TƆMSYAADƐ WOOSƐ 20
20
TƆMSYAADƐ WOOSƐ 20
1Kuudu yɔ hi ɓoltin ya̧a̧ gi da̧a̧ anbɔ Pol wɛɛ el Yeesu fɔkya wɔ mɔksihi ɓaasihi muulɛ, wɛɛ waar ihi ɗuk rek a Makeduniya. 2Wɛɛ daa a hɛbt bɔ gedu dɔks dood Yeesu fɔkya wɔ dɔglɔ kittɔnɔ ɓaasihi muulɛ, wɛɛ ɗuk hɔ rek da tuur a Àkaya hɛbto, 3waa lɛlɔge sɛɛ taarɛ. Yɔ gɔ gi kar lɛmb du gi rek a Siriya, lag a Yahuduya wɔ hi wɔ ya̧a̧ an hi gbɔŋge, ya̧a̧nɛ gi mɔk wɛɛk kuudu an gi tal a Makeduniya ɓɛ.
4Dood wɔ hi sɔkig gɛrɛ: Pirus waawal Bereyaya bɔ nuŋgɔ a Sopatɛr hi Aristarkus hi Sukundus wɔ hi fu̧u̧ a Tesaloniki, hi Gayus Dɛrbeya bɔ, hi Timɔte, hi Aaziyaya wɔ Tikikus hi Torofemus. 5Hi dor hi oow doosɛ a Torowas. 6Yɔ naab-ɔ̧t yɔ kokɔ gɔ taan hɛ̧ɛ̧t gɛ talɔ, winɛ wi kar a lɛmb du a Filipi, wi rek ɔ̧t nɔɔnɛ wi da wi zɛ̧hi gɔ a Torowas, wi waa hɔ yɛms nɔɔn-erɛ.
7A samɛdi yɔ ɔ̧t legɔ, wi mɔks an wi loo kok gaat bɔ lɛlgbunu. Anyɔ Pol gɔ gi ɗuk yoosugɔ, ɗɔɔt gis Yeesu fɔkya wɔ dɔgl dɔko, dɔg zi̧i̧bikɔ tuur yɛms teesdu keleg. 8Hi kpoo nɛ laa hi gi kittɔnɔ a luk buu bɔ wɛɛha wi ɔks nɛ gedu.
9Yɔ anbɔ walsɛr za giro nuŋgɔ a Ewtikus ɗɔɔt a lɛltuutirya̧, yɔ Pol gi gbork dɔglɔ bɔ dɔko, yo ha̧a̧ltɔnɔ. Yɔ yoom bɔ daarig be yɛɛl madzig a luk buu taasum bɔ wɛɛha ge tuur hɛbtdi. Dood hi sizɔ hi zɛŋge hi pɛɛg wɔrko. 10Hɔnɛyɔ Pol sizɔ zaa kus a gi muul kɔtig durk du, wɛɛ raa doodɛ
a bɔ kol gi tuunɛ, wɔr gɛ, kolɔ gi kete.
11Yɔ Pol wɛɛ gi kar a luk buu taasum bɔ da giz nɛ gedu a wɛɛha, loo koko ɓɛɛda le, wɛɛ dɔg hin zi̧i̧tɔnɔ, lɛl gaanige, wɛɛ tuu rekɔ. 12Yɔ hi wɛɛ hi kamz wal bɔ za̧a̧til a raa du, dood kpoosya̧ wɛɛ sil gɔ rɔbtɔnɔ ma ɓɔrɔ.
13Wi dor wi kar lɛmb du wi rek a Asos, a lɛlyɔ gɔ wi rek wi loo nɛ Pol ge anyɔ da raaw nɛ a ha̧a̧b an be fɔ gbɔnɔ a hɛbt di. 14Yɔ Pol zɛ̧wi a Asos wi loog lɛmb du wi retin a Mitilɛn.
