<div class="version vid739 iso6393zpv" data-vid="739" data-iso6393="zpv">
 <div class="book bkROM">
 <div class="chapter ch8" data-usfm="ROM.8">
 <div class="label">8</div><div class="s">Guelnabahan nin naa pur xcweenta Sp&#237;ritu Saantu Dxiohs</div><div class="p"> 1Ni&#42892;chin nnah ayi rudzii&#42892;baduhlda Dxiohs yihca ra&#42892; bwiinn ra&#42892; nin naa tuhsi cun la&#42892;h Jesucristu, nee ayi ruzo&#42892;badxiahga ra&#42892; ba xcweenta tihxi ra&#42892; ba cun nin xclaa&#42892;dzin guunn ra&#42892; ba, sino que ruzo&#42892;badxiahga ra&#42892; ba xcweenta Sp&#237;ritu Saantu nin rbweeza la&#42892;n lasto&#42892; ra&#42892; ba, 2ya lehyi xteenn Sp&#237;ritu nin runi&#42892;hi guelnabahan pur nin naa nu&#42892;h tuhsi cun la&#42892;h Jesucristu, bata&#42892;h &#209;i&#42892;h la&#42892;h nu&#42892;h loh xquelrnabwa&#42892; lehyi duhlda cun loh lehyi guelguhchi, 3laasii la&#42892;h Dxiohs bwi&#42892;hnn &#209;i&#42892;h nin ayi guhca &#241;uhnn xlehyi Moisehs, laasii ayi xi jweersi nahpa bwiinn guihdxyiyuh tin gaca ra&#42892; ba bwiinn nayaa nezloh Dxiohs, ni&#42892;chin bwi&#42892;hnn Dxiohs chin guxe&#42892;hla &#209;i&#42892;h Llii&#42892;n &#209;i&#42892;h ziga tuhbi Ndxi&#42892;hw, guhca &#209;i&#42892;h tuhbi bwiinn guihdxyiyuh pur xcweenta duhlda tin zi&#42892;chi bwi&#42892;hnn &#209;i&#42892;h guelguxchisi la&#42892;h lligaaba guelnado&#42892;balaadzi nin rusihn la&#42892;h tihxi nu&#42892;h loh duhlda. 4Dee ra&#42892; bwi&#42892;hnn &#209;i&#42892;h tin gaza&#42892;loh nu&#42892;h ziga rnabwa&#42892; xlehyi Dxiohs guidi&#42892;hnn nu&#42892;h, ayi ru chuu nu&#42892;h lligaaba guelnado&#42892;balaadzi mas chuu nu&#42892;h cha&#42892;zi nu&#42892;h lligaaba nin rnabwa&#42892; Sp&#237;ritu Saantu nin nuu nabahan la&#42892;n lasto&#42892; nu&#42892;h.</div><div class="p"> 5Pwihsi bwiinn ra&#42892; nin nabahan ra&#42892; tuhsi cun guelnado&#42892;balaadzi nin xclaa&#42892;dzi tihxi ra&#42892; ba guunn ra&#42892; ba, ni&#42892;chira&#42892; sola rza&#42892;bi sto&#42892; ra&#42892; ba guunn ra&#42892; ba ganaalla guelnado&#42892;balaadzi; per bwiinn ra&#42892; nin nabahannee Sp&#237;ritu Saantu sto&#42892; &#241;i&#42892;h, bwiinn chi ruhnn ra&#42892; ba lligaaba nin xclaa&#42892;dzi Dxiohs guunn ra&#42892; ba, 6laasii sidela yi&#42892;h chuu lu&#42892;h ganaalla xcweenta si lligaaba guelnado&#42892;balaadzi nin xclaa&#42892;dzi tihxi lu&#42892;h zianeen yi&#42892;h hasta zahchi lu&#42892;h cun hasta &#241;ichilohza lu&#42892;h nez loh Dxiohs, per ziga chuu lu&#42892;h masru ziga xigaaba Sp&#237;ritu Saantu zica&#42892;ha lu&#42892;h loh guelnabahan cun guelrbwidxyii sto&#42892;. 7Laasii nin riuu&#42892; ganaalla xigaabasi xteenn guelnado&#42892;balaadzi naa bwiinn chi nin rdxyi&#42892;chinee la&#42892;h Dxiohs, laasii ayi xclaa&#42892;dzi ra&#42892; ba nee nin ayiza nuu guzo&#42892;badxiahga ra&#42892; ba ziga naa xlehyi Dxiohs. 