Δημοφιλή Βιβλικά εδάφια από मति 19

Κοινοποίηση

येसु इम्बालाइहेङ खाङतेङ दोअ्हि, इदोइ द्‍याङगेलाइको भाअ्सिङ आसम्भब काम हि, कालाउ परमेस्वरको भाअ्सिङ आसम्भब मान्थु, हाइपालिपानु परमेस्वरको भाअ्सिङ गोताङ काम सम्भब हि।

कालाउ उङको न्हेमि माको कालाउ एनोङ दोङ जिउ जेङखे, ओदोङ भाअ्सिङ परमेस्वर जाइहेङ ए-दोफाङ गासिका हि, इम्बालाइहेङ हिदोइ बुङ द्‍याङ मालाअ्पाको।”

येसु जोबाफ पिकाताङ दोअ्हि, “हाइ नेलाइ धर्मसास्तरता पढेका मान्थुसुना? जेलाउ परमेस्वर सुमिङहेङ सिरजाइहि, वा वाजान कालाउ बेजान बानाइहि। कालाउ परमेस्वर दोअ्हि, ओदोङ भाअ्सिङ द्‍याङ ताइको आबा-आमाइहेङ लाअ्तेङ ताइ बे दोफा मिलितेङ हिखे। एसाङ इदोइ न्हेमि द्‍याङ एनोङ जिउ जेनावा।

कालाउ येसु दोअ्हि, “उङको जामाललाइहेङ काङको दोफा लोलि पिसु। इम्बालाइहेङ मागोराइसु हाइपालिपानु परमेस्वरको सासन इसकालाइको दोङ हि।”

हेन्जा जसो जाइ लाम्फा हि न्हुसो जेनावा, कालाउ न्हुसो जेङकागेलाइ चाहि लाङति जेनावा।”

“हिदोइ बुङ द्‍याङ जाइ काङको मिङको भाअ्सिङ साअ्, दादा-ओने कालाउ बाइ-बेजान ओने, कालाउ आबा-आमाइ कालाउ चान-चामिन्दि कालाउ मिलिङ लाअ्का हि, वा साइ गुना निनावा, कालाउ आनान्त जिबनको खाबारा निनावा।

येसु वासेहेङ दोअ्हि, “नाअ् सिद्द हिलि खाङनु, हानितेङ नाङको दोफा हिका गोताङ आनेमाने पिइतेङ ताका गरिबगेलाइहेङ पि, कालाउ स्वर्गको धन निनाना कालाउ लोतेङ काङको चात्या जेङ।”

येसु वासेहेङ दोअ्हि, “आसल हाइ इङको को बिसोइता नाअ् कासेहेङ हाइ पालि हिअ्खेना? आसलते एमि खिनिङ हि। जेसापा नाअ् जिबनता दुल्लि खाङना पानु आग्यागेलाइ केम्लि गोइखे।”

आरोङ का नेलाइहेङ दोअ्खा, एनोङ उटहेङ बिन्दुको कानासो दुल्लि मुसकिल माजेङखे भरु, “एमि धनि द्‍याङहेङ परमेस्वरको सासनता दुल्लि हेन्जा मुसकिल हि!”

का नेलाइहेङ दोअ्खा, जाइ कासिबिरि बाहेकसो ताइ बे हेङ लाअ्तेङ आरोङ भेनेङ दोफा बिहु पाखे, वा कासिबिरि पाखे। कालाउ जाइ दोङ लाअ्पिका बेबालहेङ बिहु पाखे, वा बुङ कासिबिरि पावा।”

कालाउ येसु ताइको चात्यागेलाइहेङ दोअ्हि, “जातिङ भारि, का नेलाइहेङ दोअ्खा, परमेस्वरको सासनता धनि द्‍याङगेलाइ दुल्लि हेन्जा मुसकिल जेनावा।”