Δημοφιλή Βιβλικά εδάφια από Roma 3

Κοινοποίηση

tagal samua orang su bardosa deng su jau dari Antua yang hebat deng luar biasa tu. La tagal Allah pung hati bae sa sampe Antua bilang kalo samua orang yang parcaya tu su jadi batul di muka Antua. Antua biking bagitu deng cuma-cuma tagal Yesus Kristus su mati par tabus katong dari dosa-dosa.

mar katong jadi batul di muka Antua tagal parcaya Yesus Kristus. Itu jadi par samua orang yang parcaya Antua. Di muka Allah samua orang sama

Allah su pili Yesus Kristus par mati ganti katong par tabus katong pung dosa-dosa. Antua kasi tumpa Antua pung dara di kayo salib biar katong bisa baku bae deng Allah, asal katong parcaya Antua. Waktu Kristus balong datang ka dunya ni, Antua sabar tarus par seng hukum manusia yang bardosa. Mar itu bukang pung arti kalo Antua seng biking apa yang batul. Antua hukum Yesus ganti katong yang bardosa par kasi unju kalo Antua biking apa yang batul. Deng Yesus pung kamatiang, Allah kasi unju kalo Antua biking apa yang batul. Antua jua kasi unju kalo katong su jadi batul tagal katong parcaya Yesus.

Jadi, seng ada orang yang batul di muka Allah tagal dia iko atorang-atorang Torat. Mala dari atorang-atorang tu, manusia bisa sadar kalo dia tu bardosa.

Ini sama deng apa yang tatulis dalang Allah pung Tulisang kata, “Seng ada satu orang lai yang batul di muka Allah, seng satu lai. Seng ada satu orang lai yang mangarti Allah, Seng satu lai yang mau tau soal Allah. Samua orang su bale balakang dari Allah, la dong samua pung hidop seng ada pung guna par Allah. Seng ada satu orang lai yang biking apa yang bae, seng satu lai.

Jadi katong bisa bilang, manusia jadi batul di muka Allah tu tagal parcaya Yesus, bukang tagal biking atorang-atorang Torat.

Seng sama sakali! Apa yang Allah bilang tu batul, biar kata manusia sapa sa tukang parlente. Ini sama deng apa yang Allah pung Tulisang bilang, “Tuhan Allah pung kata-kata samua tu batul. Biar kata manusia tudu Antua, laste dong musti mangaku kalo Antua tu batul.”