If you would like a copy of this version please contact info@davaraudiobibles.org

Amganad Ifugao Old Testament

<div class="version vid1356 iso6393ifa" data-vid="1356" data-iso6393="ifa">
 <div class="book bkGEN">
 <div class="chapter ch7" data-usfm="GEN.7">
 <div class="label">7</div><div class="s1">Hay Hinunggopan Da Noah Hinan Papol</div><div class="p"> 1Hidin nadatngan di hunggopan da Noah hinan papol ya inalin Apu Dios i hiyay, Hunggop ayu mon hina'amma hinan papol te tinigo' an he''a ya abuh han nipto' di pangatna. 2Ya impaghopyu boy himpipituy palis an tangbal ya tinna hinadan nat'onat'on an animal an ibilang'uh malinis ya atbohdin hinohhay palis hinadan adi' ibilang hi malinis. 3Ya atbohdin ipaghopyuy himpipituy palis hinadan nat'onat'on an hamuti ta wan minaynayun an waday nat'onat'on an matagun hamuti. 4Te mala"uh di pituy algo ya ipali' di udan ta umuda'udan hi napat (40) di algo ya hilong ta wan madadagdan namin nadan limmu' hitun luta.</div><div class="p"> 5Ta inat Noah an namin nadan imbagan Apu Dios hi atona. 6Ya hay tawona i diyen nalbongan tun luta ya onom di gahut (600). 7Ta dida an hina'amma ya hinunggopdah nan papol ta mihwangda i diyen albongan tun luta. 8Ya atbohdin impaghopda nadan animal ya hamuti ya mungkaddapan an mibilang hi malinis ya ta'on on nadan adi ibilang Apu Dios hi malinis. 9Ta hinohhay palis an tangbal ya tinna di impaghop da Noah hinan papol te hidiyey imbagan Apu Dios. 10Ta nala"uh peman di pituy algoh hinunggopan da Noah ya inhipunan malbong tun luta.</div><div class="p"> 11Ta hidin onom di gahut (600) di tawon Noah i diyen mi'ahimpulut pituy (17) algo i diyen mi'adwah bulan ya alinah on ay niguwang an namin nadan awon di liting an malpuh ad dalom ta namaag ya manuluy liting. Ya nunhiglay udan ta ay niguwang hi ad lagud. 12Ot minaynayun hidiyen udan hi napat (40) di algo. 13Mu hi Noah ya hi inayana ya nadan tulun imbabaleda an da Sem ya hi Ham ya hi Japet ya nadan ahawada ya hinunggopda mo tuwalih nan papol. 14Ya atbohdin impaghopda nadan nat'onat'on an animal ya nadan mungkaddapan hinan luta ya nadan nat'onat'on an nun'apaya'an. 15Ta hinohhay palis an tangbal ya tinna di impaghopdah nan papol. 16Te hidiyey imbagan Apu Dios hi aton Noah. Ta hidin hinunggopdan namin hinan papol ya ingkalob Apu Dios nan pantona.</div><div class="s1">Hay Nalbongan Tun Luta</div><div class="p"> 17Ta immudan nimpe hi napat (40) di algo ta mun'albong tun luta mu na'en papol ya timmapla'. 18Ya lo'tat ya dimmallodallom nan liting mu na'en papol ya muntaptapla'. 19Ta ta'on on nadan nun'atagen billid hitun luta on hininabna. 20Ot la''uhan nan liting nadan uhhun dadiyen nun'atatagen billid. Ta hay dinallom nan liting hi ingganah nadan uhhun di billid ya baintiy (20) umpi. 21Ta nun'altingdan namin di wadah tun luta an tatagu ya animal ya hamuti ya ta'on on nadan wah nan baybay. 22Ta ma"id ha ta'on on oha i ha agge ni'yate. 23Ta athidin nadadag an namin di wadah tun luta. Ta ammuna da Noah an hina'amma ya nadan udum an wah nan papol an agge nadadag. 24Ot munnanong an nalbong tun luta hi hinggahut ta nabongley (150) algo.</div>
 </div>
 </div>
</div>

Hidin nadatngan di hunggopan da Noah hinan papol ya inalin Apu Dios i hiyay, Hunggop ayu mon hina'amma hinan papol te tinigo' an he''a ya abuh han nipto' di pangatna. Ya impaghopyu boy himpipituy palis an tangbal ya tinna hinadan nat'onat'on an animal an ibilang'uh malinis ya atbohdin hinohhay palis hinadan adi' ibilang hi malinis. Ya atbohdin ipaghopyuy himpipituy palis hinadan nat'onat'on an hamuti ta wan minaynayun an waday nat'onat'on an matagun hamuti. Te mala"uh di pituy algo ya ipali' di udan ta umuda'udan hi napat (40) di algo ya hilong ta wan madadagdan namin nadan limmu' hitun luta.
Ta inat Noah an namin nadan imbagan Apu Dios hi atona. Ya hay tawona i diyen nalbongan tun luta ya onom di gahut (600). Ta dida an hina'amma ya hinunggopdah nan papol ta mihwangda i diyen albongan tun luta. Ya atbohdin impaghopda nadan animal ya hamuti ya mungkaddapan an mibilang hi malinis ya ta'on on nadan adi ibilang Apu Dios hi malinis. Ta hinohhay palis an tangbal ya tinna di impaghop da Noah hinan papol te hidiyey imbagan Apu Dios. Ta nala"uh peman di pituy algoh hinunggopan da Noah ya inhipunan malbong tun luta.
Ta hidin onom di gahut (600) di tawon Noah i diyen mi'ahimpulut pituy (17) algo i diyen mi'adwah bulan ya alinah on ay niguwang an namin nadan awon di liting an malpuh ad dalom ta namaag ya manuluy liting. Ya nunhiglay udan ta ay niguwang hi ad lagud. Ot minaynayun hidiyen udan hi napat (40) di algo. Mu hi Noah ya hi inayana ya nadan tulun imbabaleda an da Sem ya hi Ham ya hi Japet ya nadan ahawada ya hinunggopda mo tuwalih nan papol. Ya atbohdin impaghopda nadan nat'onat'on an animal ya nadan mungkaddapan hinan luta ya nadan nat'onat'on an nun'apaya'an. Ta hinohhay palis an tangbal ya tinna di impaghopdah nan papol. Te hidiyey imbagan Apu Dios hi aton Noah. Ta hidin hinunggopdan namin hinan papol ya ingkalob Apu Dios nan pantona.

Ta immudan nimpe hi napat (40) di algo ta mun'albong tun luta mu na'en papol ya timmapla'. Ya lo'tat ya dimmallodallom nan liting mu na'en papol ya muntaptapla'. Ta ta'on on nadan nun'atagen billid hitun luta on hininabna. Ot la''uhan nan liting nadan uhhun dadiyen nun'atatagen billid. Ta hay dinallom nan liting hi ingganah nadan uhhun di billid ya baintiy (20) umpi. Ta nun'altingdan namin di wadah tun luta an tatagu ya animal ya hamuti ya ta'on on nadan wah nan baybay. Ta ma"id ha ta'on on oha i ha agge ni'yate. Ta athidin nadadag an namin di wadah tun luta. Ta ammuna da Noah an hina'amma ya nadan udum an wah nan papol an agge nadadag. Ot munnanong an nalbong tun luta hi hinggahut ta nabongley (150) algo.

Ακρόαση Hidin Hopapna 7