Δημοφιλή Βιβλικά εδάφια από ВТОРОЗАКОНИЕ 5

Κοινοποίηση

Почитувај ги татка си и мајка си, како што Господ, твојот Бог, ти заповеда, за да живееш долго и за да ти биде добро на земјата, што Господ, твојот Бог, ти ја дава.

Следете го наполно патот што Господ, вашиот Бог, ви го означи, за да можете така да живеете, да имате среќа и долг живот во земјата што ќе ја добиете во сопственост.“

Не клањај им се ниту им служи. Зашто Јас, Господ, твојот Бог, Сум ревнив Бог. Ги казнувам гревовите на татковците - на оние кои Ме мразат - на децата, на внучињата и на правнучињата, а им искажувам милост на илјадници, кои Ме љубат и ги пазат Моите заповеди.

Не прави си резан лик ни некаква слика на што и да е горе во небото или долу на земјата, или во водите под земјата.

Да немаш други богови покрај Мене!

Не земај го напразно името на Господа, својот Бог, зашто Господ не ќе го остави неказнет оној, кој го зема напразно Неговото име.

Само, кога нивните срца би биле такви секогаш да се бојат од Мене и да ги пазат сите Мои заповеди, за да бидат така постојано среќни, тие и нивното потомство!

Одржувај го саботниот ден за да го осветуваш, како што ти заповеда Господ, твојот Бог.

Не посакувај ја жената на својот ближен! Не лакоми за куќата на својот ближен, за неговата нива, за неговиот слуга, за неговата слугинка, за неговиот вол, за неговото осле, ниту за нешто што е на твојот ближен.’“

Не прељубодејствувај!

Не сведочи лажно против својот ближен!

Не убивај!

Не кради!

Спомни си дека и ти беше роб во Египетската Земја и дека оттаму те избави Господ, твојот Бог, со силна рака и со испружена мишка. Затоа ти заповеда Господ, твојот Бог, да го пазиш саботниот ден.

Шест дни работи и извршувај ги сите свои работи. А седмиот ден е сабота на Господа, твојот Бог; не врши во него никаква работа, ни ти, ни твојот син, ни твојата ќерка, ни твојот слуга, ни твојата слугинка, ни твојот вол, ни твоето осле, ниту некое твое добиче, ниту придојденикот, кој е во твоите градови; така да може да се одмори и твојот слуга, и твојата слугинка како и ти.

‘Јас Сум Господ, твој Бог, Кој те изведе од Египетската Земја, од домот на ропството.