Bible translation: Taita © Bible Society of Kenya, 1997 Recording of the New Testament ℗ Hosanna, 2019

Taita-1997 KENBS (NT) Drama

<div class="version vid2138 iso6393dav" data-vid="2138" data-iso6393="dav">
   <div class="book bkMAT">
      <div class="chapter ch2" data-usfm="MAT.2">
         <div class="label">2</div><div class="s"><span class="heading">Waghenyi wifumie mashariki</span></div><div class="p"><span class="content">  </span><span class="verse v1" data-usfm="MAT.2.1"><span class="label">1</span><span class="content">Jesu orevaloghe Bethlehemu isanga ja Judea, iji Herode orekoghe mzuri. Ngelo vui nyuma ya kuvalwa kwake, wamanyi wa nyerinyeri wikacha Jerusalemu kufuma chia ra mashariki; </span></span><span class="verse v2" data-usfm="MAT.2.2"><span class="label">2</span><span class="content">wikakotia, &#8220;Oko hao uja mwana uvalo mzuri wa Wayahudi? Angu nyerinyeri yake daiwonie kufuma chia ra mashariki, nesi dacha kumtasa.&#8221; </span></span><span class="verse v3" data-usfm="MAT.2.3"><span class="label">3</span><span class="content">Nao iji Mzuri Herode wasikira malagho agho, ukakambwa ni chongo andwamweri na wandu wose werekoghe Jerusalemu. </span></span><span class="verse v4" data-usfm="MAT.2.4"><span class="label">4</span><span class="content">Niko ukawiwanga wakohani wabaa na walimu wa Sharia ukawikotia, &#8220;Welee, Masiha uvailwa hao?&#8221; </span></span><span class="verse v5" data-usfm="MAT.2.5"><span class="label">5</span><span class="content">Nawo wikamtumbulia, &#8220;Uchavailwa Bethlehemu, isanga ja Judea. Angu niko mlodi oreandikieghe:</span></span></div><div class="q"><span class="verse v5" data-usfm="MAT.2.5"><span class="content">  </span></span><span class="verse v6" data-usfm="MAT.2.6"><span class="label">6</span><span class="content">&#8216;Oho Bethlehemu wa Isanga ja Juda,</span></span></div><div class="q"><span class="verse v6" data-usfm="MAT.2.6"><span class="content">ndekuko mtini putu aghadi ya vilongozi va Juda;</span></span></div><div class="q"><span class="verse v6" data-usfm="MAT.2.6"><span class="content">kwa kukaia kwako uchafuma kilongozi,</span></span></div><div class="q"><span class="verse v6" data-usfm="MAT.2.6"><span class="content">uchaawighenja wandu wapo Israeli.&#8217;&#8221;</span><span class="note x"><span class="label">#</span><span class=" body">Mik. 5.1</span></span></span></div><div class="p"><span class="verse v6" data-usfm="MAT.2.6"><span class="content">  </span></span><span class="verse v7" data-usfm="MAT.2.7"><span class="label">7</span><span class="content">Niko Herode ukawiwanga kwa kiviso waja wamanyi wa nyerinyeri, ukakunda kumanya kufuma kwawo ngelo iyo nyerinyeri iwonekie. </span></span><span class="verse v8" data-usfm="MAT.2.8"><span class="label">8</span><span class="content">Nao ukawiduma Bethlehemu ukighamba, &#8220;Ghendenyi mpeleleze nicha malagho gha uo mwana, nao mkameria kummbona, muniredie malagho; nani nighende kumtasa.&#8221; </span></span><span class="verse v9" data-usfm="MAT.2.9"><span class="label">9</span><span class="content">Nao nyuma ya kumsikira mzuri, awo wamanyi wa nyerinyeri wikaghenda, nao ola ija nyerinyeri wereiwonieghe chia ra mashariki, ereghendieghe imbiri kwawo na kumanga andu aja mwana orekoghe. </span></span><span class="verse v10" data-usfm="MAT.2.10"><span class="label">10</span><span class="content">Nawo wiendaiwona iyo nyerinyeri, wikaboilwa loli-loli; </span></span><span class="verse v11" data-usfm="MAT.2.11"><span class="label">11</span><span class="content">wikaghenda na kungia andu aja mwana orekoghe, wikammbona uko na mae Maria, wikamdungia ngokoro wikamtasa. Wikafungua mali rawo, wikamfunyira manosi gha dhahabu, ubani, na manemane.</span></span></div><div class="p"><span class="verse v11" data-usfm="MAT.2.11"><span class="content">  </span></span><span class="verse v12" data-usfm="MAT.2.12"><span class="label">12</span><span class="content">Nawo wiendawonyerwa ni Mlungu kwa ndodo wisakewuya kwa Herode, wikaghala cha mzawo kwa chia zima.