Δημοφιλή Βιβλικά εδάφια από Ruc 24

Κοινοποίηση

Ne me ca, por Inxũ Cati te ate me ijarẽn xà caxuw me amã carôt tỳjti to hũjahkre ata, quê ha ihtỳj me amã cugõ. Ne pa wa ha itỳj hanea ne me amã cugõ, ne ahna me ato ihimpej. Na ca ha ita ri, Krĩpinkrên kam, me hikaj. Quê ha ita ri côjkwa pĩn, me amã me acarôt tỳjti ata wrỳ, ca ha me acwa ― hane.

He ramã hacpỹa mã ihtĩr, ne nee ita ri apu mõr nare, ne por Hĩpôjajo jõ pjê kam cute me amã amji jarẽn ata na ca me to amji japackre.

Ne cute me cumã hõr me ajkaam mã cormã mehkrã kre, mã cute cupê Jeju na me hahkre pej, me ajkaam, mã hãm xà ata kam hamre, ne ma tẽ. Mã ajwar ajpẽn mã me harẽ, ne me ajpẽn mã: ― Pỳhàpà, pry kôt pamã ihkàhhôc krã krutre jarẽn to mõr ata kam, cu ramã pahna cuhkõnrea kam amji mã to hajỹr pyrentu ― hane.

Mã hacpỹ mã Krĩpinkrên wỳr cute me amji jaxàr ne me cator. Mã hipêr Jeju te curi me cumã amji to ipipẽ, ne me cumã: ― Por pê Inxũ Cati jõ kàhhôc kam ito hũjarẽn to: “Quê ha, pê Pahpãm Crixtô cator na me amã to awjahkre ata, ihtỳj amji pupun xà kêanre to amji pupu ne ty. Ne amcro incrê kam hacpỹa mã ihtĩr” hane. ― Ne hanea ne ihkàhhôc ata ito hũjarẽn to hane he: “Hamre, quê ha cute harkwa jarẽn xà itajê cunea, krĩxàre cunea kôt ajcrà. Ne Krĩpinkrên kam quê ha ipicràn kam tẽ, quê ha me harkwa itajê cunea jarẽn pa, ne me hahkre pej, ne mehkên ton jicu, ne amji mã me Pahpãm na ahwỳ, quê ha mehkên to tojnõ ne me to impej” hane.

Ne ramã kre na me hàhtêp to pra, ne ampỳa mã cute me kre pupun. Mã kre jihê xà pê kẽn te kujti pyràcti ata jũm te ramã hihê mẽn, mã hihê mẽn xa. Mã kẽn kre mã me hàr, ne nee cute me Jeju jĩ pupun nare, ne mehkrã pictor tu.