ROMA 3
3
ROMA 3
1Hinyɔ Yahuduya hi daarin doo gedo? Hinyɔ dɔms gi ɗaak be gedo be? 2Daarik bɔ gi hin gbɔɔl hi gbɔnɔ sɛw. Yɛɛl hi dɔgl yɔ Bɛt gaa Yahuduya wɔ naan du an hi kaŋkɔ. 3An zaadɛ hi iin Bɛt dɔgl gɔ nɔ? Inikya̧ bɔ ɗɛɛ an gi ya̧a̧n hinyɔ Bɛt raa a be woo ya? 4Yā̧a̧n gɛ nɛ zaŋ! Yɛ dood hi mɛɛ Bɛto a gi rɔbo, anyɔ hi sɛw hi wɛɛ nɛ ya̧a̧gɔ̧ɔ̧nya gii hɛw anyɔ Bɛt ɗɛɛrwolɔ raa
a yɛhi mɛɛ a mɔ gi hinrɔbdɔkyayɔ, wɛɛ gɔ hi gbaasum dɔglɛ, mɔ ɗɛɛhi.
5Yɛrɛ hin-a̧a̧byɔ wɛ gɔko gi gi zuunik Bɛt hinrɔbɔ, gi an wɛ raa a nɔ? Bɛt gi hin-a̧a̧b wookya gi giwɛ ya̧a̧rhant gaak ya? (Mi book anyɔ doo gɔ hi booko. ) 6Yɛrɛ lab gɛ! À Bɛt gi nɛ hin-a̧a̧bwookya hi zulɔ, gi an gi gbaas nɛ waal dɔgl ri!
7Dood zaadɛ hi raak be: a gid Bɛt rɔbɔ gi tuuk gaattɔnɔ gi daarlɛl a be ya̧a̧gɔ̧ɔ̧n dɔŋgo, gi wɛɛ gi gɔk an dood hi gaa Bɛt gbɔlumsɛ, Bɛt gi gbaasib dɔgl ri an bee be gi hinha̧a̧lya? 8Hinɔ riitin hi raakɔ a yɛwɛ woo hinha̧a̧l an rɔb gi tuu gɛ ya? Anyɔ dood zaadɛ wɔ hi gi wi niiko, hi gɛ̧ɛ̧niw a wi dɔg hin wɔrɔ anbɔ. Dood wɔrɔ lab dɔgl gi matihi, a hin-a̧a̧bya̧ yɔ hi woo lɛlɔ ge.
9Yɛrɛ ri? Wii Yahuduya wɔ, wi gi dood nabl wi daar dood zaadɛ daar ya? Lab gɛ! Mii mi zu̧u̧n da̧a̧da̧ a wi Yahuduya wɔ hi dood zaadɛ hi riitin sɛw, wɛ gi a hinha̧a̧l tɛŋk du, 10anyɔ Bɛt ɗɛɛrwolɔ raa:
a doo za riit taaro, taas nɛ gbun mɔɔti. 11Doo za mɔkilya taa an gi mɔk Bɛto, wɛɛ doo za yɔ gi ɓɛɛk Bɛt hi rɔb taaro. 12Hi sɛw hi hɛɛ Bɛt gbɔnɔ hɛɛ, doo za hinrɔb wookya gbun mɔɔt taaro, hi sɛw hi wɛɛ hintɔsi a Bɛt muutdu, taas nɛ gbun mɔɔti.
13Kɔlkya̧ wal gi loor aasilyɔ, hi gin mɛl an hi maatin doodɛ. Ya̧a̧boonya̧ bɔ gi tuuzig a hi ya̧a̧kos muulɛ gi waŋga̧a̧b ɗɔŋko. 14Booto hi dɔgl zobtili hi̧i̧s a hi ya̧a̧ du. 15Hi nɔɔk digttɔnɔ an hi rek hi gubr doo ga̧a̧mɛ. 16Lɛlyɔ hi daa ge hi ha̧tirgo doodɛ hi ɔɔk ya̧a̧rhant a hi kuudu. 17Hi mɛ̄ɛ̄ boolum gbɔnɔ gɛ. 18Hí mɔ̄k an hi ɗɔbs Bɛto hoob gi ha̧a̧hi a gi muutdu gɛ.
