San Juan 11
11
U Lázaro xkamik
1O jun achi yab', Lázaro ub'i', kpi jala chpam un kanton Betania, jare ktinmit i Mri'y iyachlal ruk' il Marta. 2I Mri'y rnab' u Lázaro, jare xukoj k'ok'laj kumb'al chrij rqan Jesús, soq xusu' rqan Jesús ruk' uwi'.#Jn 12:1-8. 3Ri keb' ixqib'i' che i'al, jawa xiktaq ub'ixik che Jesús:
—Qajaw, u Lázaro che mas utz la ruk', xa yab'. —Jawa xiktaq ub'ixik che Jesús.
4Ena xaw xuta Jesús che yab' u Lázaro, xub'ij:
—Un yab'ili', rech kmik taj, xa rech kuk'utu che nim u'ij Dios, xa rech k'utb'alre che kinmirsax na u'ij uK'jol Dios, —xcha'.
5Ri Jesús mas kyul'oj il Marta, rich'il i Mri'y soq rich'il u Lázaro. 6Ri Jesús, echi' xuto che yab' u Lázaro, xkanaj kan keb' ij na chla' jachi k'wi. 7Echi' x'ax na keb' ij, tik'ri xub'ij chke nk'aj udiscípulo:
—Jo jmul chik jala Judea, —xche chke.
8Ni nk'aj udiscípulo Jesús xikb'ij che:
—Ajtojnel, xa keb' uxib' ij o kanoq che che nk'aj aj Israel xkaj xikkoj ab'aj che la. Ni le', ¿suche kaj la k'e la jmul chik jala'? —xiche che.
9Ri Jesús xub'ij chke:
—¿Le kab'aljuj (12) hora taj o che un ij? We jun mnaq kb'in p'ij, ktzaq taj. Kuril ub'e, mal saq rmal ij rech uwuchlew. 10Per we o jun mnaq kb'in cha'ab', ktzaqik, mal ot saq ruk', xa qu'm ub'e, —xche Jesús chke.
11Echi' jala xb'itaj rmal, xch'aw jmul chik kuk', xub'ij chke:
—U Lázaro che qatz qtzij uj utz ruk', xa kwarik. Nmister kimb'ek rech kink'suj, —xche chke.
12Ni nk'aj udiscípulo xikb'ij che:
—Qajaw, we xa warnaq, kik'choj na, —xiche che.
13Ri Jesús xa jala xu'on che ub'ixik chke che xkam u Lázaro, per ni ke xikch'ob' taj su kilwi che jala xub'ij chke. Jare xikchomaj ke che xa uwram, peche uwram jun mnaq ti kwar cha'ab'. 14Tik'ri k'ut qatz qtzij xu'on ub'ixik Jesús chke, xuya kijlom psaq, xub'ij chke:
—U Lázaro xkamik, —xche chke. 15—Kinki'kat che, che n'o taj chla' echi' xkamik, rech kixkjonik. Jo qala', —xche chke.
16U Max che soq kwach kb'ix che, xub'ij chke nk'aj chik udiscípulo:
—Soq jo qo'j rech jnam kujkam ruk', —xche chke.
Ri Jesús jare Re kyuk'suj nk'aj kamnaq, jare Re k'asnmal
17Echi' xo'pan Jesús, xuto che b'enaqch kjeb' (4) ij che, che muqtajnaq chik u Lázaro. 18Un kanton che Betania ub'i', xa nqaj k'wi che Jerusalén, pent xa uxib' kilómetro#11:18 Tyox Wuj kch'aw chrij o'ljuj (15) estadio. Un estadio kel 200 metro. uxo'l ruk'. 19Ik'i chke nk'aj aj Israel iyo'panaq chikchoch il Marta rich'il i Mri'y che ukub'saxik kk'u'x, mal xa xkam un kixb'al.
20Xaw xuta il Marta che pitnaq Jesús kuk', x'e che uk'alxik. Ni Mri'y, xkanaj kan chuja. 21Il Marta xub'ij che Jesús:
—Qajaw, wet o pnoq la chi', kkam taj un nixb'al. 22Per in wit'am che su kta la che Dios, runjel kuya che la, —xche il Marta che Jesús.