8Ni&#42892;chin la&#42892;h ra&#42892; bwiinn nin mahzi ruca&#42892;h sto&#42892; &#241;i&#42892;h xcweenta ziga xclaa&#42892;dzi tihxi ra&#42892; ba, bwiinn ra&#42892; zi&#42892;chi ayi nuu guunn ra&#42892; ba dzi&#42892;n nin gusiahxi sto&#42892; Dxiohs.</div><div class="p"> 9Bwen, sidela ayiru nabahan tu loh guelnado&#42892;balaadzi nin guyuu&#42892; tihxi tu, guchiipa&#42892;caa tu nuu Sp&#237;ritu Saantu la&#42892;n lasto&#42892; tu; per sidela chyulla tuhbi tu ayi Sp&#237;ritu Saantu Crixtu sto&#42892; tu, ayi naa tu xpwiinn &#209;i&#42892;h. 10Per sidela la&#42892;h Crixtu rbweeza Sp&#237;ritu &#209;i&#42892;h sto&#42892; tu, xesp&#237;ritu tu nuu nabahan pur guhca tu bwiinn nayaa nezloh Dxiohs, nicala nuu gaca xcweerpu tu loh xquelrnabwa&#42892; guelguhchi pur sahca xcweenta duhlda. 11Ya sidela la&#42892;h Sp&#237;ritu xteenn Dxiohs nin bacwa&#42892;hn la&#42892;h Jesucristu loh guelguhchi nuu sto&#42892; tu, la&#42892;h gahcaza Sp&#237;ritu Saantu Dxiohs rii&#42892; guni&#42892;hi guelnabahan nacuubi la&#42892;h xcweerpu tu nin gunabwa&#42892;la guelguhchi.</div><div class="p"> 12Ni&#42892;chin, bwiitsi ra&#42892; pur xcweenta Jesucristu; nuu nin xchi&#42892;hn gachidi&#42892;hnn nu&#42892;h, per ayi naan xcweenta para xa guibahan nu&#42892;h loh nin xclaa&#42892;dzi tihxi nu&#42892;h gachidi&#42892;hnn ra&#42892; nu&#42892;h, 13laasii sidela la&#42892;h tu nuu tu xigaabasi xcweenta nin rza&#42892;bisto&#42892; tu guunn tihxi tu loh guihdxyiyuh rii&#42892;, zahchi pa&#42892;caa tu; per sidela pur xcweenta Sp&#237;ritu guunn tu gusia&#42892;han tu garaa ra&#42892; nin rza&#42892;bisto&#42892; tihxi tu nez dihtsi tu, pwihsi zibahannee tu Dxiohs par tu&#42892;pazi.</div><div class="p"> 14Garaa ra&#42892; bwiinn nin ruzo&#42892;badxiahga xchi&#42892;dxyi Sp&#237;ritu Saantu xteenn Dxiohs, pwihsi naa ra&#42892; ba llii&#42892;n Dxiohs. 15Pwihsi Sp&#237;ritu nin bani&#42892;hi Dxiohs cweeza xto&#42892; nu&#42892;h ayi naa Sp&#237;ritu chi tuhbi sp&#237;ritu xteenn tuhbi mooza tin guidxyihbi tu, sino que naa Sp&#237;ritu chi ziga sp&#237;ritu xteenn nin naa ziga tuhbi bizahbi nin guca&#42892;ha tuhbi bwiinn ziga llii&#42892;n pa&#42892;caa ba, yannah naa tu llii&#42892;n ba, ni&#42892;chin zahca gahbi tu loh ba: &#8220;&#161;Paah nin rbweeza dxibaa&#42892;!&#8221; 16Ya la&#42892;h Sp&#237;ritu Saantu rii&#42892; tuhsi rahca &#209;i&#42892;h cun sp&#237;ritu nu&#42892;h tin ruti&#42892;dxi cweenta Sp&#237;ritu Saantu loh sp&#237;ritu nu&#42892;h naa nu&#42892;h llii&#42892;n Dxiohs. 17Ya pur nin naa nu&#42892;h llii&#42892;n &#209;i&#42892;h ni&#42892;chin nin zica&#42892;ha za nu&#42892;h tuhbi hereensi loh Dxiohs cun Crixtu, sidela guchiipa&#42892;h nu&#42892;h gati&#42892;dxilohnee nu&#42892;h &#209;i&#42892;h trabahjw pur xcweenta xchi&#42892;dxyi &#209;i&#42892;h ya zi&#42892;chi tuhsi za gacalasahcanee nu&#42892;h &#209;i&#42892;h.