Δημοφιλή Βιβλικά εδάφια από Zã 16

Κοινοποίηση

Ɩ̃ yel'ɩ à á ŋá kʋ̀ nyɩ kɛ́ nyɩ lãw nɩ mɛ̃ tɛr a ƴã-ɓaarʋ. Pʋ-sãwna pʋɔ n'a nyɩ be a tẽ-daa ŋa zu, ɛcɛ nyɩ ƴãw fãw, ɩ̃ zɛb'a tʋ̃ɔ́ a tẽ-daa.»

A yel-mɩŋa Vʋʋrʋ wa wa a, ʋ na wul nyɩ nɩ a yel-mɩŋa za. Ʋlɛ bɛ n'ʋ na nyɛ̃ ʋ tʋɔra ƴɛ̀rɛ ɩ, alɩ bom nɛ za ʋ na na wõ a, alɛ n'a ʋ na yel, ʋʋ na yel'ɩ nɩdaar yele kʋ̀ nyɩ.

Wa tɩ tɔ dɩ̃a a, nyɩ bɛ zɛlɩ bom za a ɩ̃ yúor ƴãw ɛ: nyɩ zɛlɩ ɛ́ nyɩ na páw na, lɛ n'a a nʋ̃ɔ̀ na paalɩ nyɩ bɛ cɛ ɩ.»

Ɛcɛ yel-mɩŋa n'a ɩ̃ yel kʋ̀ nyɩ: a nyɩ vla ƴãw a, a fɛr'a k'ɩ̃ɩ cen. Mãa bɛ wa cen a, a Gùre kʋ̃ wa a nyɩ zie ɩ, ɛcɛ mãa nɩ̃ɛ wa cen a, ɩ̃ na tɩ tõ ʋ na ʋ wa a nyɩ zie. Ɛ́ ʋlɛ wa wa a, ʋ na wul'ɩ a tẽ-daa k'ʋʋ tuli nɩ a yel-bier ƴãw, a yel-na-tu-sɔr-a ƴãw, nɩ a ƴɛ̀rʋ-maalʋ ƴãw.

À ŋá n'a nyɩ mɩ̀ wone tuo a ƴɛrɛŋa, ɛcɛ ɩ̃ na lɛb'a nyɛ̃ nyɩ, ɛ́ a lɛn daar a, nʋ̃ɔ̀ na paalɩ nyɩ na, ɛ́ nɩr za kʋ̃ tʋ̃ɔ́ faa a nʋ̃ɔ̀ ŋa a nyɩ zie ɩ.» «A na ɩ à ŋá a, a ʋlɩ bibir nɛ a, nyɩ kʋ̃ lɛb sowre mɛ̃ bom za ɩ. Yel-mɩŋa sɩza sɩza n'a ɩ̃ yere kʋ̀rɛ nyɩ, nyɩmɛ wa zɛlɛ bom a ɩ̃ Sãà zie a ɩ̃ yúor ƴãw a, ʋ na kʋ̀ nyɩ na.

Yel-mɩŋa sɩza sɩza n'a ɩ̃ yere kʋ̀rɛ nyɩ, nyɩ na tɛr'ɩ pʋ-sãwna kone ŋmɩɛr'ɩ cɛlsɩ ɛ́ a tẽ-daa cɩlɛ. Nyɩ na tɛr'ɩ pʋ-sãwna, ɛcɛ a nyɩ kpɩɛrʋ na lɩɛb'ɩ nʋ̃ɔ̀.