Δημοφιλή Βιβλικά εδάφια από رٛمَعٜنْ 1

Κοινοποίηση

مِسٜمْتَايْ وَازِنغٛ لِنْجِيلَ نغَمْ طُمْ بَاوْطٜ اَللَّه‏: کَ وَاوِ حِسْنُغٛ نُطِّنْࢡٜ کَ ڢُو، عَرَنْ يَحُودُعٜنْ، ندٜنْ يِمْࢡٜ عُمَّاتٛوجٜ غٛطّٜ بٛو؞

بٜى لِنْجِيلَ کَعَ، اَللَّه طٛنْ وَنغِنَنَ يِمْࢡٜ ڢُو نٛ ࢡٜلَاتٛرْتٛ عَدِلِعٜنْ يٜىٰسٛ مُوطُمْ؞ طُمْ لَاتٛتٛ بٜى نُطِّنْکِ تَنْ، دِغَ ڢُطَّمْ حَا تِمّٛودٜ؞ بَنَ کٛ وِنْدَ‏: «عَدِلِيجٛ يٜىٰطِرَنْ بٜى نُطِّنْکِ؞»

نغَمْ کٛو ندٜ نٜطّٛ وَاوَتَا يِعُغٛ اَللَّه، عٛعَنْدِ بٜى لَاࢡْطُمْ کَࢩُمْ وٛنِ اَللَّه ڢَکَتْ، عٛعَنْدِ بٛو بَاوْطٜ مَاکٛ تِمَّتَا، نغَمْ طُمْ وَنغِ ندٜرْ تَغْدِ ڢُو، دِغَ اَللَّه تَغِ دُنِيَارُ؞ نغَمْ مَاجُمْ ࢡٜنغَلَا حُجَّ سَمْ؞

نغَمْ ࢡٜعَنْدِ اَللَّه، عَمَّا ࢡٜتٜدِّنَايْ مٛ بَنَ نٛ حَانْدَنِ مٛ، ࢡٜنغٜتَّايْ مٛ بٛو؞ نغَمْ مَاجُمْ نُمٛوجِ مَࢡّٜ ندَايِ غٛونغَ، ڢَامُ وُرْتِ حَکِّيلٛوجِ مَࢡّٜ، ࢩِࢡْرٜ نَسْتِ؞

ࢡٜنغَيْلِتِ غٛونغَ اَللَّه بٜى ڢٜوْرٜ، ࢡٜشُجِدَنِ عٜ ࢡٜندٜوِ تَغْلٜ، ࢡٜعَشِّ تَغْطٛ مٛ حَانْدِ يٜتّٜىٰغٛ حَا ڢٛرٛيْ؞ عَامِينَ‏!

نغَمْ تِکّٜرٜ اَللَّه وَنغِ دِغَ عَسَمَ دٛوْ غٜدَّلْ يِمْࢡٜ عٜ سٛويْندٜ عَدِلَاکُ مَࢡّٜ، بٜى مَارٜ ࢡٜکَطِ يِمْࢡٜ عَنْدُغٛ غٛونغَ؞

نغَمْ مَاجُمْ اَللَّه يٛوڢِ ࢡٜ حَا سُونٛوجِ شٜمْتِنِيطِ؞ رٜوْࢡٜ مَࢡّٜ شَنْجِ بَالْدَلْ ڢٛدّٜ طَبِيَ، مبَطِ کٛ لُوتِ طَبِيَ؞ بَنَ نٛنْ وٛرْࢡٜ بٛو عَشِّ وَالْدُغٛ بٜى رٜوْࢡٜ، طٛنْ مبَالْدَ بٜى وٛرْࢡٜ، طٛنْ کُووِنْدِرَ شٜمْتِنِيطُمْ؞ بَنَ نِي ࢡٜکٜࢡَنِ کٛعٜ مَࢡّٜ نغٜىٰنَارِ دَلِيلَ مَجّٜرٜ مَࢡّٜ؞ ندٜ ࢡٜشَلِ عَنْدِتِتْغٛ اَللَّه، اَللَّه يٛوڢِ ࢡٜ ࢡٜ تٛکّٛ حَکِّيلٛوجِ مَࢡّٜ ݠَاتَاطِ، ࢡٜمبَطَ کٛ ڢٛتَّايْ؞

ࢡٜتَمِّ ࢡٜنغٛودِ حِکْمَ، عَمَّا ࢡٜ ڢَاتَاࢡٜ؞ ࢡٜعَشِّ اَللَّه تٜدُّطٛ، دُومِيطٛ، ࢡٜطَکّٛتِرِ بٜى سُورَاجِ نٜطّٛ مَايَنْطٛ عٜ شٛلِّ عٜ دَبَّاجِ عٜ لَدٛوجِ؞