Δημοφιλή Βιβλικά εδάφια από Markus 6

Κοινοποίηση

Nye ntɔʼ lɛɛ e be ó: «Ntaʼ ga é l'empàh. Bɨna toʼ, to gbala ga titia é lʉn, fum bɨna bé ódi ga bɨna ga ome e.» (Nye a lwib no ó, ebe, bʉr é buobuo, bé a be ó, baʼ lé efiʼ, bʉʉ lé epyal, abirɔ be jɔʼ ndɨ ó, bé buula ba leme e.)

No ó Yesʉs a ze lɛɛ e be ó: «Ngwiha mɨlɔb, nye egumo é bɨfum bibyɛh, pɛʼ njɨ é lal we, teme mɨmbyɛl mye, le é mbɛr bʉr we tʉŋlʉ.»

É jɔʼ Yesʉs a fulo é byɛl, ze bee mpampaʼ bʉr nɨnɨ yaa ɛ, leme we kʉ ze jwɨʼ be nkoo, ebe, bé a be ó mpʉ bɨntœme ndɨ abe e kobla ɛ. No ó nye a taare lé eyeʼle be mɨlɔb é buobuo.

Yesʉs a baasa mosima gumo yaa. Nye a kʉ ka kɛl myʉʉ mɨsyoblʉ ó njɨ mobo é nyʉl, le etiʼ mye. Mpʉ nye a bee mpʉ bé a baajyɛʼ taa buʼo yɔɔ boo nye e, nye ntɔʼ jehe be nʉm mbeʼ. No ó, pie tɨ, nye ze to le edwe bʉr sikʉlʉ é mokwar mo lal waa mɨmɛh.

No ó Yesʉs a nʉa bɨbler bɨtɛn e l'ofu oba baa, ze bɨn mih kʉ, ze dwe Zyɛm ekiba, ntɔʼ pɛ̂ʼ bɨbler byaa bɨpeh, bɨpeh, timle ompʉn, ó bé kaba bʉr bya. Nye ze kab bʉr bɨbɛh ofu oba baa. Bʉr bɨbɛh ze de é de de, díle. Bɨpeh bɨbler le bɨpeh bɨ ofu byé a kur si ɨ, bé a be ó si syɛŋ bye, loŋlo bɨkar ewʉm e bɨba.