23Ri Jesús xub'ij che:
—Naxb'al kk'astaj na chikxo'l nk'aj kamnaq, —xche che.
24Il Marta xub'ij chik che Jesús:
—Qtzij, in wit'am che kk'astaj nuloq chikxo'l nk'aj kamnaq echi' ko'pan un k'isb'al ij, —xche che.
25Tik'ri xub'ij chik Jesús che:
—Jare in kyink'suj nk'aj kamnaq, soq in kinya kk'asnmal. Chin jun kikjon chwe in, miskini' kamnaq chik, kik'se' na. 26Chin jun che k'aslik, we kikjon chwe, kkam taj. ¿Le kakojo? —xche Jesús che il Marta.
27Il Marta xub'ij chik che:
—Kinkojo, Wjaw. In kinkojo che lal ri Cristo,#11:27 Cristo kel kub'ij jun chaytajnaq rmal Dios. Un tzij Mesías xaq jnam kilwi. lal uK'jol Dios, xpi chi' chuchlew, —xche che.
Ri Jesús xo' chuchi' umuqb'al u Lázaro
28Il Marta xaw xb'itaj rmal, x'e che usik'xik un rachlal che Mri'y ub'i'. El'al xub'ij che:
—NAjtojnel o chi', katusk'ij, —xche che.
29Xaw xuta i Mri'y, chanim xwa'ljik, x'ek, xuk'laj Jesús. 30Ri Jesús mja na ko'pan chpam tinmit, o na chla' jachi xik'lax wi rmal il Marta. 31Ni nk'aj aj Israel che iy'o chla' kuk' i Mri'y che ukub'saxik kk'u'x, echi' xkilo che chanim xwa'laj i Mri'y, xel b'ik, xiyitrij b'i chrij. Jare kikb'ij ke che xa jala k'e wi ruk' un muqb'al rech u Lázaro, rech ko' chla'. 32I Mri'y echi' xo'pan ruk' Jesús, xuka'yej, xuxukb'a rib' chwu rqan, xub'ij che:
—Wjaw, wet o pnoq la chi', kkam taj un nixb'al, —xche che.
33Ri Jesús xaw xurilo che ko' i Mri'y, soq kiyo' nk'aj aj Israel che rich'il i Mri'y, mas xib'son Jesús, xuya u'xom chpam ranma'. 34Ena xub'ij chke:
—¿Jachi ximuq wi? —xche chke.
Ni ke xikb'ij che:
—Saj la, Qajaw, jiwla la, —xiche che.
35Ena xo' Jesús. 36Ni nk'aj aj Israel xikb'ij:
—Chiwlampe', mas k'ax kuna' chpam ranma' mal mas xul'oj, —xicha'.
37O nk'aj aj Israel xikb'ij:
—Nachi ri' che xuknaj uwuch nachi che kka'y taj, ¿le xa xikun t lo xu'on che, che kkam taj u Lázaro? —xicha'.
Rmal uchu'ab' Jesús, xk'astaj loq u Lázaro chikxo'l nk'aj kamnaq
38Ri Jesús, jmul chik mas xi'xow ranma', xqib' chuchi' un muqb'al jachi mqum wi u Lázaro. Un muqb'al xa jun pek k'tom chuxe' jun tontik, tz'apim kan uchi' ruk' jun ab'aj. 39Ri Jesús xub'ij:
—Chiwesaj nab'aj, —xche chke.
Nil Marta che rnab' un kamnaq xub'ij:
—Qajaw, och ruxlab', mal b'enaq chik kjeb' (4) ij che, che kamnaq, —xche che Jesús.
40Ena xub'ij Jesús che:
—¿Le nb'im taj chawe che we katikjonik, kawil na ri nimlaj uchu'ab' Dios che nim u'ij? —xche che.
