Δημοφιλή Βιβλικά εδάφια από ROMA 14

Κοινοποίηση

Watu'u boko Mawu Ruata seng mamarenta su puwawiahiu singkatau, apang ko botonge kanengange arako inungange, wal᷊inge e'e kal᷊abokange. Kal᷊abokange su taumata e'e ko mutumuhu kao u Mawu Ruata, makapundang kal᷊al᷊oahi u naung dang makatarima u kal᷊al᷊uasi ko ionggo u Roh u Mawu Ruata. Taumata ko mutangkiang si Kristus su hal᷊i kere'e, taumata e'e makasanang naung u Mawu Ruata, dang iharigang u taumata ko wal᷊inge

Boko i kite muwiahi, i kite muwiahi guna ngu Mawu. Dang boko i kite mate, i kite l᷊ai mate guna ngu Mawu. Inau, wiahi arako mate, i kite mang ko koa u Mawu.

Watu'u e'e ol᷊ang i kite mambeng sintinia guna ngu manga hal᷊i ko makakoa pughaghighili l᷊au mupakapia.

Watu'u e'e kumbahang, i kite mutatoke ngu pusansal᷊a. Mapiang mangkate putawakal᷊i i kumu tadeau ta mukoa manga hal᷊i ko makapal᷊iri manga singkatau ana u simbau simpangimaneng kasal᷊ukateng dang mubardosa.

Su l᷊al᷊ung u Buki Susi kawawohe, “Mang tingari,” didato ngu Mawu, “apang taumata sarung manumba musuba su saruang-Ku; dang apang taumata sarung mangaku himoneu ko Ia Mawu Ruata.” Inau i kite singkatau-singkatau mambeng musumimbahi su kaul᷊i u kakanoa i kite su saruang ngu Mawu Ruata.

Taumata ko ta mangaking u apa ko pangimanenge mambeng tarima pakapia su tal᷊oara i kumu manga ana u simbau. Kumbahang murarendehi dingange hal᷊i u kakanoae.

I sai i kumu hakiu i kumu mamonesi l᷊ang u taumata ko wal᷊inge? Wugha l᷊ang e'e manawo arako muwangung, e'e hal᷊i u mawunge. Dang tingari l᷊ang e'e mang rumarisi matei, watu'u Mawu botonge makatei.