San Juan 6
6
Ri Jesús xuya kwa j'ob' mil (5,000) mnaq
(Mt 14:13-21; Mr 6:30-44; Lc 9:10-17)
1Tik'ri', ri Jesús x'ax jala ch'qap che un mar che Galilea ub'i', che soq kb'ix Tiberias che. 2Ik'i mnaq itrin chrij, mal kikkilo che o nmaq taq k'utb'al ku'on chikuch, kiyuk'chojsaj nk'aj mnaq che xa iyab'. 3Ri Jesús xumaj ub'e rech kel b'i chjuch jun jyub'. Echi' xel b'i pujlom, xikb'e' chla' kuk' nk'aj udiscípulo. 4Xa keb' uxib' ij chik kraj che ko'pan nim'ij kech nk'aj aj Israel che Pascua ub'i'. 5Echi' xuril Jesús che ik'i mnaq xipi ruk', xch'aw ruk' u Pelipe xub'ij che:
—¿Jachi kqalo' kwa nk'aj mnaqi', rech kiqatzuqu? —xche che.
6Jala xub'ij Jesús che u Pelipe, per xaq tob' xuta che, xa rech ilb'alre we o ukojb'al, mal rit'am chik Jesús su ku'on che ktzuqik nk'aj mnaq. 7U Pelipe jawa xub'ij che Jesús:
—¡Nimlaj pwaq kraj! Mowni ku'ono jumpa kuch'ak jun achi pmokik we kichkun keb' ciento (200) ij,#6:7 Tyox Wuj kch'aw chrij keb' ciento denario. Jun pwaq che denario kb'ix che, jare jun saq pwaq che kikjom ujer. Rjil peche kuch'ak jun achi che jun ij chak jare jun denario. rech klo' kwa kunjel nk'aj mnaqi', —xche che.
8O jun chik chke nk'aj udiscípulo Jesús che Trix ub'i', i'al ruk' u Simón che soq kb'ix Lu' che, xub'ij che Jesús:
9—O jun laj ala chi', o j'ob' (5) kaxlenwa rech cebada ruk', rich'il keb' kar cha', per ku'on taj chke kunjel nk'aj mnaqi', —xche che.
10Jesús xub'ij chke nk'aj udiscípulo:
—Chib'ij chke kunjel nk'aj mnaq che kiyikb'e'ik, —xche chke.
Chla' jachi ik'wi, o mas 'yes rech kiyikb'e' chjuch. Pent o j'ob' mil (5,000) achjab' chikxo'l kunjel jumpa mnaq xiyikb'e'ik. 11Xuk'am qaj Jesús j'ob' (5) kaxlenwa, xutyoxij che Dios. Tik'ri xutaq ujachik chikuch nk'aj mnaq che iku'lik, xikk'am ke runjel jumpa xkaj. Jala xu'on ruk' nk'aj kar, xutaq ujachik chke nk'aj mnaq. 12Echi' xinoj kunjel nk'aj mnaq, xub'ij Jesús chke nk'aj udiscípulo:
—Chimlo runjel nk'aj uch'qa'pil taq wa che xso'wrnik rech ot su ku'on tne'l, —xche Jesús chke.
13Jala xik'an che, runjel jumpa xso'wrnik xikmolo, xiknojsaj kab'aljuj (12) chkach, jare xso'wran che j'ob' (5) kaxlenwa. Kunjel k'ut nk'aj mnaq xiwa'ik. 14Echi' xkil nk'aj mnaq un nimlaj k'utb'al che xu'on Jesús, xikb'ij:
—Qtzij che nachi ri', jare najb'il utzij Dios che qi'em, che kpi na chi' chuchlew,#Dt 18:15-19; Jn 1:21; 7:40. —xicha'.
15Ri Jesús xurilo che nk'aj mnaq kkaj kikkoj kchu'ab' che uk'amik b'ik rech kikya reqle'n rech kitk'e' pkijlom mnaq chpam ktinmit. Ena xaq utkel xitzlij loq chujyub'.
