Δημοφιλή Βιβλικά εδάφια από Галатэнгэ 5

Κοινοποίηση

А пир Свэ́нто Ду́хо (Фа́но) мануша́ дживэ́на патыва́са кэ яви́р мануша́, радыма́са, спокойнымаса, длугонэ вырикирибнаса, лачхэ́-илыткимаса, лачхипна́са, чачипна́са; ёнэ исын штыл (тиха), обрикирэна пэс, – кадасавэ́ манушэ́н притырдэла кэ пэ Зако́но.

Нэ мэ пхэна́ва, дживэ́н пир Свэ́нто Ду́хо (Фа́но), и тумэ́ на явэ́на тэ кэрэ́н пир налачхэ́-лочакиро камибэн.

Ко́ли амэ дживаса пир Свэ́нто Ду́хо (Фа́но), амэ́нгэ трэй и тэ кэра́с пир Свэ́нто Ду́хо (Фа́но).

И адалэ́ мануша́, савэ́ исын Христосо́скирэ, примардэ пэ́скири манушы́тко грэхи́тко натура пэ трушу́л пэ́скирэ налачхэ́ камибнаса и грэхоскирэ тырдыпнаса.

Ѓа́да, со кэрэ́на мануша́ пир лочакирэ камибэна: ёнэ кэрэ́на биладжаипэ́н, дживэ́на джувле́нца би сэвлакиро, лыджа́на пэс сыр мурдала́ (жывотна); мангэ́напэ идолэ́нгэ, човаханякирэна, на сыкавэ́на паты́в явирэ манушэ́нгэ, кошэнапэ, зэвлынэна, замарэна манушэ́н, причхувэна зор тэ явэ́н фэдэды́р явирэ манушэ́ндыр, роспэрнапэ холя́са пэ групы, кандэ́на хоханэ́ сыклякирибэна, жалинэна лачхипэ́н явирэ́нгэ, пьена сыр матыбнарья, гулинэна бирипирибнаскирэс и бут яви́р; пал кадасавэндэ мэ пхэна́ва анги́л, сыр и ракирдём англэды́р, со, кон адя́кэ кэрэ́ла, на дорэсэ́ла паш дро Дэвлэ́скиро Кралипэ́н.

Тумэ́, пшала́лэ, са́нас кхардэ́ тэ явэ́н вольна. Екх со, соб (кай) тумари́ вольныма тэ на дэл саштыпэн тэ кэрэ́н пир лочакирэ-налачхэ́ камибэна.

Пал-дова́ со лочакэ на трэй дова́, со Духоскэ трэй, и Духоскэ (Фаноскэ) трэй на дова́, со лочакэ трэй: кадалэ́ дуй камибэна исын вэ́рги екх екхэ́скэ; палдава́ тумэ́ на кэрэ́на дова́, со тумэн тырдэла

И саро́ Зако́но рикирлапэ пэ екх припхэныбэ́н: “Сыка́в паты́в пэ́скирэ пашатунэ́ манушэ́скэ, сыр кокоро́ пэ́скэ.”

На ява́са тэ рикирас вучэ́с накх, на ява́са тэ дас зор холякэ екх пэ екхэ́стэ, соб (кай) тэ на дас якхало екх екхэ́с.

Тэды, рикирэнпэ зоралэ́с сыр вольна мануша́, пал-дова́ со Христо́со мэкця́ пэ во́ля амэн и, соб (кай) тумэ́ нэвэ́стыр тэ на урьен писхарискиро ґа́мо.