19Yɛrɛ wɛ mɛɛ a hinyɔ Bɛtmaakɔ gi dɔk sɛw gi dɔgsig dood wɔ hi gi maakdɔgl tɛŋk du hiya, an ya̧a̧ sɛw hi kpɛ̧ɛ̧yɔ, wɛɛ an dood waal du sɛw hi rii an Bɛt gi gbaasihi dɔglɛ. 20Ya̧a̧nɛ doo za ɗɛ̄ɛ̄ an gi wɛɛ doo riit a Bɛt muut du a Bɛtmaakdɔgl yɔ gig fɔk gi dɔŋg gɛ. Yɔ anbɔ, Bɛtmaakdɔgl bɔ woosɔ gɛ an doo gi mɛɛn a yɛrɛ be woo hinha̧a̧lɛ.
21-22Yɛrɛ Bɛt zunsɛ gɛrsɔ yɔ wɛɛnɛ dood riitɛ a gi muutdu. Gɛrsɔ bɔ mı̄d hi maakdɔglɔ gɛ. Gɛrsɔ gɛ: kpoos gbaaki a Yeesu Kristu ge. Za̧a̧nyɔ ɗɔbs Kristu, Bɛt ta̧a̧ge, anbɔ sɛw, gɛ̧ksil taaro. Hin bɔ lab ro, Bɛtmaakdɔgl hi Bɛtya̧a̧kɛŋkya amntɛ wɔ hii boo dɔglɔ. 23Yɔ anbɔ, dood sɛw hi gɔ hinha̧a̧lɛ hi lɔɔ Bɛt gbɔlumsɔ. 24Bɛt gɔsihi rɔbo, za̧a̧sihi ya̧a̧rtɔs a Yeesu Kristu dɔŋgo, tutsihi zulya̧ aakil du.
25Bɛt gaaz giya an hinnaandɛmsya an gi wɔrɔ gi za̧a̧s dood hi ga̧a̧mɔ bɔ an wɔ gɔ hi ɗɔbsige hi za̧a̧. Wɛɛ zuun hinrɔbɔwook anbɔ. Hinha̧a̧l yɔ doo hi woo nɛ doosɛ Bɛt ɔsihi nɛ dɔglɔ a hinɔ mɔŋk bɔ gedu. 26Yɛrɛ Bɛt gi zuunik hinrɔbɔgɔk a ɔ̧tigi zul an gi gi hinrɔbgɔkya an gii be gi wɛɛn dood wɔ hi ɗɔbsig Yeesu Kristu hinrɔbwookyaadɛ a gi muutdu be. 27Yɛrɛ hinyɔ dood gɔ hi tɔɔsin zulya̧ zɛ̧ɛ̧r ya? Ɛ̧-ɛ̧, zɛ̧ɛ̧r nɛ gɛ zaŋ! Bɛt wɛɛnihi dood riitɛ a nɔ dɔŋgo? Ger a Bɛtmaak fɔk dɔŋg ya? Ɛ̧-ɛ̧, taa anbɔ! Yɔ hi gbaa kpoosya̧ a Yeesu ge kpɔd ro, ya̧a̧nɛ.
28Wɛ mɔkig a Bɛt gɔ ta̧a̧ doo anyɔ gbaa kpoosɔ a Yeesu ge, taa a maakdɔgl woosɔ yɔ woo gi dɔŋgo. 29Bɛt gi Yahuduyaadɛ Bɛt kpɔd ya? Ɛ̧-ɛ̧, Bɛt gi dood dɔɔmɛ wɔ Bɛtya̧ hɛw. 30Bɛt gi Bɛt gbunu, ya̧a̧nɛ, gi ta̧a̧ Yahuduyaadɛ hi dood dɔɔmɛ wɔ eer sɛw a ɗɔbsigya̧ bɔ gi dɔŋg kpɔd. 31Anyɔ wɛ Yeesu ɗɔbsugo, wɛ gi ha̧tirgo maakdɔgl ha̧tir ya? Taa anbɔ, wɛ gig ta̧a̧kta̧ ro!
Valgt i Øjeblikket:
ROMA 3: NTD
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
Doyayo New Testament © Bible Society of Cameroon, 1991.