</div><div class="p"> 18Pwihsi lligaaba nin ru&#42892;nnahn nnah xcweenta trabahjw nin cadii&#42892;dxi nu&#42892;h ayi gaca guunn tuhbilohon loh xquel&#241;a&#42892;&#241;ih Dxiohs nin guidia&#42892;ha nu&#42892;h chi&#42892;chiyi, 19laasii garaa ra&#42892; cohsa ra&#42892; nin bwi&#42892;nncha&#42892;yi Dxiohs loh guihdxyiyuh rii&#42892;, cabweeza ra&#42892;n gadzihn dxyih nin guluu&#42892;yi Dxiohs cuun ra&#42892; nin naa llii&#42892;n &#209;i&#42892;h, 20laasii garaa ra&#42892; cohsa nin gulahchixchih Dxiohs loh guihdxyiyuh guyuu&#42892;dii ra&#42892;n, per ayi guhcan pur xcweenta gahca ra&#42892; cohsa ra&#42892; chi, sino que baria&#42892;caan zi&#42892;chi laasii zi&#42892;chi guhca xigaaba Dxiohs gaca, ya cohsa ra&#42892; chi cabweeza ra&#42892;n 21gadzihn dxyih nin ta&#42892;h garaa ra&#42892; cohsa nin gulahchixchih Dxiohs loh guihdxyiyuh loh xquelrnabwa&#42892; guelguhchi tin dxiuu&#42892;un loh xquel bia&#42892;&#241;ih ra&#42892; llii&#42892;n Dxiohs. 22Pwihsi garaa ra&#42892; cohsa ra&#42892; nin gulahchixchih Dxiohs loh guihdxyiyuh rii&#42892; ru&#42892;n ra&#42892;n garaa dxyih pur xcweenta trabahjw ziga tuhbi trabahjw nin ruti&#42892;dxiloh tuhbi gunna&#42892;h chin raalaa llii&#42892;n ba. 23Nee ayi la&#42892;h dxi&#42892;h ra&#42892; dxi&#42892;h nin rii&#42892; loh guihdxyiyuh rii&#42892; cagati&#42892;dxiloh cohsa nalaasa ra&#42892; rii&#42892; sino que neezaa la&#42892;h nu&#42892;h nin nuu Sp&#237;ritu Saantu Dxiohs sto&#42892; ra&#42892; nu&#42892;h rachidii&#42892;dxi za nu&#42892;h cun guelnalaasa nin nuu sto&#42892; nu&#42892;h, nee dxule&#42892;za za nu&#42892;h gadzihn dxyih guibahan nu&#42892;h loh xquel&#241;a&#42892;&#241;ih Dxiohs tin gaca nu&#42892;h llii&#42892;n &#209;i&#42892;h, nee neezaa gusacuubi za &#209;i&#42892;h tihxi nu&#42892;h, 24laasii pur xcweenta nin nahpa nu&#42892;h siguhra zachica&#42892;ha ra&#42892; nu&#42892;h nin dxule&#42892;za nu&#42892;h, ni&#42892;chi bata&#42892;h la&#42892;h nu&#42892;h loh duhlda; per ziga rbweeza bwiinn nin rwa&#42892;haloh ra&#42892; ba, ayi naa ni&#42892;chi siguhra nin runi&#42892;hi Dxiohs laasii nin rwa&#42892;haloh bwiinn, &#191;xi par cweeza lu&#42892;h ni&#42892;chi? 25Per sidela la&#42892;h nu&#42892;h gachile&#42892;za nu&#42892;h nin ayi chyu rwa&#42892;ha nahpa cun paseensi gachidia&#42892;ha nu&#42892;h gaca ni&#42892;chi.</div><div class="p"> 26Zi&#42892;chi gahca za rahcanee Sp&#237;ritu Saantu Dxiohs la&#42892;h nu&#42892;h cun ziga ayi chyu rahcabwa&#42892; pa&#42892;h xcweenta &#209;i&#42892;h, laasii nuu hohra ayi chyu rahcabwa&#42892; xa gachidiidxyi, gachinaaba nu&#42892;h loh Dxiohs; per la&#42892;h gahca Sp&#237;ritu Saantu nin nuu lasto&#42892; nu&#42892;h rdxi&#42892;n-rnaaba loh Dxiohs xcweenta ra&#42892; nu&#42892;h nin ayi radxeela gachi&#241;i&#42892; nu&#42892;h chin chyu rbwihdxyi-rnaaba loh Dxiohs. 