15Wi ɗund hɔdi wi gbor rek a mɛm ha wi tuur yoosugɔ a Kiyos muutdu. A ɔ̧tɔ zaa di wi rek wi tuur gɔ a Samɔs. Yoosugɔ ɓɛ wi rek wi tuur gɔ a Miletus, 16anyɔ Pol mɔk nɛ a bɔwi er a Efesu an bɔ lɛl gi daaw dihɔ a Aaziya. Ɔnɛ gi dik an Paŋtekosta naab-ɔ̧t gi tuur gi zɛŋg a Urusa-lima an bɛrɔ.
17Yɔ Pol gi a Miletus te, yaa ya̧a̧ a ɗɛntɛ Bɛtwoos kaŋkigya wɔ a Efesu hi elzihi. 18Hi zaa hi tuur a ge raahi:
a nɛ mɛɛ waak yɔ be waa hi nɛɛ ɔ̧t nuŋg sɛw gi baar a ɔ̧t doos yɔ be zaa a Aaziya gedu. 19Be waas Waar Bɛt woosɔ wook hi zul tiisigi, hi kaalɛ hi hinmɔŋk gooki a Yahuduya wɔ hi gbork nɛ ya̧a̧wɔk an hi gɔsib ha̧a̧lɛ hi naan du. 20Nɛ mɛɛ a Bɛt dɔgl yɔ be gisin dɔk gedu be a̧a̧ hinza yɔ gɔ gi ɗaasin gbun gɛ. Be raasin hin sɛw, hoobha̧a̧b hinza gɛ, be wɛɛ be goksin hin a dood muutdu hi a raa nɛ wɔ hi du. 21Be boos Yahuduya wɔ hi Yonaniŋkoya wɔ sɛw dɔgl hi tɛŋko, an hi zɛmr kpoosya̧ hi wɛɛ hi ɗɔbs Waar wɛ Yeesu.
22Yɛrɛyɔ, Bɛt Mɔkilɔ gib fɛ̧ɛ̧k an be rek a Urusalima, be mɛ̄ɛ̄ hinyɔ gɔ gi tursib hɔ gɛ. 23Yɛrɛ be mɛɛ hin gbunu: a waal gbɔlɛ du sɔmsɔm Bɛt Mɔkilɔ da gisib raako a luknɔ hi ya̧a̧rhanto hi gib ooko. 24Yɛrɛ benɛ bé sēē kol be an hinɗɔbti gɛ. Hinyɔ gɔ gi riisibe, gɛ an be da̧a̧s tɔms be hi woos yɔ Waar Yeesu gaab an be woosige gi tuur a lɛlyɔ gɔ gi lɔɔ ge, an be wɛɛsig segya be dɔg Dɔgl Rɔb yɔ raasɛ Bɛt gɛmsilɔ.
25Be ɛmb be dɔg Bɛt wáátɔ dɔgl a nɛ teesdu sɛw, yɛrɛ ɓɔryɔ be mɛɛ nɛ taa muut be zaa gbɛnuko. 26Hinɔ giya be gisin dɔk nɛɛko, gi doo za gbun a nɛ tees du gi waks zulɔ, dɔgl be taa du! 27Nɛ be a̧a̧sin hinza gɛ be, be dɔgsin hinyɔ Bɛt ha̧a̧g an wɛ woo sɛw da̧a̧da̧. 28Oon zul nɛ, oon Yeesu fɔkya wɔ Bɛt Mɔkilɔ gbaan ooraaya̧ sɛw, oonɛhi an nɛɛrɛwaat gɔ hi tamya̧ ooko. Kaŋkum Waar Bɛt fɔkɔya wɔ ɔksilya̧ bɔ zeb hi waawal Yeesu ga̧a̧mɔ sɛw.