ROMA 3
3
ROMA 3
1Hinyɔ Yahuduya hi daarin doo gedo? Hinyɔ dɔms gi ɗaak be gedo be? 2Daarik bɔ gi hin gbɔɔl hi gbɔnɔ sɛw. Yɛɛl hi dɔgl yɔ Bɛt gaa Yahuduya wɔ naan du an hi kaŋkɔ. 3An zaadɛ hi iin Bɛt dɔgl gɔ nɔ? Inikya̧ bɔ ɗɛɛ an gi ya̧a̧n hinyɔ Bɛt raa a be woo ya? 4Yā̧a̧n gɛ nɛ zaŋ! Yɛ dood hi mɛɛ Bɛto a gi rɔbo, anyɔ hi sɛw hi wɛɛ nɛ ya̧a̧gɔ̧ɔ̧nya gii hɛw anyɔ Bɛt ɗɛɛrwolɔ raa
a yɛhi mɛɛ a mɔ gi hinrɔbdɔkyayɔ, wɛɛ gɔ hi gbaasum dɔglɛ, mɔ ɗɛɛhi.
5Yɛrɛ hin-a̧a̧byɔ wɛ gɔko gi gi zuunik Bɛt hinrɔbɔ, gi an wɛ raa a nɔ? Bɛt gi hin-a̧a̧b wookya gi giwɛ ya̧a̧rhant gaak ya? (Mi book anyɔ doo gɔ hi booko. ) 6Yɛrɛ lab gɛ! À Bɛt gi nɛ hin-a̧a̧bwookya hi zulɔ, gi an gi gbaas nɛ waal dɔgl ri!
7Dood zaadɛ hi raak be: a gid Bɛt rɔbɔ gi tuuk gaattɔnɔ gi daarlɛl a be ya̧a̧gɔ̧ɔ̧n dɔŋgo, gi wɛɛ gi gɔk an dood hi gaa Bɛt gbɔlumsɛ, Bɛt gi gbaasib dɔgl ri an bee be gi hinha̧a̧lya? 8Hinɔ riitin hi raakɔ a yɛwɛ woo hinha̧a̧l an rɔb gi tuu gɛ ya? Anyɔ dood zaadɛ wɔ hi gi wi niiko, hi gɛ̧ɛ̧niw a wi dɔg hin wɔrɔ anbɔ. Dood wɔrɔ lab dɔgl gi matihi, a hin-a̧a̧bya̧ yɔ hi woo lɛlɔ ge.
9Yɛrɛ ri? Wii Yahuduya wɔ, wi gi dood nabl wi daar dood zaadɛ daar ya? Lab gɛ! Mii mi zu̧u̧n da̧a̧da̧ a wi Yahuduya wɔ hi dood zaadɛ hi riitin sɛw, wɛ gi a hinha̧a̧l tɛŋk du, 10anyɔ Bɛt ɗɛɛrwolɔ raa:
a doo za riit taaro, taas nɛ gbun mɔɔti. 11Doo za mɔkilya taa an gi mɔk Bɛto, wɛɛ doo za yɔ gi ɓɛɛk Bɛt hi rɔb taaro. 12Hi sɛw hi hɛɛ Bɛt gbɔnɔ hɛɛ, doo za hinrɔb wookya gbun mɔɔt taaro, hi sɛw hi wɛɛ hintɔsi a Bɛt muutdu, taas nɛ gbun mɔɔti.
13Kɔlkya̧ wal gi loor aasilyɔ, hi gin mɛl an hi maatin doodɛ. Ya̧a̧boonya̧ bɔ gi tuuzig a hi ya̧a̧kos muulɛ gi waŋga̧a̧b ɗɔŋko. 14Booto hi dɔgl zobtili hi̧i̧s a hi ya̧a̧ du. 15Hi nɔɔk digttɔnɔ an hi rek hi gubr doo ga̧a̧mɛ. 16Lɛlyɔ hi daa ge hi ha̧tirgo doodɛ hi ɔɔk ya̧a̧rhant a hi kuudu. 17Hi mɛ̄ɛ̄ boolum gbɔnɔ gɛ. 18Hí mɔ̄k an hi ɗɔbs Bɛto hoob gi ha̧a̧hi a gi muutdu gɛ.
