Δημοφιλή Βιβλικά εδάφια από Roma 7

Κοινοποίηση

Jadi beta bisa bilang bagini: Dalang hati, beta inging paskali par biking Allah pung atorang-atorang tu, mar beta pung tabiat hidop lama yang bardosa tu biking beta tinggal kong biking dosa tarus. Cilaka beta ni! Sapa yang bisa kasi lapas beta dari dosa pung kuasa yang ada dalang beta pung diri, yang bawa beta par tapisa dari Allah tarus-tarus ni? Mar dangke banya par Allah, tagal Antua kasi lapas beta dari dosa pung kuasa tu lewat apa yang Tuhan Yesus Kristus yang katong somba tu su biking!

Barang, beta tau kalo seng ada satu lai yang bae dalang beta pung diri, dalang beta pung tabiat hidop yang bardosa ni. Beta memang inging biking apa yang bae, mar beta seng mustahak par biking akang.

Deng kata laeng, beta seng biking apa yang bae yang beta inging biking tu, mar justru biking apa yang jahat yang beta seng inging biking tu.

Jadi, kalo beta biking apa yang beta seng inging biking tu, itu pung arti bukang beta yang biking akang, mar dosa pung kuasa yang ada dalang beta pung diri yang biking sampe beta biking akang.

Tagal samua tu, beta tau apa yang jadi dalang beta pung diri: Biar kata beta inging biking apa yang bae, justru apa yang jahat tu yang beta biking. Barang dalang hati, beta memang suka deng Allah pung atorang-atorang tu

Kalo beta biking apa yang jahat biar kata beta seng inging biking akang, itu pung arti beta mangaku kalo atorang-atorang Torat tu bae.