29Be mɛɛ a gɔ be rekɔ, lergum ha̧a̧l hi zaa hi tal nɛ tees du, hi wɛɛ hí ɔ̄ɔ̄ tam wɔ gɛ. 30Dood zaadɛ hí ɗuk a nɛ teesdu hɛw, hí dɔg hin hi ya̧a̧gɔ̧ɔ̧nɛ an hi wɛɛ hi sɔmb ɗɔbsigya wɔ hi fɔhi. 31Oonɛ, nɛ mɛks a wɛl taarɛ, yɛms du hi lurk du sɛw, be ɔsin raak an nɛ oo zul nɛ gbunu gbunu gɛ, be gisin hinɔ gbork raak hi mɛɛk lɔl du. 32Yɛrɛ ɓɔryɔ be gin ɔɔk a Bɛt naan du, an Bɛtdɔglɔ gɛmsilya bɔ gi ɗaasinɛ. Bɛt gin tɛŋk an gi tɔɔsinɛ, gi gaan rɔbsɔ an rɔɔs yɔ gbaas dood wɔ hi gi ɔnɛ sɛw.
33Bé ɗɔ̄kin doo tus gɛ. Bé ɗɔ̄kin doo za hɛɛlmɔtɔ gɛ. Bé ɗɔ̄kin gbandilɔ gɛ hɛw. 34Nɛɛ hi zul nɛ nɛ mɛɛ a naan be wɛrɛ hii woosib hinyɔ ha̧a̧be hi hinyɔ ha̧a̧ dood wɔ hi gi hi beya. 35Be zunsin a hinyɔ be woo gedu sɛw a gi an hi woo anbɔ ro an hi ɗaas dood hɔntil wɔ, hi wɛɛ hi mɔk dɔgl yɔ Waar Yeesu raa hi zulɔ a hingaakya hatɔ daar zekya daarɔ.
36Yɔ dɔg anbɔ, zagl zɔ̧ Bɛt hi hii sɛw. 37Hi sɛw hi kaa Pol ha̧a̧ltɔnɔ, hi kɔtig durk du, hi zɔm wɛktɔ, hi wɛɛ hi wartinu. 38Hinyɔ ha̧a̧hi kaal gi daarlɛlɛ yɔ Pol raahi a hi taa muut be zaa gbɛnik giya. Hi kaŋg hi yaazig a lɛmb du.
Valgt i Øjeblikket:
TƆMSYAADƐ WOOSƐ 20: NTD
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
Doyayo New Testament © Bible Society of Cameroon, 1991.
TƆMSYAADƐ WOOSƐ 20
20
TƆMSYAADƐ WOOSƐ 20
1Kuudu yɔ hi ɓoltin ya̧a̧ gi da̧a̧ anbɔ Pol wɛɛ el Yeesu fɔkya wɔ mɔksihi ɓaasihi muulɛ, wɛɛ waar ihi ɗuk rek a Makeduniya. 2Wɛɛ daa a hɛbt bɔ gedu dɔks dood Yeesu fɔkya wɔ dɔglɔ kittɔnɔ ɓaasihi muulɛ, wɛɛ ɗuk hɔ rek da tuur a Àkaya hɛbto, 3waa lɛlɔge sɛɛ taarɛ. Yɔ gɔ gi kar lɛmb du gi rek a Siriya, lag a Yahuduya wɔ hi wɔ ya̧a̧ an hi gbɔŋge, ya̧a̧nɛ gi mɔk wɛɛk kuudu an gi tal a Makeduniya ɓɛ.
4Dood wɔ hi sɔkig gɛrɛ: Pirus waawal Bereyaya bɔ nuŋgɔ a Sopatɛr hi Aristarkus hi Sukundus wɔ hi fu̧u̧ a Tesaloniki, hi Gayus Dɛrbeya bɔ, hi Timɔte, hi Aaziyaya wɔ Tikikus hi Torofemus. 5Hi dor hi oow doosɛ a Torowas. 6Yɔ naab-ɔ̧t yɔ kokɔ gɔ taan hɛ̧ɛ̧t gɛ talɔ, winɛ wi kar a lɛmb du a Filipi, wi rek ɔ̧t nɔɔnɛ wi da wi zɛ̧hi gɔ a Torowas, wi waa hɔ yɛms nɔɔn-erɛ.