19Yɛrɛ wɛ mɛɛ a hinyɔ Bɛtmaakɔ gi dɔk sɛw gi dɔgsig dood wɔ hi gi maakdɔgl tɛŋk du hiya, an ya̧a̧ sɛw hi kpɛ̧ɛ̧yɔ, wɛɛ an dood waal du sɛw hi rii an Bɛt gi gbaasihi dɔglɛ. 20Ya̧a̧nɛ doo za ɗɛ̄ɛ̄ an gi wɛɛ doo riit a Bɛt muut du a Bɛtmaakdɔgl yɔ gig fɔk gi dɔŋg gɛ. Yɔ anbɔ, Bɛtmaakdɔgl bɔ woosɔ gɛ an doo gi mɛɛn a yɛrɛ be woo hinha̧a̧lɛ.
21-22Yɛrɛ Bɛt zunsɛ gɛrsɔ yɔ wɛɛnɛ dood riitɛ a gi muutdu. Gɛrsɔ bɔ mı̄d hi maakdɔglɔ gɛ. Gɛrsɔ gɛ: kpoos gbaaki a Yeesu Kristu ge. Za̧a̧nyɔ ɗɔbs Kristu, Bɛt ta̧a̧ge, anbɔ sɛw, gɛ̧ksil taaro. Hin bɔ lab ro, Bɛtmaakdɔgl hi Bɛtya̧a̧kɛŋkya amntɛ wɔ hii boo dɔglɔ. 23Yɔ anbɔ, dood sɛw hi gɔ hinha̧a̧lɛ hi lɔɔ Bɛt gbɔlumsɔ. 24Bɛt gɔsihi rɔbo, za̧a̧sihi ya̧a̧rtɔs a Yeesu Kristu dɔŋgo, tutsihi zulya̧ aakil du.
25Bɛt gaaz giya an hinnaandɛmsya an gi wɔrɔ gi za̧a̧s dood hi ga̧a̧mɔ bɔ an wɔ gɔ hi ɗɔbsige hi za̧a̧. Wɛɛ zuun hinrɔbɔwook anbɔ. Hinha̧a̧l yɔ doo hi woo nɛ doosɛ Bɛt ɔsihi nɛ dɔglɔ a hinɔ mɔŋk bɔ gedu. 26Yɛrɛ Bɛt gi zuunik hinrɔbɔgɔk a ɔ̧tigi zul an gi gi hinrɔbgɔkya an gii be gi wɛɛn dood wɔ hi ɗɔbsig Yeesu Kristu hinrɔbwookyaadɛ a gi muutdu be. 27Yɛrɛ hinyɔ dood gɔ hi tɔɔsin zulya̧ zɛ̧ɛ̧r ya? Ɛ̧-ɛ̧, zɛ̧ɛ̧r nɛ gɛ zaŋ! Bɛt wɛɛnihi dood riitɛ a nɔ dɔŋgo? Ger a Bɛtmaak fɔk dɔŋg ya? Ɛ̧-ɛ̧, taa anbɔ! Yɔ hi gbaa kpoosya̧ a Yeesu ge kpɔd ro, ya̧a̧nɛ.
28Wɛ mɔkig a Bɛt gɔ ta̧a̧ doo anyɔ gbaa kpoosɔ a Yeesu ge, taa a maakdɔgl woosɔ yɔ woo gi dɔŋgo. 29Bɛt gi Yahuduyaadɛ Bɛt kpɔd ya? Ɛ̧-ɛ̧, Bɛt gi dood dɔɔmɛ wɔ Bɛtya̧ hɛw. 30Bɛt gi Bɛt gbunu, ya̧a̧nɛ, gi ta̧a̧ Yahuduyaadɛ hi dood dɔɔmɛ wɔ eer sɛw a ɗɔbsigya̧ bɔ gi dɔŋg kpɔd. 31Anyɔ wɛ Yeesu ɗɔbsugo, wɛ gi ha̧tirgo maakdɔgl ha̧tir ya? Taa anbɔ, wɛ gig ta̧a̧kta̧ ro!
Valgt i Øjeblikket:
:
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
Doyayo New Testament © Bible Society of Cameroon, 1991.