27Dxiohs rahcabwa&#42892; &#209;i&#42892;h xa naa lligaaba nin riinloh sto&#42892; ra&#42892; bwiinn, naann &#209;i&#42892;h cuun nin xclaa&#42892;dzi Sp&#237;ritu gui&#241;i&#42892; laasii rnaaba Sp&#237;ritu Saantu xcweenta ra&#42892; nu&#42892;h, nee rnaaba &#209;i&#42892;h ziga pa&#42892;h nin xclaa&#42892;dzi Dxiohs gachinaaba nu&#42892;h xcweenta ra&#42892; pa&#42892;h bwiinn ra&#42892; nin naa ra&#42892; pa&#42892;h xpwiinn &#209;i&#42892;h.</div><div class="s">Zahca nu&#42892;h nin guunn gahn loh garaatii&#42892; ra&#42892;</div><div class="p"> 28Pwihsi naann nu&#42892;h Dxiohs ruzuh &#209;i&#42892;h garaa ra&#42892; cohsa nin guunn bwen la&#42892;h ra&#42892; bwiinn ra&#42892; nin ruca&#42892;h sto&#42892; &#241;i&#42892;h la&#42892;h Dxiohs, la&#42892;h ra&#42892; bwiinn nin gulii &#209;i&#42892;h seguhn xigaaba &#209;i&#42892;h, 29laasii la&#42892;h ra&#42892; bwiinn ra&#42892; nin biu&#42892;nbwa&#42892; Dxiohs desde galohyitii&#42892; zahca ra&#42892; ba ziga Llii&#42892;n &#209;i&#42892;h, tin zi&#42892;chi gaca Llii&#42892;n pa&#42892;h &#209;i&#42892;h nin dzi&#42892;baloh loh garaa ra&#42892; nin gaca ra&#42892; bwiinn xfamihyi Dxiohs. 30Ya garaa ra&#42892; bwiinn nin gulii &#209;i&#42892;h galohyi, garaa ra&#42892; ni&#42892;chi gudihdxyi &#209;i&#42892;h; ya garaa ra&#42892; nin gudihdxyi &#209;i&#42892;h bwi&#42892;hnn nayaa &#209;i&#42892;h bwiinn ra&#42892; chi nezloh &#209;i&#42892;h; ya garaa ra&#42892; bwiinn nin bwi&#42892;hnn nayaa &#209;i&#42892;h loh duhlda, neezaa bwi&#42892;hnn lasahca &#209;i&#42892;h la&#42892;h ra&#42892; ba tin chuunee ra&#42892; ba la&#42892;h &#209;i&#42892;h llaa&#42892;ndxibaa&#42892;.</div><div class="p"> 31&#191;Xa ni&#42892;ca gachi&#241;i&#42892;ru nu&#42892;h? Sidela la&#42892;h Dxiohs cayahcanee la&#42892;h nu&#42892;h, &#191;chyuulla guunn gahn la&#42892;h nu&#42892;h? 32Dxiohs ayi bacha&#42892;h &#209;i&#42892;h xigaaba &#209;i&#42892;h xcweenta Jesuhs Llii&#42892;n &#209;i&#42892;h tin ayi &#241;ahchi Jesuhs, sino que badi&#42892;hi &#209;i&#42892;h la&#42892;h Jesucristu nin naa Llii&#42892;n &#209;i&#42892;h guhchi loh tuhbi cruhzi tin gudxihlli Jesucristu xcweenta xtuhlda nu&#42892;h, &#191;pwihsi xalla ayi guni&#42892;hi &#209;i&#42892;h garaa ra&#42892; cohsa nin xchi&#42892;hn nu&#42892;h nnah nin naa nu&#42892;h tuhsi cun Llii&#42892;n &#209;i&#42892;h? 33&#191;Chyuu ni&#42892;ca gudzii&#42892;ba duhlda yihca ra&#42892; bwiinn nin gulii Dxiohs? Dxiohs gahca bwi&#42892;hnn tin baria&#42892;caa nu&#42892;h bwiinn nayaa nezloh &#209;i&#42892;h. 34&#191;Xa ruhnn loh nin gudzii&#42892;ba duhlda yihca nu&#42892;h? Crixtu naa nin guhchi, nee la&#42892;h gahcaza Crixtu naa nin babahn loh guelguhchi, yannah zohba &#209;i&#42892;h xlahdu derehchu Dxiohs, tin cabwihdxyi-canaaba &#209;i&#42892;h loh Dxiohs xcweenta ra&#42892; nu&#42892;h. 35&#191;Chyuu ni&#42892;ca guunn gahn gabwe&#42892;he la&#42892;h nu&#42892;h loh xcweenta ziga zoona&#42892;hla nu&#42892;h loh xquel&#241;a&#42892;&#241;ih Jesucristu? &#191;Ta guelrzahcazii, o guel&#241;a&#42892;laa&#42892;dzi, o trabahjw, o guelrchia&#42892;han, o xcweenta nin dxia&#42892;dxi xahba nu&#42892;h, o xiilla demahla, o ziga gachi nu&#42892;h loh tuhbi spahda? Nin tuhbi ra&#42892; ni&#42892;ca. 36Ziga caa loh dxihtsi nin naa xchi&#42892;dxyi Dxiohs r&#241;i&#42892; squii&#42892;:</div><div class="q">Pur xcweenta lu&#42892;h naa nu xpwiinn lu&#42892;h cayahchi nu guillii-guillii.</div><div class="q">Ruhn ra&#42892; ba cweenta naa nu ziga tuhbi lli&#42892;hyi nin baguroo&#42892; nin banaa gachi.</div><div class="p"> 37Ya nezloh ra&#42892; dee&#42892; naa nu&#42892;h ziga tuhbi bwiinn nin bwi&#42892;hnn gahn xiilla tuhbi cohsa pur xcweenta Dxiohs nin nuu dxibaa&#42892; nin baca&#42892;h sto&#42892; &#209;i&#42892;h la&#42892;h nu&#42892;h. 38Ni&#42892;chin nin naa siguhra ayi nin tuhbi nin gabwe&#42892;he la&#42892;h nu&#42892;h loh ziga guelnadzii&#42892;hi xteenn Dxiohs cun la&#42892;h nu&#42892;h: nin guelguhchi, nin guelnabahan, nin aanjla ra&#42892;, nin tuhbi xii chi&#42892;hzi guelrnabwa&#42892; ra&#42892; o jweersi sp&#237;ritu ra&#42892; zi nicala cohsa ra&#42892; nin nuu nnah, nicala cohsa za ra&#42892; nin gue&#42892;du ze&#42892;yahlda chuu, 39nin nicala hasta naa mahzi guiya&#42892;gayuulda, nee nin hasta naaza la&#42892;n gueeta duuxa, nin tuhbi ra&#42892; cohsa nin gulachixchih Dxiohs; ayi nin tuhbi nin gabwe&#42892;he la&#42892;h nu&#42892;h loh ziga ruca&#42892;h sto&#42892; Dxiohs la&#42892;h nu&#42892;h pur xcweenta Jesucristu Daada xteenn nu&#42892;h.</div>
 </div>
 </div>
</div>

Niꞌchin nnah ayi rudziiꞌbaduhlda Dxiohs yihca raꞌ bwiinn raꞌ nin naa tuhsi cun laꞌh Jesucristu, nee ayi ruzoꞌbadxiahga raꞌ ba xcweenta tihxi raꞌ ba cun nin xclaaꞌdzin guunn raꞌ ba, sino que ruzoꞌbadxiahga raꞌ ba xcweenta Spíritu Saantu nin rbweeza laꞌn lastoꞌ raꞌ ba, ya lehyi xteenn Spíritu nin runiꞌhi guelnabahan pur nin naa nuꞌh tuhsi cun laꞌh Jesucristu, bataꞌh Ñiꞌh laꞌh nuꞌh loh xquelrnabwaꞌ lehyi duhlda cun loh lehyi guelguhchi, laasii laꞌh Dxiohs bwiꞌhnn Ñiꞌh nin ayi guhca ñuhnn xlehyi Moisehs, laasii ayi xi jweersi nahpa bwiinn guihdxyiyuh tin gaca raꞌ ba bwiinn nayaa nezloh Dxiohs, niꞌchin bwiꞌhnn Dxiohs chin guxeꞌhla Ñiꞌh Lliiꞌn Ñiꞌh ziga tuhbi Ndxiꞌhw, guhca Ñiꞌh tuhbi bwiinn guihdxyiyuh pur xcweenta duhlda tin ziꞌchi bwiꞌhnn Ñiꞌh guelguxchisi laꞌh lligaaba guelnadoꞌbalaadzi nin rusihn laꞌh tihxi nuꞌh loh duhlda. Dee raꞌ bwiꞌhnn Ñiꞌh tin gazaꞌloh nuꞌh ziga rnabwaꞌ xlehyi Dxiohs guidiꞌhnn nuꞌh, ayi ru chuu nuꞌh lligaaba guelnadoꞌbalaadzi mas chuu nuꞌh chaꞌzi nuꞌh lligaaba nin rnabwaꞌ Spíritu Saantu nin nuu nabahan laꞌn lastoꞌ nuꞌh.
