Δημοφιλή Βιβλικά εδάφια από Марк 11

Κοινοποίηση

Тиимэһээ Бурханда зальбаржа юумэ гуйхадаа, ямаршье эриһэн юумэеэ заабол абахаб гэһэн этигэлтэй байгты, тиигэбэл тэрэ юумэеэ абахат.

Хэрбээ Бурханда этигэл һүзэгтэй, зүрхэ сэдьхэлдээ ямаршье һэжэг маргалтагүй һаа, уулада хандан: „Эндэһээ хүдэлөөд, далай руу һүрэ“ гээ һаатнай, захирһан бүхэнтнай бүтэхэ гэжэ би баталан хэлэнэб.

Баһа таанад зальбаржа байхадаа, хэн нэгэндэ гомдолтой һаа, тэрэ хүнөө хүлисэгты. Тиигэбэл тэнгэридэ оршодог Эсэгэтнайшье танай нүгэлые хүлисэхэ».

Иисус харюудань хэлэбэ: «Бурханда этигэл һүзэгтэй байгты!

«Нангин Бэшэгтэ: „Минии гэр бүхы арадуудай мүргэл зальбаралай гэр гэжэ нэрлэгдэхэ“ гэжэ бэшээтэй байдаг. Харин таанад энэ гэр дээрмэшэдэй шэбээлдэг үүр болгожорхёот», – гэжэ Иисус хэлэбэ.

Урдань ябаһан, хойноһоонь дахаһан зон булта: «Бурханда алдар соло! Дээдын Эзэнэй нэрээр заларан Ерэгшэ үршөөл хайратай байһай!

Манай үбгэ эсэгэ Давид хаанай мандуулһан хаан түрэ алдар солотой байһай! Дээдын тэнгэридэ оршоһон Бурханда алдар соло!» – гэжэ шанга шангаар хашхаралдаба.