Ri Qajaw Jesús xb'in pujlom ja'
(Mt 14:22-27; Mr 6:45-52)
16Echi' cha'ab' chik, nk'aj udiscípulo Jesús xiyo'pan chuchi' mar. 17Xiyok chpam un barco, xumaj ub'e un barco pujlom ja' rech ki'ax jala Capernaúm. Echi' qu'm chik, mja na kitzlij loq Jesús kuk'. 18Xpi jun nimlaj tew, su kupuj rib' mar chrij un barco rmal riwal. 19Pent kb'inb'em j'ob' (5) seno waqib' (6) kilómetro pujlom ja', ti xkilo che kitjin Jesús che ub'e pujlom ja', sk'um pitnaq ruk' un barco che ib'enaq ke chpam. Ena mas xkix'ej kib' che. 20Ri Jesús xub'ij chke:
—Xa mix'ej iwib', xa in, jare in, —xche chke.
21Tik'ri xiki'ktik, xikya che Jesús xok kuk' chpam un barco. Chanim xo'pan un barco chuchi' ja', jala ruk' un tinmit jachi kchomam kib'e wi.
Nk'aj mnaq xib'e che utzukxik Jesús
22Chkab' ij, xna'taj chke nk'aj mnaq che xa jun barco o kan jala chuchi' mar jachi xel loq un barco, tik'ri xkilo che xok taj Jesús chpam un barco jachi xiyok nk'aj discípulo, xa kitkel ke xiyok chpam. 23Tik'ri xiyel loq nk'aj barco Tiberias, xiyo'pan chunqaj jachi xutyoxij Jesús nk'aj kaxlenwa che Dios, che xiktij nk'aj mnaq. 24Echi' xkil nk'aj mnaq che otaj Jesús chla' mowni iy'o nk'aj udiscípulo chla', xiyok chpam nk'aj barco, xib'e che utzukxik Jesús jala chpam tinmit Capernaúm.
Ri wa che kuya k'asnmal jare Jesús
25Echi' xiyo'pan nk'aj mnaq ch'qap che mar, xikriq Jesús chla', xikb'ij che:
—Ajtojnel, ¿jumpa xo'pan la chi'? —xiche che.
26Ri Jesús xub'ij chke:
—Qatz qtzij, qatz qtzij kimb'ij chiwe che knitzkuj per xa rmal che echi' xixintzuqu, xixnojik, rmal taj nmaq taq k'utb'al kin'an chiwuch che knitzkuj. 27Mixchkunik xaw rmal uch'akik iwa che kuya ik'asnmal chi' chuchlew. Chixchkunoq, per che uch'akik iwa che kuya jun ik'asnmal che ot uk'isik, jarewa kuya nAchi nuK'jol Dios chiwe. Ri qaQaw Dios xurilo che xaq xaw Re tqal che rech kujach chiwe, —xche Jesús chke.
28Nk'aj mnaq xikb'ij che Jesús:
—¿Su kqa'ano rech kujkun che u'anik su kraj Dios? —xiche che.
29Ri Jesús xub'ij chke:
—Ri Dios jare kraj chiwe che kixkjon che Jun che utqom loq Re, —xche chke.
30Ni nk'aj mnaq xikb'ij che:
—¿Su jun k'utb'al k'an la chiquch rech kujkjon che la? ¿Su kikun la che u'anik? 31Ujer taq qati' qamam xiktij jun je'lik laj wa maná kb'ix che, chla' chpam un lyar che xa chqi'j ulew,#Éx 16:4; Sal 78:24; Neh 9:15. jala peche tz'ib'tal kan chpam Tyox Wuj che kub'ij:
“Xqaj loq wa chkaj,
xuya chke, xiktijo”, (Sal 78:24)
—xiche che Jesús.
32Ri Jesús xub'ij chke:
—Qatz qtzij, qatz qtzij, kimb'ij chiwe, jare taj u Moisés xuya wa che xqaj loq chkaj, xani jarewa che qatz qtzij chkaj pitnaq wi, jare nQaw kuya chiwe. 33Ri wa rech Dios, jare Jun che xqaj loq chkaj. Jare Re kuya kk'asnmal mnaq, —xche Jesús chke.
