Δημοφιλή Βιβλικά εδάφια από Santiago 2

Mé xi̱kaha tso̱hen ti tinkachónkira Díos, ndá tjáko̱xinhñara ninkehó nkehe jína, la ti tinkachónkira Díos la éxi ijnko nkehe tsíkꞌen tíha.

Mé xi̱kaha éxi ti cuerpo chóntahya ncha̱kuén la tsíkꞌen, mé xi̱kaha ti titekaoni la tsíkꞌen ti ninkehó ixra̱ jína tja̱ko̱xi̱nhñani.

Kíchóni, ¿xá nke tso̱hen ti nkojinra tsondáchrora kixin tinkachónkira Díos, a̱ndá ninkehó nkehe jína tjáko̱xinhñara? ¿Á chrókjuacha chrókuaáxinra ti xi̱kaha ní?

Jaha titekaoan kixin nkoko̱a Díos itjen, la jína tíha, kjánchó kja̱xin ti Jínahña titekaon kixin nkoko̱a Díos itjen la síxrànka̱, chrakon.

A̱ndá ti nkojín nkexro chróndáchro: “Jaha tinkachónkia Díos, a̱ndá janhan itꞌa̱ ti ixra̱ jína.” Tjáko̱xián ti tinkachónkia Díos kjónté chꞌehya ti xra̱ jína, la janhan tsjáko̱xia̱n ti tinkachónkia Díos kixin ti ixra̱ jína tjétꞌa̱.

A̱ndá ti tsi̱konòehñani kíchóni, la Díos kja̱xin tsi̱konòehña ti jeheni. A̱ndá ti tsi̱konoéhe̱ni kíchóni, la tsjachani tsꞌejóni jína ti ña̱o tsito̱exín iji̱é chojni.

Mé xi̱kaha chrókónoha kixin Díos nchetjóá ti chojni kixin ti ixra̱ jína ichꞌe sin, la jehya kixin jehó chrókuitekaon sin chꞌan.

Chrókónoha kixin ti kuitekaon Abraham Díos la kjua̱ko̱xi̱n chꞌan kixin ti ixra̱ jína kjuíchꞌe chꞌan, la xi̱kaha chaxín kuitekaon chꞌan Díos.