41Tik'ri xkesaj nab'aj. Ri Jesús xka'y chkaj, xub'ij:
—NQaw, kintyoxij che la mal xta la ri ntzij. 42In wit'am che runjel b'welt kta la ntzij, per xa kmal nk'aj mnaqi' che iy'o chi' che jawa kimb'ij che la, rech kikkojo che jare la xnitaq loq, —xche Jesús che.
43Xaw xb'itaj rmal, ko xch'awik, xub'ij:
—¡Lázaro, chatel loq! —xche che.
44Nu Lázaro che kamnaq chik, xel loq, xmil nk'aj u'ab' rich'il nk'aj rqan ruk' jun k'ul, psil uplaj ruk' jun su't. Tik'ri xub'ij Jesús:
—Chitru', chiy'a che k'ek, —xche chke.
Chomnik x'an chrij ukamsxik Jesús
(Mt 26:1-5; Mr 14:1-2; Lc 22:1-2)
45Ik'i chke nk'aj aj Israel che xiyo'pan ruk' i Mri'y rech kikkub'saj kk'u'x, xkilo su xu'on Jesús, ena xiyikjon che. 46Per o nk'aj chik chke, che xa xib'e jala kuk' nk'aj fariseo, rech xikb'ij chke sutaq xu'on Jesús. 47Ni nk'aj ajk'mal b'e chke nk'aj rajchak Dios rich'il nk'aj fariseo, xikriq kib' kuk' nk'aj mnaq che nim atb'altzij o pik'ab', ena xikb'ij:
—¿Su kqa'ano? Nachi ri' k'ilaj taq k'utb'al kitjin che u'anik. 48We kqaya che, che kutaqej u'anik, kunjel mnaq kiyikjon che, soq kipi nk'aj atb'altzij rech Roma, kkiwlujsaj nimlaj rchoch Dios o chi' quk', soq kiksach uwuch qatinmit, —xiche chikuch.
49Tik'ri k'ut, o jun chke che Caifás ub'i', chpam un jnab'e', jare re o pnoq che nimlaj ajk'mal b'e chke nk'aj rajchak Dios, xub'ij:
—Ix ot su iwit'am. 50Mowni kich'ob'o che jare utz we xa jun achi kkam pujlom qatinmit. Jnam taj ruk' che runjel un nimlaj tinmit ksachtaj uwuch, —xche chke.
51Echi' jala xub'ij u Caifás, chpam taj uchomnik re xpi wi nk'aj tziji', xani rmal che o pkijlom nk'aj rajchak Dios, pures che jala xub'ij. Echi' xub'ij che nmister kkam Jesús che kwuchb'al nk'aj mnaq iyaj Israel, xa xu'axij utzij Dios, mal jare Dios xuya che che jala xub'ij. 52Xaw t kmal mnaq iyaj Israel xkam Jesús, soq xa rech kyumol kunjel iralk'al Dios, che kitxom kib' chuchlew.
53Chla' xikchomaj kanoq, che nmister kkamsax Jesús. 54Xa rmal che ri Jesús, xb'in t chik chikxo'l nk'aj aj Israel. Xel b'i chla' jachi k'wi, x'e jala chunqaj un lyar che xa chqi'j ulew, chpam jun tinmit Efraín ub'i'. Chla' xkanaj kan wi, rich'il nk'aj udiscípulo.
55Xa keb' uxib' ij chik kraj rech kurqa un nim'ij kech nk'aj aj Israel che Pascua kb'ix che. Ik'i mnaq xiyel b'i ptaq ktinmit, xib'e jala chpam tinmit Jerusalén, mal echi' mja na kurqa un knim'ij, nmister kikjos'ij kib' chjuch Dios chla'. 56Kiyitjin che utzukxik Jesús. Echi' iy'o chpam nimlaj rchoch Dios, kikb'ij chikuch: «¿Su kib'ij ix? ¿Le kpi lo che rilik nim'ij?» kiche chikuch. 57Ni nk'aj ajk'mal b'e chke nk'aj rajchak Dios, rich'il nk'aj fariseo, kiy'om jun taqnik, che we o jun rit'am jachi k'wi Jesús, chub'ij chke rech kiktaq uchapik.
