Δημοφιλή Βιβλικά εδάφια από HATAHOLI 1

Κοινοποίηση

Tehu neukose emi hapu koasa, metema Manetualain Dula Dale na ana kona mai emi. Ma neukose emi da'di sakasii soaneu Au nai Yerusalem, nai basa Yudea lala'ena, ma nai Samaria, losa daebafa ka bu'u-bu'u nala.”

Boema Yesus nafa'das nae, “Au Amang nde naketu le'dofai na. Ta paluu emi bubuluk dede'ak ndia fa, nana Au Amang hak ndia.

Ma nai lelek fo Ana leo sama-sama nos ala, Ana fes paleta nae, “Boso laoela Yerusalem. Mahani meme ndia losa Ama ka Ana fe hata fo Ana helu basa ka, fo nde hata fo makahulu na Au basan neu emi so. Nana Yohanis salani ninik oe, tehu bei faik de'ubee bai soona, neukose emi nanasalanik ninik Manetualain Dula Dale na.”

Mate basan de naso'da falik boema, nai faik hahulu dale na, nasi'a natu'du aoina na no le'do-le'dok neu hataholi nadedenu nala nae, tete'e ka naso'da falik so. Hataholi nadedenu nala litan de Ana kokolak nos la'eneu Manetualain Ana paleta leo Mane ka.

Yesus nafa'da basa nae leondia boema, nanaso'u falik leo nusa so'da ka neu neme mata nala mai, boema ko'a sa poti nan de ta litan so'on.

Lelek Yesus nanaso'u falik leo nusa so'da ka neu, de ala bei langanalo leo lalai leu, te no kaiboik, hataholi dua, ala pake bua-lo'a fulak, lapadeik lai boboa nala, boema lafa'das lae, “Hai, hataholi Galilea la lemin, tao le'e de emi mapadeik meu ndia de emi manganalo leo lalai meu? Yesus fo emi mitan nanaso'uk leo nusa so'da ka neme emi matam mai ndia, neukose Ana fali ma'i selu kana leondiak, sama leo na'ka sa emi mitan ndia boe.”