Δημοφιλή Βιβλικά εδάφια από lo-maa 6

Κοινοποίηση

weig zu'g zwid Eei kovb zinb se pun myenb zu'g taig, mq paag Tinb huvb pc'g pc'g pun Eei zivb Eeig se Bua Zauj Bua Eei zyruq ki-tug ye-su Jwavg mcvg zyavb zyrug tu'q yetg liud Eei mcvg.

zwid maiq tu'q cvj zruj meib Bua Eei zyruq, weig zu'g meib Bua maiq yem leib latg ka'Diaq. meib Bua yem Tinb huvb Eei en ka'Diaq.

Navq naaig, Bua Jiaj uam Eei leid, Bua Zauj ki-tug taig mivb pyopq Jyenq weig pun Bua tu'q syavb zyavb mcvg, Navq ki-tug taig mivb zavg tiaj yaag lovg Favb laavg Eei tomb Qa'q pun ninb cvj navb taaib zyavb Jyenq uaq nx.

maiq tuvq pun sin zavg Eei haiq Euvg zruj zwid, lovg zruj waaig haig Eei sig. taauj Rwrnj xij zu'g fuvj kanb pun Tinb huvb, Navq taig mivb mq paag Tinb huvb pun cvj navb taaib Eei myenb nx. yaag zx'q sin Eei Euvb Euvg pun Tinb huvb lovg zruj hxpg Eei Jauq.

Bua yaag hiuq tu'q Bua Eei lob Hruq zu'g Zauj ki-tug tiv uaq zyepg Ravg Jaaj weig pun paamd zwid Eei Hruq zu'g myetg. Bua yaag maiq zu'g cvj zruj zwid Eei nrub.

meib Bua fib Navq Eei, xij zu'g funj kanb Navq taig mig a'q nx, zwid kunq maiq Jyenq. mq paag meib Bua Zauj ki-tug ye-su Jwavg mcvg zyavb zyrug weig Tinb huvb zyavb Jyenq.

uaq Euvg, Bua xij zu'g Navq haiq nx kxvq? Bua Zxg xij zu'g paamd Jyenq zwid mivb Tinb huvb Zivj taaib haib Zeij en Zamq Jyenq faauj fai? zuvq maiq zeid! ei zruj zwid Eei Jauq Bua zuvq taig mig a'q. uaq Euvg Bua Navq haiq nx haib zruj Jyenq zwid mivb?

meib Bua maiq hiuq tu'q fai? sij kxvq fuvj kanb zruj haiq taub Eei nrub, mwavj uaq taub Eei waag, meib Bua zyrug zruj tovb meib Bua mwavj uaq taub Eei nrub. Navq naaig, meib Bua zruj zwid Eei nrub zyrug xij zu'g taig. mq paag meib Bua mwavj Tinb huvb zyrug tu'q Zauj ninb hxpg Hruq.

lcvd zivb Tinb huvb! maiq kunq zinb Daavg meib Bua zruj zwid Eei nrub, ib zang meib Bua lovg Revg Hruq mwavj Faauj pun meib Bua Eei leid. Tinb huvb puvj meib Bua leib Dutq zwid Eei Qa'q, zruj hxpg Eei Jauq zyrug kunq meib Bua.