Efesiɛ́ŋ 3
3
Pusɔm pu Póol epepe pátiányípá pɛyutɛn
1Puúpu niŋúɛ Póole inyɛɛ́ kiimbɔk á pusɔ́m Yésus Kilíis ó pusíó púán nutiányípá pɛyúútɛ́n. 2púnyɛ nɔ́ cɛ́ɛ́nyí ɛ́ɛ́ nuanda kuɔ́p nupoo Támbák miímfá kɛ́ɛ́yɛ́ kɔ́ ɔtɛ́m peseé ɛ́ɛ́ iwóónyi pusɔ́m púɛyí kánú ó pusío. 3Támbák minfuún eŋis ɛ́ɛ́ imenyi nuketi núɛ́yɛ́ nunɛmbɛn, yaána imɛnyɛkɛt ɔnusɔsitini kitaam kiloti. 4kisikɛl ekí nulááŋanɛ́ imfíɔ́ŋ sikáan nukaná kuɔ́p ɛ́ɛ́ yeémenyen insiípie i Kilíis peseé ké peseé. 5Támbák timetíinyi insiípié ikáan á tupakɛ tu insuá, aná wenyítiínyi yí á kisikɛl ekie á kinɔn kí Enfún wɛ́ɛ́yɛ́, á pifúmak píɛ́yɛ́ pí petúmí ne peémímekélié mɛ́ɛ́yɛ́. 6Insiípie ikaání yí inyɛ́ ɛ́ɛ́, epé pátiányípá pɛyúutɛn, pákanyi pákupia kiɛ́tɛ kiseé ekí Pɛyúutɛn pianɛ́. Pányi malaáŋ mɔ nuɔ́l nú Kilíis, póókond pápianan niap kí indan eyí Támbák maák á kinɔn kí Yésus Kilíis kí insɔ́m yi indámb yɛɛyí. 7Támbákɛ́ɛ, kɛ́ɛ́yɛ́ kɔ́ ɔtɛ́m peseé miŋɛ́yí eŋelípuólí u Insɔm Yindámb na pukaaka púɛ́yí. 8Niŋúɛ inyɛ kinsúkinyisúkinyie kí peétépí kitikit, imaatáŋapá nupoo nú kukémen epé pátiányípá Pɛyúútɛn punɛ́m pu kati kumanɛ pú Kilíis. 9Imapiá nupoo núkuɛ́nyíɛlɛɛ́ yáák kufɔɔm nunamá enú Támbák moowonyi insiípie yɛɛyí eyí umɔɔ́lɔpɔ́ nayí inɛmbɛ́n insúá, wɔ́ unyɛɛ́ eluŋí u maandá kitikit; 10kutúmu ninúan, epé pápianɛ́ numíansina, na pukaaka mɛnɛ́mɛnɛ́ɛ menyi á kinɔn kí ɔlɔŋ u peétépí pa Támbák insiŋí i Támbák á tunamá kitikit; 11É nuketi enú umeketi tɔɔm insúá Támbák mowónyí nú á kinɔn kí Yésus Kilíis, Ɔkɔ́n waasɔ́. 12Á nipílat é Kilíis na kuátap tupianɛ kɛ́ɛ́yɛ́, tunyi weéŋelí é kutélimiti ké eŋís yá Támbák no pipíondínyí ɔtɛ́m. 13Maná yónuówon ɛ́ɛ́ nutisúlúkɔk tuɔ́l é muyú yɔɔ́pikɔnɛ́ káanú ó pusío; muyu mukáani nyɛ nukúm núánú.
Iŋɔyɔ í Yésus Kilíis
14Tɛ ɔɔ́pɔn imésukú tunúú óposíó pú Támbákɛ́ɛ Si, 15ewú ekúli yé kúúsí kitikit ne ekúli yɛ́ mɛnɛ́mɛnɛ́ɛ ɔ́pinɔnɛ́ wɔ. 16Yoókówon wɔ́ á punɛ́m pú nukúm púɛ́yí ɛ́ɛ́: Únuak ilúndɛ kɔ ɔtɛ́m ná pukaaka pu é Enfúnukufuúmɛ. 17Ɛ́ɛ́ Kilíis nyɔ́ɔmbɛt káanú kí itɛ́m á kuátap. Yaákanda kuowon wu ɛ́ɛ́ núpá paluán iŋaŋá, pɔpɔ́kímɔ́t ɔ́ niɔy nɛkɛtɛ́ɛ. 18Akáanɛ nuányípia pukaaka pú kuɔpɔn ɔlɔŋ ne nikúli ní Támbák, tiɛkíɛ niɔy ní Kilíis nyiɛ́ kuya, maás, manyáŋ, kuyuum. 19Ɛ́ɛ́ túemenyí niɔy ní Kilíis ní tápukanɛ́ punya kumenyie kitikit, nupá powónón kuám aká Támbák ɔnyɔsinyɔmbitɔnɛ kitikite wɛɛyi kuanɔ. 20wɔ́ ewú kɛ́ɛ́yɛ́ á kiandákáand kí pukaaka púkɔtɔnɛ́ káásɔ́, tuápianan epú tuówoné wɔ́ kutápɔk epú tupítákanɛ́. 21Kɛ́ɛyí, nukúm á kitamb nɛ́kɛtɛ́ é Yésus Kilíis, á tukandákan kitikit, é tenííkínenííké anakáánɛ́.
Valgt i Øjeblikket:
Efesiɛ́ŋ 3: yav
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
© 2026, CABTAL