7A samɛdi yɔ ɔ̧t legɔ, wi mɔks an wi loo kok gaat bɔ lɛlgbunu. Anyɔ Pol gɔ gi ɗuk yoosugɔ, ɗɔɔt gis Yeesu fɔkya wɔ dɔgl dɔko, dɔg zi̧i̧bikɔ tuur yɛms teesdu keleg. 8Hi kpoo nɛ laa hi gi kittɔnɔ a luk buu bɔ wɛɛha wi ɔks nɛ gedu.
9Yɔ anbɔ walsɛr za giro nuŋgɔ a Ewtikus ɗɔɔt a lɛltuutirya̧, yɔ Pol gi gbork dɔglɔ bɔ dɔko, yo ha̧a̧ltɔnɔ. Yɔ yoom bɔ daarig be yɛɛl madzig a luk buu taasum bɔ wɛɛha ge tuur hɛbtdi. Dood hi sizɔ hi zɛŋge hi pɛɛg wɔrko. 10Hɔnɛyɔ Pol sizɔ zaa kus a gi muul kɔtig durk du, wɛɛ raa doodɛ
a bɔ kol gi tuunɛ, wɔr gɛ, kolɔ gi kete.
11Yɔ Pol wɛɛ gi kar a luk buu taasum bɔ da giz nɛ gedu a wɛɛha, loo koko ɓɛɛda le, wɛɛ dɔg hin zi̧i̧tɔnɔ, lɛl gaanige, wɛɛ tuu rekɔ. 12Yɔ hi wɛɛ hi kamz wal bɔ za̧a̧til a raa du, dood kpoosya̧ wɛɛ sil gɔ rɔbtɔnɔ ma ɓɔrɔ.
13Wi dor wi kar lɛmb du wi rek a Asos, a lɛlyɔ gɔ wi rek wi loo nɛ Pol ge anyɔ da raaw nɛ a ha̧a̧b an be fɔ gbɔnɔ a hɛbt di. 14Yɔ Pol zɛ̧wi a Asos wi loog lɛmb du wi retin a Mitilɛn.
15Wi ɗund hɔdi wi gbor rek a mɛm ha wi tuur yoosugɔ a Kiyos muutdu. A ɔ̧tɔ zaa di wi rek wi tuur gɔ a Samɔs. Yoosugɔ ɓɛ wi rek wi tuur gɔ a Miletus, 16anyɔ Pol mɔk nɛ a bɔwi er a Efesu an bɔ lɛl gi daaw dihɔ a Aaziya. Ɔnɛ gi dik an Paŋtekosta naab-ɔ̧t gi tuur gi zɛŋg a Urusa-lima an bɛrɔ.
17Yɔ Pol gi a Miletus te, yaa ya̧a̧ a ɗɛntɛ Bɛtwoos kaŋkigya wɔ a Efesu hi elzihi. 18Hi zaa hi tuur a ge raahi:
a nɛ mɛɛ waak yɔ be waa hi nɛɛ ɔ̧t nuŋg sɛw gi baar a ɔ̧t doos yɔ be zaa a Aaziya gedu. 19Be waas Waar Bɛt woosɔ wook hi zul tiisigi, hi kaalɛ hi hinmɔŋk gooki a Yahuduya wɔ hi gbork nɛ ya̧a̧wɔk an hi gɔsib ha̧a̧lɛ hi naan du. 20Nɛ mɛɛ a Bɛt dɔgl yɔ be gisin dɔk gedu be a̧a̧ hinza yɔ gɔ gi ɗaasin gbun gɛ. Be raasin hin sɛw, hoobha̧a̧b hinza gɛ, be wɛɛ be goksin hin a dood muutdu hi a raa nɛ wɔ hi du. 21Be boos Yahuduya wɔ hi Yonaniŋkoya wɔ sɛw dɔgl hi tɛŋko, an hi zɛmr kpoosya̧ hi wɛɛ hi ɗɔbs Waar wɛ Yeesu.