</span></span></div><div class="s"><span class="heading">Kukimbiria Misri</span></div><div class="p"><span class="verse v12" data-usfm="MAT.2.12"><span class="content">  </span></span><span class="verse v13" data-usfm="MAT.2.13"><span class="label">13</span><span class="content">Nao iji wameria kughala, malaika wa Bwana ukamfutukia Josefu ndodonyi ukamzera, &#8220;Wuka kummbwade mwana na mae, mkimbirie Misri, mkaie ahoeni hata namghoria; angu Herode uchamlola mwana upate kum'bwagha.&#8221; </span></span><span class="verse v14" data-usfm="MAT.2.14"><span class="label">14</span><span class="content">Josefu ukawuka ukammbwada mwana na mae, ukafuma nakio kughenda Misri. </span></span><span class="verse v15" data-usfm="MAT.2.15"><span class="label">15</span><span class="content">Nao ukakaia aho hata Herode ukafwa. Agho gherebonyekieghe, eri malagho gha Bwana ghikatie; agho ghereghoreloghe ni mlodi ghighambagha, &#8220;Kufuma Misri, ngammbanga Mwana wapo.&#8221;</span><span class="note x"><span class="label">#</span><span class=" body">Hos. 11.1</span></span></span></div><div class="s"><span class="heading">Kubwaghwa kwa wana</span></div><div class="p"><span class="verse v15" data-usfm="MAT.2.15"><span class="content">  </span></span><span class="verse v16" data-usfm="MAT.2.16"><span class="label">16</span><span class="content">Herode uendamanya angu awo wamanyi wa nyerinyeri wamkita, ukajokwa ni machu loli-loli. Ukafunya momu ghobwagha wana wa womi wose wiseidie miaka iwi wiko Bethlehemu na mbai-mbai yaro; kunughana na icho kimu oreghoreloghe ni awo wamanyi wa nyerinyeri. </span></span><span class="verse v17" data-usfm="MAT.2.17"><span class="label">17</span><span class="content">Niko ghikakatia agho ghereghoreloghe ni mlodi Jeremia:</span></span></div><div class="q"><span class="verse v17" data-usfm="MAT.2.17"><span class="content">  </span></span><span class="verse v18" data-usfm="MAT.2.18"><span class="label">18</span><span class="content">&#8220;Lwaka loresikiroghe muzi ghwa Rama,</span></span></div><div class="q"><span class="verse v18" data-usfm="MAT.2.18"><span class="content">Lwaka lwa kulila na kukema mchungu;</span></span></div><div class="q"><span class="verse v18" data-usfm="MAT.2.18"><span class="content">Raheli ukiwililia wana wake,</span></span></div><div class="q"><span class="verse v18" data-usfm="MAT.2.18"><span class="content">ukalegha kuhoreshwa,</span></span></div><div class="q"><span class="verse v18" data-usfm="MAT.2.18"><span class="content">angu wameria kufwa.&#8221;</span><span class="note x"><span class="label">#</span><span class=" body">Jer. 31.15</span></span></span></div><div class="s"><span class="heading">Kuwuya kwawo kufuma Misri</span></div><div class="p"><span class="verse v18" data-usfm="MAT.2.18"><span class="content">  </span></span><span class="verse v19" data-usfm="MAT.2.19"><span class="label">19</span><span class="content">Nao nyuma ya Herode kufwa, malaika wa Bwana ukamfutukia Josefu ndodonyi uko Misri, </span></span><span class="verse v20" data-usfm="MAT.2.20"><span class="label">20</span><span class="content">ukamzera, &#8220;Wuka kummbwade mwana na mae, kuwuye isanga ja Israeli, angu awo werekundieghe kum'bwagha mwana wamerie kufwa.&#8221; </span></span><span class="verse v21" data-usfm="MAT.2.21"><span class="label">21</span><span class="content">Nao Josefu ukawuka ukammbwada mwana na mae, wikawuya isanga ja Israeli.</span></span></div><div class="p"><span class="verse v21" data-usfm="MAT.2.21"><span class="content">  </span></span><span class="verse v22" data-usfm="MAT.2.22"><span class="label">22</span><span class="content">Ela iji Josefu wasikira angu Arikelao wabonyero kukaia mzuri wa Judea wulalo ghwa ndee Herode, ukaobua kughenda aho, nao umeria kuwonyerwa ndodonyi, ukaghenda cha isanga ja Galilaya, </span></span><span class="verse v23" data-usfm="MAT.2.23"><span class="label">23</span><span class="content">ukakaia muzi ghuwangwagha Nazareti; eri malagho ghighorelo ni walodi ghikatisho ghighambagha, &#8220;Uchawangwa Mnaziri.&#8221;</span><span class="note x"><span class="label">#</span><span class=" body">Mk. 1.24; Lk. 2.39; Joh. 1.45</span></span></span></div>
      </div>
   </div>
</div>