Valgt i Øjeblikket:
San Juan 11: qucSAS
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
San Juan 11
11
U Lázaro xkamik
1O jun achi yab', Lázaro ub'i', kpi jala chpam un kanton Betania, jare ktinmit i Mri'y iyachlal ruk' il Marta. 2I Mri'y rnab' u Lázaro, jare xukoj k'ok'laj kumb'al chrij rqan Jesús, soq xusu' rqan Jesús ruk' uwi'.#Jn 12:1-8. 3Ri keb' ixqib'i' che i'al, jawa xiktaq ub'ixik che Jesús:
—Qajaw, u Lázaro che mas utz la ruk', xa yab'. —Jawa xiktaq ub'ixik che Jesús.
4Ena xaw xuta Jesús che yab' u Lázaro, xub'ij:
—Un yab'ili', rech kmik taj, xa rech kuk'utu che nim u'ij Dios, xa rech k'utb'alre che kinmirsax na u'ij uK'jol Dios, —xcha'.
5Ri Jesús mas kyul'oj il Marta, rich'il i Mri'y soq rich'il u Lázaro. 6Ri Jesús, echi' xuto che yab' u Lázaro, xkanaj kan keb' ij na chla' jachi k'wi. 7Echi' x'ax na keb' ij, tik'ri xub'ij chke nk'aj udiscípulo:
—Jo jmul chik jala Judea, —xche chke.
8Ni nk'aj udiscípulo Jesús xikb'ij che:
—Ajtojnel, xa keb' uxib' ij o kanoq che che nk'aj aj Israel xkaj xikkoj ab'aj che la. Ni le', ¿suche kaj la k'e la jmul chik jala'? —xiche che.
9Ri Jesús xub'ij chke:
—¿Le kab'aljuj (12) hora taj o che un ij? We jun mnaq kb'in p'ij, ktzaq taj. Kuril ub'e, mal saq rmal ij rech uwuchlew. 10Per we o jun mnaq kb'in cha'ab', ktzaqik, mal ot saq ruk', xa qu'm ub'e, —xche Jesús chke.
11Echi' jala xb'itaj rmal, xch'aw jmul chik kuk', xub'ij chke:
—U Lázaro che qatz qtzij uj utz ruk', xa kwarik. Nmister kimb'ek rech kink'suj, —xche chke.
12Ni nk'aj udiscípulo xikb'ij che:
—Qajaw, we xa warnaq, kik'choj na, —xiche che.
13Ri Jesús xa jala xu'on che ub'ixik chke che xkam u Lázaro, per ni ke xikch'ob' taj su kilwi che jala xub'ij chke. Jare xikchomaj ke che xa uwram, peche uwram jun mnaq ti kwar cha'ab'. 14Tik'ri k'ut qatz qtzij xu'on ub'ixik Jesús chke, xuya kijlom psaq, xub'ij chke:
—U Lázaro xkamik, —xche chke. 15—Kinki'kat che, che n'o taj chla' echi' xkamik, rech kixkjonik. Jo qala', —xche chke.
16U Max che soq kwach kb'ix che, xub'ij chke nk'aj chik udiscípulo:
—Soq jo qo'j rech jnam kujkam ruk', —xche chke.
Ri Jesús jare Re kyuk'suj nk'aj kamnaq, jare Re k'asnmal
17Echi' xo'pan Jesús, xuto che b'enaqch kjeb' (4) ij che, che muqtajnaq chik u Lázaro. 18Un kanton che Betania ub'i', xa nqaj k'wi che Jerusalén, pent xa uxib' kilómetro#11:18 Tyox Wuj kch'aw chrij o'ljuj (15) estadio. Un estadio kel 200 metro. uxo'l ruk'. 19Ik'i chke nk'aj aj Israel iyo'panaq chikchoch il Marta rich'il i Mri'y che ukub'saxik kk'u'x, mal xa xkam un kixb'al.
20Xaw xuta il Marta che pitnaq Jesús kuk', x'e che uk'alxik. Ni Mri'y, xkanaj kan chuja. 21Il Marta xub'ij che Jesús:
—Qajaw, wet o pnoq la chi', kkam taj un nixb'al. 22Per in wit'am che su kta la che Dios, runjel kuya che la, —xche il Marta che Jesús.