Pwihsi bwiinn raꞌ nin nabahan raꞌ tuhsi cun guelnadoꞌbalaadzi nin xclaaꞌdzi tihxi raꞌ ba guunn raꞌ ba, niꞌchiraꞌ sola rzaꞌbi stoꞌ raꞌ ba guunn raꞌ ba ganaalla guelnadoꞌbalaadzi; per bwiinn raꞌ nin nabahannee Spíritu Saantu stoꞌ ñiꞌh, bwiinn chi ruhnn raꞌ ba lligaaba nin xclaaꞌdzi Dxiohs guunn raꞌ ba, laasii sidela yiꞌh chuu luꞌh ganaalla xcweenta si lligaaba guelnadoꞌbalaadzi nin xclaaꞌdzi tihxi luꞌh zianeen yiꞌh hasta zahchi luꞌh cun hasta ñichilohza luꞌh nez loh Dxiohs, per ziga chuu luꞌh masru ziga xigaaba Spíritu Saantu zicaꞌha luꞌh loh guelnabahan cun guelrbwidxyii stoꞌ. Laasii nin riuuꞌ ganaalla xigaabasi xteenn guelnadoꞌbalaadzi naa bwiinn chi nin rdxyiꞌchinee laꞌh Dxiohs, laasii ayi xclaaꞌdzi raꞌ ba nee nin ayiza nuu guzoꞌbadxiahga raꞌ ba ziga naa xlehyi Dxiohs. Niꞌchin laꞌh raꞌ bwiinn nin mahzi rucaꞌh stoꞌ ñiꞌh xcweenta ziga xclaaꞌdzi tihxi raꞌ ba, bwiinn raꞌ ziꞌchi ayi nuu guunn raꞌ ba dziꞌn nin gusiahxi stoꞌ Dxiohs.
Bwen, sidela ayiru nabahan tu loh guelnadoꞌbalaadzi nin guyuuꞌ tihxi tu, guchiipaꞌcaa tu nuu Spíritu Saantu laꞌn lastoꞌ tu; per sidela chyulla tuhbi tu ayi Spíritu Saantu Crixtu stoꞌ tu, ayi naa tu xpwiinn Ñiꞌh. Per sidela laꞌh Crixtu rbweeza Spíritu Ñiꞌh stoꞌ tu, xespíritu tu nuu nabahan pur guhca tu bwiinn nayaa nezloh Dxiohs, nicala nuu gaca xcweerpu tu loh xquelrnabwaꞌ guelguhchi pur sahca xcweenta duhlda. Ya sidela laꞌh Spíritu xteenn Dxiohs nin bacwaꞌhn laꞌh Jesucristu loh guelguhchi nuu stoꞌ tu, laꞌh gahcaza Spíritu Saantu Dxiohs riiꞌ guniꞌhi guelnabahan nacuubi laꞌh xcweerpu tu nin gunabwaꞌla guelguhchi.
Niꞌchin, bwiitsi raꞌ pur xcweenta Jesucristu; nuu nin xchiꞌhn gachidiꞌhnn nuꞌh, per ayi naan xcweenta para xa guibahan nuꞌh loh nin xclaaꞌdzi tihxi nuꞌh gachidiꞌhnn raꞌ nuꞌh, laasii sidela laꞌh tu nuu tu xigaabasi xcweenta nin rzaꞌbistoꞌ tu guunn tihxi tu loh guihdxyiyuh riiꞌ, zahchi paꞌcaa tu; per sidela pur xcweenta Spíritu guunn tu gusiaꞌhan tu garaa raꞌ nin rzaꞌbistoꞌ tihxi tu nez dihtsi tu, pwihsi zibahannee tu Dxiohs par tuꞌpazi.
Garaa raꞌ bwiinn nin ruzoꞌbadxiahga xchiꞌdxyi Spíritu Saantu xteenn Dxiohs, pwihsi naa raꞌ ba lliiꞌn Dxiohs. Pwihsi Spíritu nin baniꞌhi Dxiohs cweeza xtoꞌ nuꞌh ayi naa Spíritu chi tuhbi spíritu xteenn tuhbi mooza tin guidxyihbi tu, sino que naa Spíritu chi ziga spíritu xteenn nin naa ziga tuhbi bizahbi nin gucaꞌha tuhbi bwiinn ziga lliiꞌn paꞌcaa ba, yannah naa tu lliiꞌn ba, niꞌchin zahca gahbi tu loh ba: “¡Paah nin rbweeza dxibaaꞌ!” Ya laꞌh Spíritu Saantu riiꞌ tuhsi rahca Ñiꞌh cun spíritu nuꞌh tin rutiꞌdxi cweenta Spíritu Saantu loh spíritu nuꞌh naa nuꞌh lliiꞌn Dxiohs. Ya pur nin naa nuꞌh lliiꞌn Ñiꞌh niꞌchin nin zicaꞌha za nuꞌh tuhbi hereensi loh Dxiohs cun Crixtu, sidela guchiipaꞌh nuꞌh gatiꞌdxilohnee nuꞌh Ñiꞌh trabahjw pur xcweenta xchiꞌdxyi Ñiꞌh ya ziꞌchi tuhsi za gacalasahcanee nuꞌh Ñiꞌh.
