Δημοφιλή Βιβλικά εδάφια από WUKE NGU MANGA RASULI 1

Κοινοποίηση

Arawe i kumu sarung makarea kawasa, boko Roh u Mawu Ruata seng matuntung si kumu. Dang i kumu sarung makoa manga saksi-Ku su Yerusalem, su kaul᷊i u Yudea, su Samaria, dang murating sarang pondol᷊i u dunia.”

I Yesus nusumimbahi, “I Yamang-Ku sisane sarung manantu l᷊ou l᷊au temponge. E'e ta wahal᷊uasi i kumu matitong, watu'u e'e ko haki I Yamang.

Dang su tempo I Sie nukomol᷊i dingang i sire, I Sie nunggile parenta i'i si sire, “Kumbahang l᷊umal᷊eng manintang u Yerusalem. Pangampal᷊i su se'e sarang I Yamang munggile manga ko seng nidiandi-Nge, musul᷊ung ko seng mbuae Daku niul᷊i si kumu horo. Watu'u i Yohanes nanahani dingang u ake, arawe pira l᷊ou l᷊ai i kumu sarung isahani dingang u Roh u Mawu Ruata.”

Samuringe bo I Sie nate, su l᷊al᷊ung u paupul᷊o su l᷊ounge I Sie masau mangandaghi u badange mal᷊ahe-l᷊ahe su manga rasuli e'e mupakal᷊ahe u himoneu I Sie mang tinga-tingari ko wiahi. I sire nakawua si Sie, dang I Sie nudidato dingang i sire hal᷊i u kirapa Mawu Ruata mamarenta kere Ratu.

Suapang I Yesus mbuae nangul᷊i kere'e, I Sie napua sarang sorga su tingo ngu mata ngi sire dang winawa nuhumping si Sie bou putatuhung i sire.

Tintal᷊a i sire mborong katuhunge sarang l᷊angi, su tempo I Yesus kapapuae, singkawua pia dua ngkatau dingang u pakeang ko mawira kararisi su sindihang i sire. “Ei, manga tau Galilea,” angkung i sire rua e'e, “nakura i kumu mangkate kitang kararisi su se'e katuhunge sarang l᷊angi? I Yesus, ko nikawua ngi kumu napua sarang sorga e'e su tingo ngi kumu, sarung sau musul᷊e l᷊ai kere ko nikawua ngi kumu kanini.”