Δημοφιλή Βιβλικά εδάφια από Roma 9

Κοινοποίηση

Jadi, Allah pili satu orang bukang tagal dia pung mau ka tagal dia pung usaha par biking apa yang bae, mar tagal Antua pung hati bae.

Barang, Antua bilang par Musa kata, “Beta mau kasi unju Beta pung hati bae par sapa yang Beta pili deng kasi unju Beta pung sayang par sapa yang Beta mau.”

Mar, beta mau jawab dia kata, katong manusia ni sapa kong barani manyao Allah? Coba pikir, masa sempe bisa bale tanya par orang yang biking akang kata, “Hoe! Mangapa kong se biking beta macang bagini?”

Jadi, dari nats tu katong bisa balajar kalo Antua kasi unju Antua pung hati bae par satu orang ka, kasi karas satu orang pung hati ka, itu iko Antua pung mau sa.

Masa orang yang biking sempe tu seng ada pung hak par tana liat par biking apa yang dia mau? Dari tana mera yang sama, dia bisa biking sempe satu par pake par hal-hal yang panting la yang biasa par pake hari-hari.