34Ni nk'aj mnaq xikb'ij che:
—Qajaw, runjel ij chiy'a la wa chqe che kb'ij la, —xiche che Jesús.
35Ri Jesús xub'ij chke:
—In wa' ri wa che kuya ik'asnmal. Chin jun kpi wuk' rech kukub'a uk'u'x chwij, otchich numik kutijo, soq otchich chqij chi' ku'axij. 36Per ni in nb'im chik chiwe, miskini' xiwil nwuch, per mowni kixkjonik. 37Chintaq kraj nQaw kyuya chwe, kipi na wuk'. Chin jun kraj kpi wuk', in kink'amo, kintzlijsaj tu b'ik. 38In chkaj npitik wi. Xinqaj loq chi' chuchlew, jare taj rech kin'ano su kwaj in, xani jare npitnaq che u'anik su kraj jun che xnutaq loq. 39Ri kraj nQaw che xnutaq loq, jare wari': jare kraj Re che chintaq xyuya chwe, ot jun chke kinsacho, xani kiyink'suj nuloq chikxo'l nk'aj kamnaq echi' ko'pan un k'isb'al ij. 40Ri nQaw, jare kraj Re che chintaq kuril uK'jol, soq we kukub'a uk'u'x chrij, o na jun kk'asnmal che ot uk'isik. Ni in kiyink'suj nuloq chikxo'l nk'aj kamnaq, echi' ko'pan un k'isb'al ij, —xche Jesús chke.
41Ni nk'aj aj Israel xikmaj ub'ixik tzij chrij Jesús echi' xikto che xub'ij: «In wa' ri wa che jala chkaj pitnaq wi», xche chke. 42Ni ke xikb'ij chikuch:
—¿Le jare t k'ut Jesús uk'jol u Jse? ¿Le xa qit'am t kwuch uqaw uchuch? ¿Su mow k'ri' che kub'ij: chkaj npitik wi? —Jala xikb'ij nk'aj aj Israel chikuch.
43Ni Jesús xub'ij chik chke:
—O su mitzjoj chiwuch. 44Ot jun kikunik kpi wuk' we jare t nQaw che nutqom loq in, kuk'am loq wuk'. Ni in kink'suj na chikxo'l nk'aj kamnaq echi' ko'pan un k'isb'al ij. 45Ri ajb'il utzij Dios ujer, soq xiktz'ib'aj kan chpam Tyox Wuj che kub'ij: “Kunjel mnaq kiyitjox na rmal Dios”, kcha'.#Is 54:13. Chintaq kiy'om kixkin che utzij nQaw, soq o chpam kanma' su ub'im kanoq, jare ke kipi wuk' in. 46Ot chin jun rlom uwuch nQaw, xaq xaw Jun che jala upitik ruk' Dios. Xaq xaw Re qatz qtzij rlom uwuch nQaw.
47»Qatz qtzij, qatz qtzij, kimb'ij chiwe, che chin jun kukub'a uk'u'x chwij, o jun uk'asnmal che ot uk'isik. 48In njare un wa che kuya ik'asnmal. 49Ri iwti' imam, xiktij jun je'lik wa chpam un lyar che xa chqi'j ulew, per xikam na. 50Jarewa un wa ri' che chkaj pitnaq wi, rech chin jun kutij re, kkam t chik. 51In wa' ri un k'aslik wa che xqaj loq chkaj. We o jun jare kutij ri wa ri', kkam t chik. Ri wa kinya in, jare ri nib'qil, jare kinya in rech uya'ik kk'asnmal kunjel ri mnaq iy'o chuchlew, —xche Jesús chke.
52Nk'aj aj Israel kikch'a' chikuch che ustaj xikto su xub'ij Jesús, xikb'ij:
—¿Sut mow kikunik kuya ub'qil chqe rech kqatijo? —xiche chikuch.
