Δημοφιλή Βιβλικά εδάφια από Ʋrɔm 1

Κοινοποίηση

Ɩ̃ bɛ zɔrɛ vĩ a Yel-nʋ̃ɔ̀ hieru ƴãw ɛ: bʋ̃ʋ n'ʋ vɛ̃, ʋ ɩ n Naaŋmɩn kpɛnʋ na faarɛ nɩr za na sàw de a, a Zifʋ mɩnɛ n'ɩ a dãw-niwn dem, al pùorí a bɛl na bɛ ɩ Zifʋ mɩnɛ a.

A Yel-nʋ̃ɔ̀ mɩ́ sɩrɩ na wule a lɛ a Naaŋmɩn na mɩ́ ɩ a nɩsaalbɛ ɩ nɩ-mɩn a ʋ niŋé a: a sàw-deb yõ zũú n'a, a tib daar tɩ ta n a baarʋ daar, mɛ̃ a lɛ a Sɛb-sõw na yel a: «Sob nɛ na ɩ nɩ-mɩŋa a sàw-deb zũú a na vʋʋrɛ na.»

Bʋ̃ʋ n'ʋ vɛ̃, a tẽ-daa íru daar za a, a Naaŋmɩn mɩŋa vɩɛlʋ na sɔwlɩ a, a pɛr lɛ k'aa ʋ kpɛnʋ na be kʋralɛ a, nɩ a ʋ naaŋmɩnʋ, a sãá nɩ a ʋ tome pʋɔ a nɩsaal yã na tʋ̃ɔ́ bãw. A na ɩ lɛ a, bɛ kʋ̃ tʋ̃ɔ́ yel kɛ́ bɛ bɛ bãw kɛ́ lɛ n'a ɩ.

Bʋ̃ʋ n'ʋ vɛ̃, bɛ bãw nɩ a Naaŋmɩn ɛ́ bɛ zɛw a ʋ yúor-vɩɛlʋ-danʋ ɛ, bɛ puor'ʋ yãanɩ na sɛw taa nɩ ʋ a ɩ. A bɛ tɩɛrʋ nɩ̃ɛ na lɩɛbɩ tɩɛr-zawlɛ, ɛ́ a bɛ gẽgẽ-yã be lige pʋɔ ʋ za.

Bɛ de nɩ a yel-mɩŋa na càarɩ a Naaŋmɩn a, tɛw nɩ a ziri. Bɛ ƴãw na ɛ́ maalɩ a bʋ̃-íra, ɛ́ bɛr a Íre, ʋl na sɛwnɩ puoru yome yome za a! Amɛn.

A Naaŋmɩn suur sɩrɩ na ìre a salom zu sãá, a nɩsaalbɛ naaŋmɩn-bɛ-ƴãwfʋ ɩb za ƴãw, nɩ a bɛ ɩb za na bɛ tu sɔ́r a ƴãw, bɛl na mɩ́ piwr a yel-mɩŋa tɛrɛ nɩ ɩ-ɩrɩ na bɛ tu yel-mɩŋa a.

Alɛ so a Naaŋmɩn bɛr bɛ kʋ̀ a bɛ socie vʋla na ɩrɛ vĩ a, a so bɛ. A bɛ pɔwbɛ de nɩ a dɛb nɩ pɔw lãw-taa na tu sɔ́r a tɛw nɩ a lãw-taa na bɛ tu sɔ́r a. Lɛ n'a a dɛbr mɩ̀ bɛr a dɛb nɩ a pɔw lãw-taa na tu sɔ́r a, ɛ́ bɔbr taa dɛb nɩ dɛb, ɩrɛ nɩ vĩ yele dɛb nɩ dɛb zie, ɛ́ páwr a bɛ tulu dɔwrʋ ʋl na sɛw taa nɩ bɛ a, a bɛl mɩŋa zie. Bɛ na zawrɩ na bãw a Naaŋmɩn a, ʋ bɛr bɛ na kʋ̀ a bɛ dãbolu, à ŋá n'a bɛ ɩrɛ a lɛ a na bɛ tɩ sɛw kɛ́ bɛ ɩrɛ a.

Bɛ na de bɛ tʋɔra bʋɔlɛ yã-bãwnbɛ a, bɛ lɩɛb'ɩ dãbole. Bɛ de nɩ a Naaŋmɩn na bɛ tɛr kũu daar a yúor-vɩɛlʋ-danʋ tɛw nɩ nɩsaal na ɩ bʋ̃-kpiira a dasule, tɛw nɩ bʋ̃-pɩgɛ nɩ dʋ̃-gbɛ́ɛ-anaɩ nɩ bʋ̃-vuri dasuli.