23Ri Jesús xub'ij che:
—Naxb'al kk'astaj na chikxo'l nk'aj kamnaq, —xche che.
24Il Marta xub'ij chik che Jesús:
—Qtzij, in wit'am che kk'astaj nuloq chikxo'l nk'aj kamnaq echi' ko'pan un k'isb'al ij, —xche che.
25Tik'ri xub'ij chik Jesús che:
—Jare in kyink'suj nk'aj kamnaq, soq in kinya kk'asnmal. Chin jun kikjon chwe in, miskini' kamnaq chik, kik'se' na. 26Chin jun che k'aslik, we kikjon chwe, kkam taj. ¿Le kakojo? —xche Jesús che il Marta.
27Il Marta xub'ij chik che:
—Kinkojo, Wjaw. In kinkojo che lal ri Cristo,#11:27 Cristo kel kub'ij jun chaytajnaq rmal Dios. Un tzij Mesías xaq jnam kilwi. lal uK'jol Dios, xpi chi' chuchlew, —xche che.
Ri Jesús xo' chuchi' umuqb'al u Lázaro
28Il Marta xaw xb'itaj rmal, x'e che usik'xik un rachlal che Mri'y ub'i'. El'al xub'ij che:
—NAjtojnel o chi', katusk'ij, —xche che.
29Xaw xuta i Mri'y, chanim xwa'ljik, x'ek, xuk'laj Jesús. 30Ri Jesús mja na ko'pan chpam tinmit, o na chla' jachi xik'lax wi rmal il Marta. 31Ni nk'aj aj Israel che iy'o chla' kuk' i Mri'y che ukub'saxik kk'u'x, echi' xkilo che chanim xwa'laj i Mri'y, xel b'ik, xiyitrij b'i chrij. Jare kikb'ij ke che xa jala k'e wi ruk' un muqb'al rech u Lázaro, rech ko' chla'. 32I Mri'y echi' xo'pan ruk' Jesús, xuka'yej, xuxukb'a rib' chwu rqan, xub'ij che:
—Wjaw, wet o pnoq la chi', kkam taj un nixb'al, —xche che.
33Ri Jesús xaw xurilo che ko' i Mri'y, soq kiyo' nk'aj aj Israel che rich'il i Mri'y, mas xib'son Jesús, xuya u'xom chpam ranma'. 34Ena xub'ij chke:
—¿Jachi ximuq wi? —xche chke.
Ni ke xikb'ij che:
—Saj la, Qajaw, jiwla la, —xiche che.
35Ena xo' Jesús. 36Ni nk'aj aj Israel xikb'ij:
—Chiwlampe', mas k'ax kuna' chpam ranma' mal mas xul'oj, —xicha'.
37O nk'aj aj Israel xikb'ij:
—Nachi ri' che xuknaj uwuch nachi che kka'y taj, ¿le xa xikun t lo xu'on che, che kkam taj u Lázaro? —xicha'.
Rmal uchu'ab' Jesús, xk'astaj loq u Lázaro chikxo'l nk'aj kamnaq
38Ri Jesús, jmul chik mas xi'xow ranma', xqib' chuchi' un muqb'al jachi mqum wi u Lázaro. Un muqb'al xa jun pek k'tom chuxe' jun tontik, tz'apim kan uchi' ruk' jun ab'aj. 39Ri Jesús xub'ij:
—Chiwesaj nab'aj, —xche chke.
Nil Marta che rnab' un kamnaq xub'ij:
—Qajaw, och ruxlab', mal b'enaq chik kjeb' (4) ij che, che kamnaq, —xche che Jesús.
40Ena xub'ij Jesús che:
—¿Le nb'im taj chawe che we katikjonik, kawil na ri nimlaj uchu'ab' Dios che nim u'ij? —xche che.