Pwihsi lligaaba nin ruꞌnnahn nnah xcweenta trabahjw nin cadiiꞌdxi nuꞌh ayi gaca guunn tuhbilohon loh xquelñaꞌñih Dxiohs nin guidiaꞌha nuꞌh chiꞌchiyi, laasii garaa raꞌ cohsa raꞌ nin bwiꞌnnchaꞌyi Dxiohs loh guihdxyiyuh riiꞌ, cabweeza raꞌn gadzihn dxyih nin guluuꞌyi Dxiohs cuun raꞌ nin naa lliiꞌn Ñiꞌh, laasii garaa raꞌ cohsa nin gulahchixchih Dxiohs loh guihdxyiyuh guyuuꞌdii raꞌn, per ayi guhcan pur xcweenta gahca raꞌ cohsa raꞌ chi, sino que bariaꞌcaan ziꞌchi laasii ziꞌchi guhca xigaaba Dxiohs gaca, ya cohsa raꞌ chi cabweeza raꞌn gadzihn dxyih nin taꞌh garaa raꞌ cohsa nin gulahchixchih Dxiohs loh guihdxyiyuh loh xquelrnabwaꞌ guelguhchi tin dxiuuꞌun loh xquel biaꞌñih raꞌ lliiꞌn Dxiohs. Pwihsi garaa raꞌ cohsa raꞌ nin gulahchixchih Dxiohs loh guihdxyiyuh riiꞌ ruꞌn raꞌn garaa dxyih pur xcweenta trabahjw ziga tuhbi trabahjw nin rutiꞌdxiloh tuhbi gunnaꞌh chin raalaa lliiꞌn ba. Nee ayi laꞌh dxiꞌh raꞌ dxiꞌh nin riiꞌ loh guihdxyiyuh riiꞌ cagatiꞌdxiloh cohsa nalaasa raꞌ riiꞌ sino que neezaa laꞌh nuꞌh nin nuu Spíritu Saantu Dxiohs stoꞌ raꞌ nuꞌh rachidiiꞌdxi za nuꞌh cun guelnalaasa nin nuu stoꞌ nuꞌh, nee dxuleꞌza za nuꞌh gadzihn dxyih guibahan nuꞌh loh xquelñaꞌñih Dxiohs tin gaca nuꞌh lliiꞌn Ñiꞌh, nee neezaa gusacuubi za Ñiꞌh tihxi nuꞌh, laasii pur xcweenta nin nahpa nuꞌh siguhra zachicaꞌha raꞌ nuꞌh nin dxuleꞌza nuꞌh, niꞌchi bataꞌh laꞌh nuꞌh loh duhlda; per ziga rbweeza bwiinn nin rwaꞌhaloh raꞌ ba, ayi naa niꞌchi siguhra nin runiꞌhi Dxiohs laasii nin rwaꞌhaloh bwiinn, ¿xi par cweeza luꞌh niꞌchi? Per sidela laꞌh nuꞌh gachileꞌza nuꞌh nin ayi chyu rwaꞌha nahpa cun paseensi gachidiaꞌha nuꞌh gaca niꞌchi.
Ziꞌchi gahca za rahcanee Spíritu Saantu Dxiohs laꞌh nuꞌh cun ziga ayi chyu rahcabwaꞌ paꞌh xcweenta Ñiꞌh, laasii nuu hohra ayi chyu rahcabwaꞌ xa gachidiidxyi, gachinaaba nuꞌh loh Dxiohs; per laꞌh gahca Spíritu Saantu nin nuu lastoꞌ nuꞌh rdxiꞌn-rnaaba loh Dxiohs xcweenta raꞌ nuꞌh nin ayi radxeela gachiñiꞌ nuꞌh chin chyu rbwihdxyi-rnaaba loh Dxiohs. Dxiohs rahcabwaꞌ Ñiꞌh xa naa lligaaba nin riinloh stoꞌ raꞌ bwiinn, naann Ñiꞌh cuun nin xclaaꞌdzi Spíritu guiñiꞌ laasii rnaaba Spíritu Saantu xcweenta raꞌ nuꞌh, nee rnaaba Ñiꞌh ziga paꞌh nin xclaaꞌdzi Dxiohs gachinaaba nuꞌh xcweenta raꞌ paꞌh bwiinn raꞌ nin naa raꞌ paꞌh xpwiinn Ñiꞌh.