53Jesús xub'ij chke:
—Qatz qtzij, qatz qtzij, kimb'ij chiwe, che we kitij t ub'qil nAchi nuK'jol Dios, rich'il we kitij t ujk'el, kiriq t ik'asnmal. 54Chin jun kutij nib'qil rich'il nijk'el, o jun uk'asnmal che ot uk'isik, ni in kink'suj na chikxo'l nk'aj kamnaq echi' ko'pan un k'isb'al ij. 55Ri nib'qil jarewa qatz qtzij wa, ni nijk'el jarewa qatz qtzij kuresaj chqij chi'. 56Chin jun kutij nib'qil, rich'il nijk'el, qatz qtzij su pxab' o wuk', ni in su pxab' kinkje ruk' Re. 57Ri nQaw che xnutaq loq, k'aslik. Jare rmal Re, che soq nk'as in. We o jun kutzuq rib' wmal in, o uk'asnmal wmal in. 58Un wa ri' che chkaj pitnaq wi, jnam taj ruk' su xiktij iwti' imam. Ke xiktij un wa che maná kb'ix che, per xikam na. Jare k'ut un wa ri' che o wuk' in, chin kutijo, kuriq jun uk'asnmal che ot uk'isik. —Jala xub'ij Jesús chke.
59Jarewa xub'ij Jesús chke nk'aj mnaq che kimlom kib' chpam rchoch Dios chla' Capernaúm, echi' xyutjoj che utzij Dios.
Jarewa tzij che kuya jun k'asnmal che ot uk'isik
60Echi' xikta nk'aj mnaq che itrin chrij Jesús che jala xub'ij chke, junwi xikto, xikb'ij: «Mas k'ax u'anik su kub'ij. ¿Chin wa' kuch'ij utayik?» xicha'.
61Ni Jesús rit'am che kiyitjinik kich'aw chrij sutaq xub'ij chke. Ena xyuch'ab'ej, xub'ij chke:
—¿Le k'ax xita' su ximb'ij? 62¿Su lo kib'ij, wet ti kiwil uK'jol Dios ka'n b'i jala chkaj, jala jachi pitnaq wi nab'e? 63Ri Tyoxlaj Uxlab'xel, jare Re kuya k'asnmal. Ri ub'qil jun mnaq che xaq utkel, ot su kajawtaj wi. Ri tzij che nb'im chiwe, jare pitnaq ruk' Tyoxlaj Uxlab'xel rech Dios, jare kuya k'asnmal. 64O nk'aj mnaq iy'o chixo'l che kiyikjon taj, —xche Jesús chke.
Jala xub'ij Jesús mal mas ujer chik, rit'am chintaq nk'aj mnaq che kiyikjon taj, soq rit'am chin kijchawre. Tik'ri xub'ij chik Jesús:
65—Jarewa rmal che kimb'ij chiwe, che ot chin jun kikunik kpi wuk', we jare t nQaw kujach chwe, —xche chke.
66Ik'i nk'aj mnaq che itrin chrij, xaw xikto che jala xub'ij Jesús, xikya kanoq. Ot jmul xiyitrij chik chrij. 67Ri Jesús xyuch'ab'ej kab'aljuj (12) udiscípulo, xub'ij chke:
—¿Le soq kiwaj ix kix'ek? —xche chke.
68U Simón Lu' xub'ij che Jesús:
—Qajaw, ¿chin ruk' kuj'e wi? Xaq xaw uk' la kriqtaj wi ri tzij che kuya jun k'asnmal che ot uk'isik. 69Kqakojo soq qit'am che lal jare la ri Cristo.#6:69 O nk'aj ujer taq wuj rech Tyox Wuj manuscrito kb'ix che, che tz'ib'tal taj Cristo chpam versículo ri'. Jare lal Tyoxlaj uK'jol ri Dios, —xche u Lu' che Jesús.
70Ni Jesús xub'ij chik chke:
—¿Le xa jare t in xixinchay ix, ix kab'aljuj (12)? Ni le' o jun chiwe che xa itzel, —xche chke.
71Echi' jala xub'ij Jesús, jare kitjinik kch'aw chrij u Judas Iscariote, uk'jol u Simón Iscariote, mal jare re kujach Jesús pik'ab' nk'aj rajch'oj. U Judas, jare jun chke kab'aljuj (12) udiscípulo.
