Δημοφιλή Βιβλικά εδάφια από Mencrer Xà 91

Κοινοποίηση

“Apê ipytàr catê, ne apê ampo kên cunea pê itête gàmtàr catê, ne apê ijõ Pahpãm, na wa itỳj ate ijamãr na amji mã ato hane” hane.

Ỹhỹ me ikwỳ! Quê ha me anõ mã, ampo kên pê amji pytàr to prãm na, ca ha Pahpãm mã amji cajrẽn, quê ha Pahpãm pê me pahcunea jõ Pahhiti pahtỳjti ata, ihtỳj atête amtà. Cwỳrjapê ca ha gapacta ne me pajõ Pahhiti pê mehcunea jirôa pê ihpahtỳjti ata mã me amji jarẽn to

Ne quê ha kam ampo kên cato, quê ha imã amji cajrẽn, wa ha kampa ne ramã curia cahê na xa, ne pa ampo kên pê hũtà, ne pa mehcunea te amji mã me hũpahti xà na me to, quê ha amji mã me hũpa.

He quê ha Pahpãm côjkwa kam cumã me hàpên catêjê mã harkwa ta, quê ha harkwa kôt, por ca jũ ri apu amõr xà ata kam me gamã, ne me atête me hàmtàr to ipa.

Quê ha ihtỳj amji jarkwa pa, ne ampo te ato kên xà ata pê apytà. Quê ha ihhêj rũm cupê ampo jara, ne hara to apro, quê ha nee ihkrac ri ampo acaxun nare.

Ate amji jarẽn to: “Pahpãm catia pê ijõ Pahhiti ata pê ri, por curi ipimxur xà ata, ne cupêa ri itête hàmtàr catê!” hajỹr. Cwỳrjapê quê ha nee ampo kên gũrkwa wỳr cator ne jũ mã aton nare.

Quê ha Pahpãm ihtỳj ampo kên pimxur te akên mã amẽn xà ata pê apytà, ne atête axà te acuran xà ata pê amtà.

Ne quê ha me mir ne me ty, ne awke rũm me ajxwỳ, ne me tej mir ne me ty, ne awpôc rũm me ajhu cakrô, quê ha nee ampo kên ato kên nare!

Cwỳrjapê quê ha nee amã caxwa ri ampo kên awỳr pra atajê cupa nare. Ne quê ha ihprõt pê amcro kam ampo kêanre ata awỳr cato, ca ha nee hũpate apu akrihkrit nare. Ne nee amji mã, por awcapàtkô kam, hà kêanre picràn ata cupa nare, ne nee amji mã amcro kam ampo te ame ato hamre xà ata cupa nare.