Δημοφιλή Βιβλικά εδάφια από เลห 31

Κοινοποίηση

“โอว แฮะ ฮอต ร็อห อาเบฌาเลน อี มูห ครึร อายูดา ตึอน, แตห อัน โบง แบน โมยว แบน โมยว. อาเบฌาเลน ตี, อัน มูห ฆอน อาอูรี อี มูห ฆอน อาฮูรา. โอว แฮะ ฮอต ดัว น็อห พึอม เฌาพรา ลึบ แคง น็อห อัน, แตห อัน แหลว ดี โบง แบน โมยว แบน โมยว ปี จัร โอว เบ โบง. โอว แฮะ แตห อัน มึห อางยาน, แตห อัน แหลว ดี โบง ดอน โมยว. อัน นับ ดี โบง โบห เฆ ปัยะ ดอน โมยว ตา ครีว, รึอน บอ บ็อง. อัน แหลว ดี รัณ แซณ บอ โบง กาง แซณ. อัน บอ แหลว ดี ตา เฮ, โบง แบน โมยว แบน โมยว บอ แบน ลักซามา อี โบง โกรวกราม อี ชีด กาเซา.

อัน ต็อห, “แตห แม อาโมวแซ วี จัร เฆ ดูอี อีซาเรลัะ ต็อห, ‘เบ โลว กัม รีด ซีแง ดีเหลา. อึณ มูห ซีแง ปี ดัว โอว ดี เบ. ซีแง ดีเหลา ตี, อึณ ปี ลักซานา ปี ดัว โอว ดี เบ. อู ซีณ ดอ ตี นี, ฌัม นา อาต ดอน โจว ดอน บาน, ดอ ฌัม ซีแง ดีเหลา อึณ แตห เบ โหลห, อึณ มูห โอว, โอว เฌาพรา แฮะ แบน ดา กาณา อี อึบ เบ. บอ มูห โอว อี แตห เบ แบน ดูอี บอด อี ตู ปี ดูอี เฮา.

เฆ ดูอี อีซาเรลัะ โลว กรึบ โอว ดอ ฌัม ซีแง ดีเหลา, แตห อึณ แตห เฆ โหลห เซเซ ปี โบง โอว ดอ มึอน. โอว แฮะ พาน เบลห ฆางหราว บอ กาดาย อาดา เดา ซีแง. ยี ฌัม ซีแง อึณบู, โอว วี ดีเหลา, ตู โบง ฆาน มาเซ. โคว อัน ตี, บอ เบ โลว ดีเหลา ซีแง อึณบู.’” แคะ ตี เฌาพรา กาลาง โฆรห ดี อาโมวแซ ดอ กอย อัน ดี อาต เฌาพรา แดง นอน ซีนาย ตึอน.