Δημοφιλή Βιβλικά εδάφια από ROMA 8

Κοινοποίηση

I kite matitong himoneu Mawu Ruata mangatori kaul᷊i u hal᷊i, hakiu makakoa ko mapia guna ngu apang taumata ko kumindaghi I Sie dang nikuiang-E kere'e seng nikirou-Nge

Watu'u ia mangimang kahingang himoneu su kal᷊abo u dunia, maeng papate, l᷊ai puwawiahi, maeng Malaikati arako mangawasa, maeng katataku su orasi i'i l᷊ai katataku ko sarung sumongo arako manga katatoghasi ko wal᷊inge; maeng manga apa su l᷊angi, l᷊ai manga apa ko su dunia arako manga apa ko wal᷊inge, kaul᷊ie ta makapeto Mawu Ruata kumindaghi i kite, kere seng nitibo-E su l᷊al᷊ung I Yesus Kristus Mawu ngi kite.

Kere l᷊ai Roh u Mawu Ruata nusumongo mutul᷊ung i kite boko i kite mal᷊ome. Watu'u i kite wugha minsang kirapa i kite mambeng mukal᷊iomaneng; Roh e'e sisanenge mupasaruang u Mawu Ruata tadeau mundo guna ngi kite dingang kal᷊abo u naung hakiu seng ta ikahabari.

Apang hino ngu iul᷊i su orasi i'i bou hal᷊i kaul᷊ie tamai e'e? Boko Mawu Ruata manimbuka si kite, i sai makaroka si kite?

Tempo i'i seng takoae l᷊ai hukumang si sire ko muwiahi masimbau dingang I Kristus Yesus.

Boko sipirang i kumu ikawasa ngu tabieti taumata, kuteu suenge papate. Arawe boko sipirang i kumu ikawasa ngu Roh u Mawu Ruata, kuteu suenge puwawiahi dingang purarame dingang Mawu Ruata.

Ta! Katewe su l᷊al᷊ung u kaul᷊i u e'e i kite makahombang kal᷊auntung ko masuku bou I Sie ko kumindaghi i kite!

Patiku singsara ko humombang si kite orasi i'i, tumuhu pundangku, mang ta ikasul᷊ung dingang u kawawantughi ko sarung i l᷊ahe si kite.

Apa pia ko makapeto si Kristus kumindaghi i kite? Apa wotonge kasasusa makahumping, arako kasasise, arako papahang, arako kal᷊ahutung, arako kasasusa ngu puwawiahi, arako silaka, arako papate?

Kuteu Mawu Ruata, ko matitong tataho u naung u taumata, makahingang kao u Roh e'e, watu'u Roh e'e mundo su Mawu Ruata guna ngu umati Mawu Ruata, dang mutatahino su kao u Mawu Ruata.

Apang taumata ko su aha u Roh u Mawu Ruata, e'e ko manga ana u Mawu Ruata.

Apang taumata ko muwiahi tumuhu tabieti taumata, turusi mupikiri u apang ko ikao u tabieti taumata. Arawe apang taumata ko muwiahi tumuhu Roh u Mawu Ruata, turusi mupikiri u apang ko ikao u Roh u Mawu Ruata.

Ahus-E sisane ta ikindaghi-E, watu'u nisarakang-E guna ngu kapapia ngi kite kaul᷊ie, seng tumaniewe I Sie ta mangonggo u manga hal᷊i ko wal᷊inge si kite?

Roh u Mawu Ruata dingang u roh i kite mul᷊ahe u himoneu i kite ko manga ana u Mawu Ruata. Ho, boko i kite ko manga ana-E, kuteu i kite l᷊ai managhuang pusaka-E ko sarung manarima u apang al᷊amati ko nisadia ngu Mawu Ruata guna ngu manga ana-E. I kite sarung manarima singkatarima dingang I Kristus apa ko seng nisadia ngu Mawu Ruata si Sie; watu boko i kite mutatahang u singsara dingang I Kristus, i kite sarung ipakawantughi l᷊ai dingang I Sie.

Taumata ko sipirange ikawasa ngu tabieti u taumata, taumata e'e musudu dingang u Mawu Ruata; watu'u taumata e'e ta sumulung su atorang u Mawu Ruata, dang mang tingari i sie ta sumulung su atorang u Mawu Ruata.

Kal᷊abo u tataho u dunia mangkate l᷊umiaghi mangampal᷊i temponge Mawu Ruata mul᷊ahe u manga ana-E.

I kite matitong himoneu sarang orasi i'i kaul᷊i u tataho u dunia mukahioro watu'u mutatahang u singsara kere singkatau i ma mutatahang u turu su tempo ngu mubaruntung.