Valgt i Øjeblikket:
San Juan 6: qucSAS
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
San Juan 6
6
Ri Jesús xuya kwa j'ob' mil (5,000) mnaq
(Mt 14:13-21; Mr 6:30-44; Lc 9:10-17)
1Tik'ri', ri Jesús x'ax jala ch'qap che un mar che Galilea ub'i', che soq kb'ix Tiberias che. 2Ik'i mnaq itrin chrij, mal kikkilo che o nmaq taq k'utb'al ku'on chikuch, kiyuk'chojsaj nk'aj mnaq che xa iyab'. 3Ri Jesús xumaj ub'e rech kel b'i chjuch jun jyub'. Echi' xel b'i pujlom, xikb'e' chla' kuk' nk'aj udiscípulo. 4Xa keb' uxib' ij chik kraj che ko'pan nim'ij kech nk'aj aj Israel che Pascua ub'i'. 5Echi' xuril Jesús che ik'i mnaq xipi ruk', xch'aw ruk' u Pelipe xub'ij che:
—¿Jachi kqalo' kwa nk'aj mnaqi', rech kiqatzuqu? —xche che.
6Jala xub'ij Jesús che u Pelipe, per xaq tob' xuta che, xa rech ilb'alre we o ukojb'al, mal rit'am chik Jesús su ku'on che ktzuqik nk'aj mnaq. 7U Pelipe jawa xub'ij che Jesús:
—¡Nimlaj pwaq kraj! Mowni ku'ono jumpa kuch'ak jun achi pmokik we kichkun keb' ciento (200) ij,#6:7 Tyox Wuj kch'aw chrij keb' ciento denario. Jun pwaq che denario kb'ix che, jare jun saq pwaq che kikjom ujer. Rjil peche kuch'ak jun achi che jun ij chak jare jun denario. rech klo' kwa kunjel nk'aj mnaqi', —xche che.
8O jun chik chke nk'aj udiscípulo Jesús che Trix ub'i', i'al ruk' u Simón che soq kb'ix Lu' che, xub'ij che Jesús:
9—O jun laj ala chi', o j'ob' (5) kaxlenwa rech cebada ruk', rich'il keb' kar cha', per ku'on taj chke kunjel nk'aj mnaqi', —xche che.
10Jesús xub'ij chke nk'aj udiscípulo:
—Chib'ij chke kunjel nk'aj mnaq che kiyikb'e'ik, —xche chke.
Chla' jachi ik'wi, o mas 'yes rech kiyikb'e' chjuch. Pent o j'ob' mil (5,000) achjab' chikxo'l kunjel jumpa mnaq xiyikb'e'ik. 11Xuk'am qaj Jesús j'ob' (5) kaxlenwa, xutyoxij che Dios. Tik'ri xutaq ujachik chikuch nk'aj mnaq che iku'lik, xikk'am ke runjel jumpa xkaj. Jala xu'on ruk' nk'aj kar, xutaq ujachik chke nk'aj mnaq. 12Echi' xinoj kunjel nk'aj mnaq, xub'ij Jesús chke nk'aj udiscípulo:
—Chimlo runjel nk'aj uch'qa'pil taq wa che xso'wrnik rech ot su ku'on tne'l, —xche Jesús chke.
13Jala xik'an che, runjel jumpa xso'wrnik xikmolo, xiknojsaj kab'aljuj (12) chkach, jare xso'wran che j'ob' (5) kaxlenwa. Kunjel k'ut nk'aj mnaq xiwa'ik. 14Echi' xkil nk'aj mnaq un nimlaj k'utb'al che xu'on Jesús, xikb'ij:
—Qtzij che nachi ri', jare najb'il utzij Dios che qi'em, che kpi na chi' chuchlew,#Dt 18:15-19; Jn 1:21; 7:40. —xicha'.
15Ri Jesús xurilo che nk'aj mnaq kkaj kikkoj kchu'ab' che uk'amik b'ik rech kikya reqle'n rech kitk'e' pkijlom mnaq chpam ktinmit. Ena xaq utkel xitzlij loq chujyub'.
