตี โอว ดี วี แตห เฆ ดูอี แคง มืง แอฆึบ วี กาดูห ดูก ตาง, แตห เฆ คัม หมาบ เฆ, แตห เฆ นับ ปวน โอว. ปัน ตี โอว ดี ตึย เฆ ดูอี อีซาเรลัะ ดอน ครึร, แตห เฆ เลห ฮาว ตัะ มืง แอฆึบ.

ดอ อัน ตี เฆ ดูอี แอฆึบ ดี บอ นับ, อึณ มูห โอว อัน เฌา, โอว แฮะ บยัะ ปวน ตาง ดี เฆ, โบง นา ตู หมึอม ดี เฆ. โคว, เฆ ดี แตห เฆ ดูอี อีซาเรลัะ เลห ฮาว ตัะ มืง เฆ.”

คูนดีคัม พาโรว แดะ เฆ ดูอี อี มึห อางยาน บอ เฆ ดูอี อี นับ ดี โบง มยัะหลัยะ. เฆ บอ ฆาว ปวน ปี หณึม เฆ, ณึง ปี โบง อาโรน ตึอน. ดอน อี บอ ฌัต อึณกรวน อัน, แตห อึณ บอ แบน มาฮัณ. อึณกรวน อาโรน ตึอน ยี แมง บลึอบ อึณกรวน เฆ ดูอี เฮา ดอน ณ็อง.

ดอ ตี นี เฌาพรา วี ต็อห, อัน ดี แตห แม นับ, อัน มูห อัน เฌา. อัน เฌา ต็อห, โอว ดี มัห อึม แคง แบลง อึม ตี, ตา อึณกรวน นี. อึม ดี บยอง แบน หนาม อู เฌณ.

“เซ คูนดีคัม จัร บาย โบง นา หมึอม อาม กาเซา, แตห แม กาลาง ดี อาโรน. แตห อัน ฌัต อึณกรวน ปี โฆ็ง อัน, แตห อึณ โจห นา อาต คูนดีคัม พาโรว. อึณกรวน ตี ดี วี แบน มาฮัณ อู เฌณ.” ปัน ตี อาโมวแซ ฆาย อาโรน บอ ฮาว กาลาง ดี คูนดีคัม พาโรว, โบง โตต ปี จัร เฌาพรา ฆาย โบง. อาโรน มืร ฌัต อึณกรวน อัน นา อาต คูนดีคัม พาโรว บอ นา อาต เฆ อามู อามาด อัน. แฮะ ฮอต, อึณกรวน ตี วี แบน มาฮัณ.