22Yɛrɛyɔ, Bɛt Mɔkilɔ gib fɛ̧ɛ̧k an be rek a Urusalima, be mɛ̄ɛ̄ hinyɔ gɔ gi tursib hɔ gɛ. 23Yɛrɛ be mɛɛ hin gbunu: a waal gbɔlɛ du sɔmsɔm Bɛt Mɔkilɔ da gisib raako a luknɔ hi ya̧a̧rhanto hi gib ooko. 24Yɛrɛ benɛ bé sēē kol be an hinɗɔbti gɛ. Hinyɔ gɔ gi riisibe, gɛ an be da̧a̧s tɔms be hi woos yɔ Waar Yeesu gaab an be woosige gi tuur a lɛlyɔ gɔ gi lɔɔ ge, an be wɛɛsig segya be dɔg Dɔgl Rɔb yɔ raasɛ Bɛt gɛmsilɔ.
25Be ɛmb be dɔg Bɛt wáátɔ dɔgl a nɛ teesdu sɛw, yɛrɛ ɓɔryɔ be mɛɛ nɛ taa muut be zaa gbɛnuko. 26Hinɔ giya be gisin dɔk nɛɛko, gi doo za gbun a nɛ tees du gi waks zulɔ, dɔgl be taa du! 27Nɛ be a̧a̧sin hinza gɛ be, be dɔgsin hinyɔ Bɛt ha̧a̧g an wɛ woo sɛw da̧a̧da̧. 28Oon zul nɛ, oon Yeesu fɔkya wɔ Bɛt Mɔkilɔ gbaan ooraaya̧ sɛw, oonɛhi an nɛɛrɛwaat gɔ hi tamya̧ ooko. Kaŋkum Waar Bɛt fɔkɔya wɔ ɔksilya̧ bɔ zeb hi waawal Yeesu ga̧a̧mɔ sɛw.
29Be mɛɛ a gɔ be rekɔ, lergum ha̧a̧l hi zaa hi tal nɛ tees du, hi wɛɛ hí ɔ̄ɔ̄ tam wɔ gɛ. 30Dood zaadɛ hí ɗuk a nɛ teesdu hɛw, hí dɔg hin hi ya̧a̧gɔ̧ɔ̧nɛ an hi wɛɛ hi sɔmb ɗɔbsigya wɔ hi fɔhi. 31Oonɛ, nɛ mɛks a wɛl taarɛ, yɛms du hi lurk du sɛw, be ɔsin raak an nɛ oo zul nɛ gbunu gbunu gɛ, be gisin hinɔ gbork raak hi mɛɛk lɔl du. 32Yɛrɛ ɓɔryɔ be gin ɔɔk a Bɛt naan du, an Bɛtdɔglɔ gɛmsilya bɔ gi ɗaasinɛ. Bɛt gin tɛŋk an gi tɔɔsinɛ, gi gaan rɔbsɔ an rɔɔs yɔ gbaas dood wɔ hi gi ɔnɛ sɛw.
33Bé ɗɔ̄kin doo tus gɛ. Bé ɗɔ̄kin doo za hɛɛlmɔtɔ gɛ. Bé ɗɔ̄kin gbandilɔ gɛ hɛw. 34Nɛɛ hi zul nɛ nɛ mɛɛ a naan be wɛrɛ hii woosib hinyɔ ha̧a̧be hi hinyɔ ha̧a̧ dood wɔ hi gi hi beya. 35Be zunsin a hinyɔ be woo gedu sɛw a gi an hi woo anbɔ ro an hi ɗaas dood hɔntil wɔ, hi wɛɛ hi mɔk dɔgl yɔ Waar Yeesu raa hi zulɔ a hingaakya hatɔ daar zekya daarɔ.
36Yɔ dɔg anbɔ, zagl zɔ̧ Bɛt hi hii sɛw. 37Hi sɛw hi kaa Pol ha̧a̧ltɔnɔ, hi kɔtig durk du, hi zɔm wɛktɔ, hi wɛɛ hi wartinu. 38Hinyɔ ha̧a̧hi kaal gi daarlɛlɛ yɔ Pol raahi a hi taa muut be zaa gbɛnik giya. Hi kaŋg hi yaazig a lɛmb du.
Valgt i Øjeblikket:
:
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
Doyayo New Testament © Bible Society of Cameroon, 1991.