Ri Qajaw Jesús xb'in pujlom ja'
(Mt 14:22-27; Mr 6:45-52)
16Echi' cha'ab' chik, nk'aj udiscípulo Jesús xiyo'pan chuchi' mar. 17Xiyok chpam un barco, xumaj ub'e un barco pujlom ja' rech ki'ax jala Capernaúm. Echi' qu'm chik, mja na kitzlij loq Jesús kuk'. 18Xpi jun nimlaj tew, su kupuj rib' mar chrij un barco rmal riwal. 19Pent kb'inb'em j'ob' (5) seno waqib' (6) kilómetro pujlom ja', ti xkilo che kitjin Jesús che ub'e pujlom ja', sk'um pitnaq ruk' un barco che ib'enaq ke chpam. Ena mas xkix'ej kib' che. 20Ri Jesús xub'ij chke:
—Xa mix'ej iwib', xa in, jare in, —xche chke.
21Tik'ri xiki'ktik, xikya che Jesús xok kuk' chpam un barco. Chanim xo'pan un barco chuchi' ja', jala ruk' un tinmit jachi kchomam kib'e wi.
Nk'aj mnaq xib'e che utzukxik Jesús
22Chkab' ij, xna'taj chke nk'aj mnaq che xa jun barco o kan jala chuchi' mar jachi xel loq un barco, tik'ri xkilo che xok taj Jesús chpam un barco jachi xiyok nk'aj discípulo, xa kitkel ke xiyok chpam. 23Tik'ri xiyel loq nk'aj barco Tiberias, xiyo'pan chunqaj jachi xutyoxij Jesús nk'aj kaxlenwa che Dios, che xiktij nk'aj mnaq. 24Echi' xkil nk'aj mnaq che otaj Jesús chla' mowni iy'o nk'aj udiscípulo chla', xiyok chpam nk'aj barco, xib'e che utzukxik Jesús jala chpam tinmit Capernaúm.
Ri wa che kuya k'asnmal jare Jesús
25Echi' xiyo'pan nk'aj mnaq ch'qap che mar, xikriq Jesús chla', xikb'ij che:
—Ajtojnel, ¿jumpa xo'pan la chi'? —xiche che.
26Ri Jesús xub'ij chke:
—Qatz qtzij, qatz qtzij kimb'ij chiwe che knitzkuj per xa rmal che echi' xixintzuqu, xixnojik, rmal taj nmaq taq k'utb'al kin'an chiwuch che knitzkuj. 27Mixchkunik xaw rmal uch'akik iwa che kuya ik'asnmal chi' chuchlew. Chixchkunoq, per che uch'akik iwa che kuya jun ik'asnmal che ot uk'isik, jarewa kuya nAchi nuK'jol Dios chiwe. Ri qaQaw Dios xurilo che xaq xaw Re tqal che rech kujach chiwe, —xche Jesús chke.
28Nk'aj mnaq xikb'ij che Jesús:
—¿Su kqa'ano rech kujkun che u'anik su kraj Dios? —xiche che.
29Ri Jesús xub'ij chke:
—Ri Dios jare kraj chiwe che kixkjon che Jun che utqom loq Re, —xche chke.
30Ni nk'aj mnaq xikb'ij che:
—¿Su jun k'utb'al k'an la chiquch rech kujkjon che la? ¿Su kikun la che u'anik? 31Ujer taq qati' qamam xiktij jun je'lik laj wa maná kb'ix che, chla' chpam un lyar che xa chqi'j ulew,#Éx 16:4; Sal 78:24; Neh 9:15. jala peche tz'ib'tal kan chpam Tyox Wuj che kub'ij:
“Xqaj loq wa chkaj,
xuya chke, xiktijo”, (Sal 78:24)
—xiche che Jesús.
32Ri Jesús xub'ij chke:
—Qatz qtzij, qatz qtzij, kimb'ij chiwe, jare taj u Moisés xuya wa che xqaj loq chkaj, xani jarewa che qatz qtzij chkaj pitnaq wi, jare nQaw kuya chiwe. 33Ri wa rech Dios, jare Jun che xqaj loq chkaj. Jare Re kuya kk'asnmal mnaq, —xche Jesús chke.