Jesu orevaloghe Bethlehemu isanga ja Judea, iji Herode orekoghe mzuri. Ngelo vui nyuma ya kuvalwa kwake, wamanyi wa nyerinyeri wikacha Jerusalemu kufuma chia ra mashariki; wikakotia, “Oko hao uja mwana uvalo mzuri wa Wayahudi? Angu nyerinyeri yake daiwonie kufuma chia ra mashariki, nesi dacha kumtasa.” Nao iji Mzuri Herode wasikira malagho agho, ukakambwa ni chongo andwamweri na wandu wose werekoghe Jerusalemu. Niko ukawiwanga wakohani wabaa na walimu wa Sharia ukawikotia, “Welee, Masiha uvailwa hao?” Nawo wikamtumbulia, “Uchavailwa Bethlehemu, isanga ja Judea. Angu niko mlodi oreandikieghe:
‘Oho Bethlehemu wa Isanga ja Juda,
ndekuko mtini putu aghadi ya vilongozi va Juda;
kwa kukaia kwako uchafuma kilongozi,
uchaawighenja wandu wapo Israeli.’”
Niko Herode ukawiwanga kwa kiviso waja wamanyi wa nyerinyeri, ukakunda kumanya kufuma kwawo ngelo iyo nyerinyeri iwonekie. Nao ukawiduma Bethlehemu ukighamba, “Ghendenyi mpeleleze nicha malagho gha uo mwana, nao mkameria kummbona, muniredie malagho; nani nighende kumtasa.” Nao nyuma ya kumsikira mzuri, awo wamanyi wa nyerinyeri wikaghenda, nao ola ija nyerinyeri wereiwonieghe chia ra mashariki, ereghendieghe imbiri kwawo na kumanga andu aja mwana orekoghe. Nawo wiendaiwona iyo nyerinyeri, wikaboilwa loli-loli; wikaghenda na kungia andu aja mwana orekoghe, wikammbona uko na mae Maria, wikamdungia ngokoro wikamtasa. Wikafungua mali rawo, wikamfunyira manosi gha dhahabu, ubani, na manemane.
Nawo wiendawonyerwa ni Mlungu kwa ndodo wisakewuya kwa Herode, wikaghala cha mzawo kwa chia zima.

Nao iji wameria kughala, malaika wa Bwana ukamfutukia Josefu ndodonyi ukamzera, “Wuka kummbwade mwana na mae, mkimbirie Misri, mkaie ahoeni hata namghoria; angu Herode uchamlola mwana upate kum'bwagha.” Josefu ukawuka ukammbwada mwana na mae, ukafuma nakio kughenda Misri. Nao ukakaia aho hata Herode ukafwa. Agho gherebonyekieghe, eri malagho gha Bwana ghikatie; agho ghereghoreloghe ni mlodi ghighambagha, “Kufuma Misri, ngammbanga Mwana wapo.”

Herode uendamanya angu awo wamanyi wa nyerinyeri wamkita, ukajokwa ni machu loli-loli. Ukafunya momu ghobwagha wana wa womi wose wiseidie miaka iwi wiko Bethlehemu na mbai-mbai yaro; kunughana na icho kimu oreghoreloghe ni awo wamanyi wa nyerinyeri. Niko ghikakatia agho ghereghoreloghe ni mlodi Jeremia:
“Lwaka loresikiroghe muzi ghwa Rama,
Lwaka lwa kulila na kukema mchungu;
Raheli ukiwililia wana wake,
ukalegha kuhoreshwa,
angu wameria kufwa.”

Nao nyuma ya Herode kufwa, malaika wa Bwana ukamfutukia Josefu ndodonyi uko Misri, ukamzera, “Wuka kummbwade mwana na mae, kuwuye isanga ja Israeli, angu awo werekundieghe kum'bwagha mwana wamerie kufwa.” Nao Josefu ukawuka ukammbwada mwana na mae, wikawuya isanga ja Israeli.
Ela iji Josefu wasikira angu Arikelao wabonyero kukaia mzuri wa Judea wulalo ghwa ndee Herode, ukaobua kughenda aho, nao umeria kuwonyerwa ndodonyi, ukaghenda cha isanga ja Galilaya, ukakaia muzi ghuwangwagha Nazareti; eri malagho ghighorelo ni walodi ghikatisho ghighambagha, “Uchawangwa Mnaziri.”

Ακρόαση MATHAYO 2