Δημοφιλή Βιβλικά εδάφια από Roma 15

Κοινοποίηση

Beta minta biar Allah yang jadi katong pung tampa taru harap tu biking kamong pung hati batul-batul dame deng sanang tagal kamong parcaya Antua. Beta minta bagitu biar kamong seng putus-putus taru harap par Antua tagal Antua pung Roh pung kuasa kasi kuat kamong pung hati.

Sagala hal yang tatulis dalang Allah pung Tulisang dolo tu, akang tatulis par kasi balajar katong. Dari ajarang-ajarang tu, katong bisa balajar par tahang hati deng tetap kuat waktu susa deng sangsara, biar katong bisa tetap taru harap par Allah.

Allah tu yang tolong kamong par tahang hati deng tetap kuat dalang kamong pung parcaya. Jadi, beta minta biar Antua tolong kamong par hidop dame satu deng laeng sama deng Yesus Kristus pung cara hidop. La deng bagitu, kamong bisa satu hati angka suara puji-puji Allah, Tuhan Yesus Kristus yang katong somba pung Bapa tu.

Tagal itu, beta minta kamong tarima satu deng laeng bae-bae, sama deng Kristus jua su tarima kamong lai. Kalo kamong biking bagitu, Allah dapa puji-puji.

Katong satu-satu musti usaha biar katong pung basudara jua sanang lai, par dong pung bae. Beta pung maksud, katong musti usaha biar dong pung parcaya jadi labe tamba kuat lai.