34Ni nk'aj mnaq xikb'ij che:
—Qajaw, runjel ij chiy'a la wa chqe che kb'ij la, —xiche che Jesús.
35Ri Jesús xub'ij chke:
—In wa' ri wa che kuya ik'asnmal. Chin jun kpi wuk' rech kukub'a uk'u'x chwij, otchich numik kutijo, soq otchich chqij chi' ku'axij. 36Per ni in nb'im chik chiwe, miskini' xiwil nwuch, per mowni kixkjonik. 37Chintaq kraj nQaw kyuya chwe, kipi na wuk'. Chin jun kraj kpi wuk', in kink'amo, kintzlijsaj tu b'ik. 38In chkaj npitik wi. Xinqaj loq chi' chuchlew, jare taj rech kin'ano su kwaj in, xani jare npitnaq che u'anik su kraj jun che xnutaq loq. 39Ri kraj nQaw che xnutaq loq, jare wari': jare kraj Re che chintaq xyuya chwe, ot jun chke kinsacho, xani kiyink'suj nuloq chikxo'l nk'aj kamnaq echi' ko'pan un k'isb'al ij. 40Ri nQaw, jare kraj Re che chintaq kuril uK'jol, soq we kukub'a uk'u'x chrij, o na jun kk'asnmal che ot uk'isik. Ni in kiyink'suj nuloq chikxo'l nk'aj kamnaq, echi' ko'pan un k'isb'al ij, —xche Jesús chke.
41Ni nk'aj aj Israel xikmaj ub'ixik tzij chrij Jesús echi' xikto che xub'ij: «In wa' ri wa che jala chkaj pitnaq wi», xche chke. 42Ni ke xikb'ij chikuch:
—¿Le jare t k'ut Jesús uk'jol u Jse? ¿Le xa qit'am t kwuch uqaw uchuch? ¿Su mow k'ri' che kub'ij: chkaj npitik wi? —Jala xikb'ij nk'aj aj Israel chikuch.
43Ni Jesús xub'ij chik chke:
—O su mitzjoj chiwuch. 44Ot jun kikunik kpi wuk' we jare t nQaw che nutqom loq in, kuk'am loq wuk'. Ni in kink'suj na chikxo'l nk'aj kamnaq echi' ko'pan un k'isb'al ij. 45Ri ajb'il utzij Dios ujer, soq xiktz'ib'aj kan chpam Tyox Wuj che kub'ij: “Kunjel mnaq kiyitjox na rmal Dios”, kcha'.#Is 54:13. Chintaq kiy'om kixkin che utzij nQaw, soq o chpam kanma' su ub'im kanoq, jare ke kipi wuk' in. 46Ot chin jun rlom uwuch nQaw, xaq xaw Jun che jala upitik ruk' Dios. Xaq xaw Re qatz qtzij rlom uwuch nQaw.
47»Qatz qtzij, qatz qtzij, kimb'ij chiwe, che chin jun kukub'a uk'u'x chwij, o jun uk'asnmal che ot uk'isik. 48In njare un wa che kuya ik'asnmal. 49Ri iwti' imam, xiktij jun je'lik wa chpam un lyar che xa chqi'j ulew, per xikam na. 50Jarewa un wa ri' che chkaj pitnaq wi, rech chin jun kutij re, kkam t chik. 51In wa' ri un k'aslik wa che xqaj loq chkaj. We o jun jare kutij ri wa ri', kkam t chik. Ri wa kinya in, jare ri nib'qil, jare kinya in rech uya'ik kk'asnmal kunjel ri mnaq iy'o chuchlew, —xche Jesús chke.
52Nk'aj aj Israel kikch'a' chikuch che ustaj xikto su xub'ij Jesús, xikb'ij:
—¿Sut mow kikunik kuya ub'qil chqe rech kqatijo? —xiche chikuch.
