Roomawa Yutasinɛ
Yutasinɛ
Bulus bee sẽkoom yɛnɛ shɔ sisɨn ãnɛ ai Roomayi aru u masibii au ruu anɛ i ɗɔbii a Rooma. U vigbete mayɛ nɛn kasinɛn shovi pɛ ai tete sekaa, kɛɗɔn ai naapɔ̃nɛni nɗau yɛ tipi Sipɛn kɛkn. Beerɛ aru u tasiyidɔɔ u vizɛnɛ ayuu Kirisayi sisɨn ãnɛ a vigbete i yɛ zɛyɛ ai ɔ̃nɛ Kirisa. Laabeenɛm tuu nyanwanɛ gbete a Bulus nwari shɔyɛ piti kpai.
A knti gbete Bulus yisi shɔ sisɨn ãnɛyi nyageenɛtɛ a Rooma a nɔgbete geli nɛn gaki Ɗa ai yuuyɛni, a sha yuu sẽkoourɛ: << Ruu tɔ̃vɨn ɓeli nɔgbete Ɗalapa pɔ̃ shɔ shɔu ɔ̃ tɔ̃vɨn a ukɔni: atette sisɨn ãnɛkɔ au gaanɛ yɛnɛ u nyayisinɛ.>>
Kɛɗɔn Bulus yɛ ɗekɨn ayuu sekoo shanɛni. Shɔ piti kpai, Yahudawayi a shɔ gbete i ɓa Yahudawayi ɓayɛ, tɔ̃ɔ̃tɔ i ɔ̃ tɔ̃vɨn a Ɗalapa ɗekɨn, i piti kpai i pɛli ruuvinitɛ. Shɔ ɔ̃ tɔ̃vɨn a Ɗalapa ɗekɨn a nyaba ãsisɨn ãnɛ Yesɔ Kirisi kabii. Au ɗekɨn Bulus tasi shɔ nɔgbete shɔ kpaa suru sɔɔ aka yuɓasinɛ a Kirisini au ukɔ ɔ̃rɛ nyaba sɔɔ gbete shɔ kpaa ɔ̃nɛ a Ɗalapani. Shɔ sisɨn ãnɛ u ɔ̃nɛbiinyatɔ̃nɛ ɗɔn a Ɗa ɗekɨn, Ɗa Suru yɛ rautɔ a ruuvini naa a vɔrɔni. Au gɨn-gɨn 5-8, Bulus nwalinya wɔɔyi sɔ̃n aru Ɗalapa nyaãsinɛ a Ɗa Suru kaka a shɔ sisɨn ãnɛ ɔ̃nɛ. Kɛɗɔn jashonɛ i ntabiitɔ ai hɨnɛni nɔgbete Yahudawayi a shɔgbeteyi ɓa Yahudawa ɓa i kpaa tɔnɛ a Ɗalapa vigbete ma a shɔ yuu piti kpaiyɛ. A yisi nya nɛ Yahudawayi Yesɔ bɛ̃ɛ̃nɛ pɛjo Ɗa vimanɛkɔ, au n ti shɔzɛ piti kpai a Ɗalapa tɔ̃vɨn shonɛ a Yesɔ kabii, ã sisɨn tɛttɔ nɛ Yahudawayi i yɛ bɛ̃ɛ Yesɔ ɓa kopileepiya ɓa. U nyayisinɛ piti kpai, Bulus bee vikɛ ayuu nɔgbete Kirisayi ɔ̃nɛ yɛ ɔ̃yɛ, badijo ayuu ɔrinɛ ɔkɛ ɓasiyuunɛ a zɔni. Bulus tuu yuu ruum naa shɔ shoshi Ɗalapa vishonɛ, shɔ sisɨn ãnɛ i vishonɛ a siteti a ɓɛɛ zɔwɔyini, a ruu hɨnɛ ayuu viyuuyɔrinɛ. Kunya sẽkoou au nyaruuba konɛ a Ɗalapa bɛlinɛ.
Vi au Ɓuzɨn yɛ
Yutasinɛ a yuruu (1.1-17)
Viu shɔzɛyi kã a koo piti ayuu raanɛ (1.18-3.20)
Ɗalapa nyaba shɔ raanɛ (3.21-4.25)
Suru sɔɔ a Kirisi (5.1-8.39)
Israila i a Ɗalapa rumanɛ (9.1-11.36)
Kirisa vishonɛ (12.1-15.13)
U nyayisinɛ a Bulus shɔ nyageenɛ (15.14-16.27)
Valgt i Øjeblikket:
Roomawa Yutasinɛ: Laa
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
The Word for the World International and The Word for the World Nigeria