Δημοφιλή Βιβλικά εδάφια από Waeburania 1

Κοινοποίηση

Huyu Mwana kakuyangaani na marembo ya Muungu, na jeje ka ḍa na Muungu. Jeje ndiye eyekujuwekani lumwengu yuzima kwa nguvu za chuuwoche. Kahudheresa nabvise zehu kisa kakaa mukono kuyume wa Muungu awee mbinguni.

Kae Muungu ekinena na wabibi zehu myeedha minji na minji kwa njia garagara, kuchiiya na kwa hawa manabii. Ela hizi hizi nsiku, ziizo nsiku za mwiso, Muungu kakunenani naswi kuchiiya na kwa Mwanawe. Hangu lumwengu ntajudzaumbwa, Muungu kamutsana kudzamumpa kula kintu kiwe chakwe, na kajuumba huju lumwengu kuchiiya na kwa huyu huyu Mwanawe.

Mani d̯ubva awa malaika mbwa? Wao ni ruhu zizonamuvunzia nkuhi Muungu na zizonahumwa kuwahumikia hawaḍe wa Muungu adzeopfonya.

Na kawii kamwamba, “Wewe Ḅwana, hapfaḍe ḍabvu kujuumba huju lumwengu, na hizi mbingu nazo ni kazi ya mikonoyo. Vyonse ntavikudzawapfo kawii. Koro vidzaḅaika-ḅaika dza vit̯ani. Ela wewe unawapfo maishi na maishi.