41Tik'ri xkesaj nab'aj. Ri Jesús xka'y chkaj, xub'ij:
—NQaw, kintyoxij che la mal xta la ri ntzij. 42In wit'am che runjel b'welt kta la ntzij, per xa kmal nk'aj mnaqi' che iy'o chi' che jawa kimb'ij che la, rech kikkojo che jare la xnitaq loq, —xche Jesús che.
43Xaw xb'itaj rmal, ko xch'awik, xub'ij:
—¡Lázaro, chatel loq! —xche che.
44Nu Lázaro che kamnaq chik, xel loq, xmil nk'aj u'ab' rich'il nk'aj rqan ruk' jun k'ul, psil uplaj ruk' jun su't. Tik'ri xub'ij Jesús:
—Chitru', chiy'a che k'ek, —xche chke.
Chomnik x'an chrij ukamsxik Jesús
(Mt 26:1-5; Mr 14:1-2; Lc 22:1-2)
45Ik'i chke nk'aj aj Israel che xiyo'pan ruk' i Mri'y rech kikkub'saj kk'u'x, xkilo su xu'on Jesús, ena xiyikjon che. 46Per o nk'aj chik chke, che xa xib'e jala kuk' nk'aj fariseo, rech xikb'ij chke sutaq xu'on Jesús. 47Ni nk'aj ajk'mal b'e chke nk'aj rajchak Dios rich'il nk'aj fariseo, xikriq kib' kuk' nk'aj mnaq che nim atb'altzij o pik'ab', ena xikb'ij:
—¿Su kqa'ano? Nachi ri' k'ilaj taq k'utb'al kitjin che u'anik. 48We kqaya che, che kutaqej u'anik, kunjel mnaq kiyikjon che, soq kipi nk'aj atb'altzij rech Roma, kkiwlujsaj nimlaj rchoch Dios o chi' quk', soq kiksach uwuch qatinmit, —xiche chikuch.
49Tik'ri k'ut, o jun chke che Caifás ub'i', chpam un jnab'e', jare re o pnoq che nimlaj ajk'mal b'e chke nk'aj rajchak Dios, xub'ij:
—Ix ot su iwit'am. 50Mowni kich'ob'o che jare utz we xa jun achi kkam pujlom qatinmit. Jnam taj ruk' che runjel un nimlaj tinmit ksachtaj uwuch, —xche chke.
51Echi' jala xub'ij u Caifás, chpam taj uchomnik re xpi wi nk'aj tziji', xani rmal che o pkijlom nk'aj rajchak Dios, pures che jala xub'ij. Echi' xub'ij che nmister kkam Jesús che kwuchb'al nk'aj mnaq iyaj Israel, xa xu'axij utzij Dios, mal jare Dios xuya che che jala xub'ij. 52Xaw t kmal mnaq iyaj Israel xkam Jesús, soq xa rech kyumol kunjel iralk'al Dios, che kitxom kib' chuchlew.
53Chla' xikchomaj kanoq, che nmister kkamsax Jesús. 54Xa rmal che ri Jesús, xb'in t chik chikxo'l nk'aj aj Israel. Xel b'i chla' jachi k'wi, x'e jala chunqaj un lyar che xa chqi'j ulew, chpam jun tinmit Efraín ub'i'. Chla' xkanaj kan wi, rich'il nk'aj udiscípulo.
55Xa keb' uxib' ij chik kraj rech kurqa un nim'ij kech nk'aj aj Israel che Pascua kb'ix che. Ik'i mnaq xiyel b'i ptaq ktinmit, xib'e jala chpam tinmit Jerusalén, mal echi' mja na kurqa un knim'ij, nmister kikjos'ij kib' chjuch Dios chla'. 56Kiyitjin che utzukxik Jesús. Echi' iy'o chpam nimlaj rchoch Dios, kikb'ij chikuch: «¿Su kib'ij ix? ¿Le kpi lo che rilik nim'ij?» kiche chikuch. 57Ni nk'aj ajk'mal b'e chke nk'aj rajchak Dios, rich'il nk'aj fariseo, kiy'om jun taqnik, che we o jun rit'am jachi k'wi Jesús, chub'ij chke rech kiktaq uchapik.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global