53Jesús xub'ij chke:
—Qatz qtzij, qatz qtzij, kimb'ij chiwe, che we kitij t ub'qil nAchi nuK'jol Dios, rich'il we kitij t ujk'el, kiriq t ik'asnmal. 54Chin jun kutij nib'qil rich'il nijk'el, o jun uk'asnmal che ot uk'isik, ni in kink'suj na chikxo'l nk'aj kamnaq echi' ko'pan un k'isb'al ij. 55Ri nib'qil jarewa qatz qtzij wa, ni nijk'el jarewa qatz qtzij kuresaj chqij chi'. 56Chin jun kutij nib'qil, rich'il nijk'el, qatz qtzij su pxab' o wuk', ni in su pxab' kinkje ruk' Re. 57Ri nQaw che xnutaq loq, k'aslik. Jare rmal Re, che soq nk'as in. We o jun kutzuq rib' wmal in, o uk'asnmal wmal in. 58Un wa ri' che chkaj pitnaq wi, jnam taj ruk' su xiktij iwti' imam. Ke xiktij un wa che maná kb'ix che, per xikam na. Jare k'ut un wa ri' che o wuk' in, chin kutijo, kuriq jun uk'asnmal che ot uk'isik. —Jala xub'ij Jesús chke.
59Jarewa xub'ij Jesús chke nk'aj mnaq che kimlom kib' chpam rchoch Dios chla' Capernaúm, echi' xyutjoj che utzij Dios.
Jarewa tzij che kuya jun k'asnmal che ot uk'isik
60Echi' xikta nk'aj mnaq che itrin chrij Jesús che jala xub'ij chke, junwi xikto, xikb'ij: «Mas k'ax u'anik su kub'ij. ¿Chin wa' kuch'ij utayik?» xicha'.
61Ni Jesús rit'am che kiyitjinik kich'aw chrij sutaq xub'ij chke. Ena xyuch'ab'ej, xub'ij chke:
—¿Le k'ax xita' su ximb'ij? 62¿Su lo kib'ij, wet ti kiwil uK'jol Dios ka'n b'i jala chkaj, jala jachi pitnaq wi nab'e? 63Ri Tyoxlaj Uxlab'xel, jare Re kuya k'asnmal. Ri ub'qil jun mnaq che xaq utkel, ot su kajawtaj wi. Ri tzij che nb'im chiwe, jare pitnaq ruk' Tyoxlaj Uxlab'xel rech Dios, jare kuya k'asnmal. 64O nk'aj mnaq iy'o chixo'l che kiyikjon taj, —xche Jesús chke.
Jala xub'ij Jesús mal mas ujer chik, rit'am chintaq nk'aj mnaq che kiyikjon taj, soq rit'am chin kijchawre. Tik'ri xub'ij chik Jesús:
65—Jarewa rmal che kimb'ij chiwe, che ot chin jun kikunik kpi wuk', we jare t nQaw kujach chwe, —xche chke.
66Ik'i nk'aj mnaq che itrin chrij, xaw xikto che jala xub'ij Jesús, xikya kanoq. Ot jmul xiyitrij chik chrij. 67Ri Jesús xyuch'ab'ej kab'aljuj (12) udiscípulo, xub'ij chke:
—¿Le soq kiwaj ix kix'ek? —xche chke.
68U Simón Lu' xub'ij che Jesús:
—Qajaw, ¿chin ruk' kuj'e wi? Xaq xaw uk' la kriqtaj wi ri tzij che kuya jun k'asnmal che ot uk'isik. 69Kqakojo soq qit'am che lal jare la ri Cristo.#6:69 O nk'aj ujer taq wuj rech Tyox Wuj manuscrito kb'ix che, che tz'ib'tal taj Cristo chpam versículo ri'. Jare lal Tyoxlaj uK'jol ri Dios, —xche u Lu' che Jesús.
70Ni Jesús xub'ij chik chke:
—¿Le xa jare t in xixinchay ix, ix kab'aljuj (12)? Ni le' o jun chiwe che xa itzel, —xche chke.
71Echi' jala xub'ij Jesús, jare kitjinik kch'aw chrij u Judas Iscariote, uk'jol u Simón Iscariote, mal jare re kujach Jesús pik'ab' nk'aj rajch'oj. U Judas, jare jun chke kab'aljuj (12) udiscípulo.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global