Pwihsi naann nuꞌh Dxiohs ruzuh Ñiꞌh garaa raꞌ cohsa nin guunn bwen laꞌh raꞌ bwiinn raꞌ nin rucaꞌh stoꞌ ñiꞌh laꞌh Dxiohs, laꞌh raꞌ bwiinn nin gulii Ñiꞌh seguhn xigaaba Ñiꞌh, laasii laꞌh raꞌ bwiinn raꞌ nin biuꞌnbwaꞌ Dxiohs desde galohyitiiꞌ zahca raꞌ ba ziga Lliiꞌn Ñiꞌh, tin ziꞌchi gaca Lliiꞌn paꞌh Ñiꞌh nin dziꞌbaloh loh garaa raꞌ nin gaca raꞌ bwiinn xfamihyi Dxiohs. Ya garaa raꞌ bwiinn nin gulii Ñiꞌh galohyi, garaa raꞌ niꞌchi gudihdxyi Ñiꞌh; ya garaa raꞌ nin gudihdxyi Ñiꞌh bwiꞌhnn nayaa Ñiꞌh bwiinn raꞌ chi nezloh Ñiꞌh; ya garaa raꞌ bwiinn nin bwiꞌhnn nayaa Ñiꞌh loh duhlda, neezaa bwiꞌhnn lasahca Ñiꞌh laꞌh raꞌ ba tin chuunee raꞌ ba laꞌh Ñiꞌh llaaꞌndxibaaꞌ.
¿Xa niꞌca gachiñiꞌru nuꞌh? Sidela laꞌh Dxiohs cayahcanee laꞌh nuꞌh, ¿chyuulla guunn gahn laꞌh nuꞌh? Dxiohs ayi bachaꞌh Ñiꞌh xigaaba Ñiꞌh xcweenta Jesuhs Lliiꞌn Ñiꞌh tin ayi ñahchi Jesuhs, sino que badiꞌhi Ñiꞌh laꞌh Jesucristu nin naa Lliiꞌn Ñiꞌh guhchi loh tuhbi cruhzi tin gudxihlli Jesucristu xcweenta xtuhlda nuꞌh, ¿pwihsi xalla ayi guniꞌhi Ñiꞌh garaa raꞌ cohsa nin xchiꞌhn nuꞌh nnah nin naa nuꞌh tuhsi cun Lliiꞌn Ñiꞌh? ¿Chyuu niꞌca gudziiꞌba duhlda yihca raꞌ bwiinn nin gulii Dxiohs? Dxiohs gahca bwiꞌhnn tin bariaꞌcaa nuꞌh bwiinn nayaa nezloh Ñiꞌh. ¿Xa ruhnn loh nin gudziiꞌba duhlda yihca nuꞌh? Crixtu naa nin guhchi, nee laꞌh gahcaza Crixtu naa nin babahn loh guelguhchi, yannah zohba Ñiꞌh xlahdu derehchu Dxiohs, tin cabwihdxyi-canaaba Ñiꞌh loh Dxiohs xcweenta raꞌ nuꞌh. ¿Chyuu niꞌca guunn gahn gabweꞌhe laꞌh nuꞌh loh xcweenta ziga zoonaꞌhla nuꞌh loh xquelñaꞌñih Jesucristu? ¿Ta guelrzahcazii, o guelñaꞌlaaꞌdzi, o trabahjw, o guelrchiaꞌhan, o xcweenta nin dxiaꞌdxi xahba nuꞌh, o xiilla demahla, o ziga gachi nuꞌh loh tuhbi spahda? Nin tuhbi raꞌ niꞌca. Ziga caa loh dxihtsi nin naa xchiꞌdxyi Dxiohs rñiꞌ squiiꞌ:
Pur xcweenta luꞌh naa nu xpwiinn luꞌh cayahchi nu guillii-guillii.
Ruhn raꞌ ba cweenta naa nu ziga tuhbi lliꞌhyi nin bagurooꞌ nin banaa gachi.
Ya nezloh raꞌ deeꞌ naa nuꞌh ziga tuhbi bwiinn nin bwiꞌhnn gahn xiilla tuhbi cohsa pur xcweenta Dxiohs nin nuu dxibaaꞌ nin bacaꞌh stoꞌ Ñiꞌh laꞌh nuꞌh. Niꞌchin nin naa siguhra ayi nin tuhbi nin gabweꞌhe laꞌh nuꞌh loh ziga guelnadziiꞌhi xteenn Dxiohs cun laꞌh nuꞌh: nin guelguhchi, nin guelnabahan, nin aanjla raꞌ, nin tuhbi xii chiꞌhzi guelrnabwaꞌ raꞌ o jweersi spíritu raꞌ zi nicala cohsa raꞌ nin nuu nnah, nicala cohsa za raꞌ nin gueꞌdu zeꞌyahlda chuu, nin nicala hasta naa mahzi guiyaꞌgayuulda, nee nin hasta naaza laꞌn gueeta duuxa, nin tuhbi raꞌ cohsa nin gulachixchih Dxiohs; ayi nin tuhbi nin gabweꞌhe laꞌh nuꞌh loh ziga rucaꞌh stoꞌ Dxiohs laꞌh nuꞌh pur xcweenta Jesucristu Daada xteenn nuꞌh.

Ακρόαση Romanos 8