Δημοφιλή Βιβλικά εδάφια από Khuurakikha 27

Κοινοποίηση

Khali Umukasya akhuweele iwe liime khukhwaama mwikulu, khuutsowesa biilime biilayi, uryo ufuna likyesa liilayi lye biilime ni viini. Khali kamanaambo kamakali keetsile kakhwakaanisatsaka iwe, kamanaambo keenamisa kimirwe kyaabwe khwiloba khulwoowo. Kane ube umukhulu we babandaayo boosi. Babandaayo beene boosi babaama muunda ya maayi woowo, kane beenamise kimirwe aasi nga baakhuboonekho. Buli muundu yeesi ukhutsuba iwe kane atsubibwe, ni nooyo yeesi ukhuwa iwe tsikhabi, kane aweebwe tsikhabi.”

Esawu naye weelamwo ari, “Isho nisho shishikila baamulaanga bari Yakobo? Lwekhuuba bona ari waanuulilekho ise kimiluundi kino kibili. Khuunyoowa aanuulakho kumukabo kwase kwe khuuba umwaana umukiboole, ni kumuluundi kuno bona waanuulakho tsikhabi tsase. Ne ari paapa, mbaawo ikhabi na ndweela isi undekheelekho ise ta?”

Lwanyuma kila paapawe Isaaka amwiilamwo ari, “Buumenyo bwoowo kane bube mu shibala shishoomu busa, shishikhalimwo biilyo ta, naluundi mweesi liime lye mwikulu likharoonyamwo ta. Kane umenyatsake nga wisoolanakho ni lurima wamweene. Kane ubatsake umwakaanisi wa waandaayo, khuumalakho imbuka, ne imbuka ilyoola, ulisoolanakho urure mu bubowe bweewe ube umukaangulule.”

Esawu wekoontselela paapawe ari, “E paapa, mbaawo khaakhabi na khafwiiti khari kheesi unyala waanoombela nase ta? Paapa nase n'unoombelekho!” Aryo Esawu kumutaambo kwaamuwaamba luukali, waalila kamasika.