matiyu 7
7
Ɔkɔɔ yee ruu nɛ shɔ yuu ni
1<< Ɔkɔ yee ruu nɛ a shɔwɔyi yuu ni, ɔkɛ yeenɛ Ɗalapa yɛ yee ruu sɔ̃njo awɔ yuu ni. 2Nogbete a yee ruu a shɔwɔ yuu, Ɗalapa yɛ yee sɔ̃njo nankɔ aa yuu, waa gbete a tesi vi awuni yɛ, shɔ yɛ teesaa sɔ̃njo a ukɔ.
3<<Aru viya a kɨnnɔɔ a jalaa gbete a mɛzɔ̃u noo kɔ sheeli, ama a jo zɛ laa pɛ̃niba gbete aa yɛti nooni ɓaya?>> 4A yɛ geli mɛzɔ̃u pi kovi nɛ, << n zɔ̃ saa jalaa gbete aa yeti noo pɛ,>> laa pɛ̃niba jo ɗɔkɔ aa nooni ya? 5Mɔkɔ shɔ bi bɔɔnɛm, gaa zɔ̃ne pɛjo gbutu laa gbete aa noo, nɔgbete a yɛ zɛ ɗɔ kɛkɨn sẽsẽ a zɔ̃ laa gbete a mɛzɔ̃u noo kɛkn.
6<< Ɔkɔɔ ã zaayi vigbete wɔsɔ-wɔsɔ nɛ; i yɛ zanya i lɛsɔɔ tɔ. Ɔkɔɔ loki vitɔ̃vɨng nɛ a gãnya ɗekɨn ni, i yɛ nali ɓɛjo a dɔɔ weze.>>
Gakinɛ, Kãnɛ, Waanɛ
7Ɔ gakinɛ shɔyɛ ãwɔtɔ, ɔ kãa ɓɛjitɔ ɔyɛ kpaa tɔ; ɔ waa nyejaa ɓɛjitɔ shɔyɛ ɓelɔtɔ. 8shɔ gbeteu kɛ gakinɛ Ɗalapa yɛ ãutɔ; Shɔ gbeteu kɛ kãnɛ yɛ kpaa tɔ; shɔu kɛ waa nyejaa nɛ Ɗalapa yɛ ɓeliu tɔ.
9Pi awɔ teten ni piya, ɓɛjaa yɛ gaki vishaanɛ au naa, yɛ ãu tari piya? 10Ko mɛjaau yɛ gaki jazɨng, a yɛ ãu kɛ sɔɔ ya? 11Awɔ kɔ̃linen ni kpai, ɔ zɛ nɔgbete ɔyɛ ã mɛjaayi vi tɔ̃vɨntɛ, ɔ ɓeye gbete a kolapa yɛ ã shɔ gbeteyi gakiu yɛ vi tɔ̃vɨn ɓaya! 12Pɛli shɔ jo vigbete a kasinɛ shɔu pɛlayɛ, shom pɛ rugbete Musa laabeene nya ãsine a Ɗa jashoneyi geli shɔ si tɛ̃ɛ̃tɛ̃ɛ̃yɛ.
Nyaba Tɔ̃rɔ̃rɔ̃
13Ɔ tɔ a nyejaa gbete tɔ̃rɔ̃rɔ̃ yɛ. Nyaba yɛsɛlɛ n ti shɔ ɗɔlɛsinɛ, shɔzɛ waanɛ i to a nyabaukɔ. 14Ama nyaba gbete shɔ yɛ ɗɔ suru bi weze jaa fɛ̃ɛ̃, nyabau tɔ̃rɔ̃rɔ̃, shɔ nta bitɔ aɗɔ yɛnɛni, shɔ ai toyɛ i ɓa bang ɓa.
Laa Au Jaa
15Ɔkɔ yuu tɔ aru jaa shone nya yelinɛ a Ɗalapa nii. Shɔ gbeteyi a shɔ ɗɔbii naa mɛrɛ̃ɛ̃, ama ai sisɨn i naa vi ɓiliyi. 16Ɔ zɛyi ai vishone. Shɔ hã shɛ̃ri kati a laa kɔkɔ niya? Ko shɔ hã jaa kɔkɔ kati a laa sɨnti niya? 17Jo nankɔ laa tɔ̃vɨn rɛɛ jo jaa tɔ̃vɨn, ama laa kɔline rɛɛ jaa jo jaa kɔline. 18Laa tɔ̃vɨn rɛɛ jaa ɓa kɔlinɛ ɓa, laa gbete kɔline rɛɛ jaa tɔ̃vɨn ɓa. 19Laa au jo rɛɛ jaa tɔ̃vɨn ɓa shɔ korɛ a loki a yaa. 20A ruu nankɔ, ɔyɛ zɛ jashonɛ nyayelinɛ ai vishonɛ.
N Ji Mɛtɔ Zɛnɛɓa
21<< Ɓa shɔzɛ piti ɓang nɛ Uɓeyelapa, Uɓeyelapa,>> yɛ too Ɗalapa koo kpati roonɛrɛ ɓa, <<ama shɔ gbeteyi pɛli vigbete mayɛ koo lapa kasi yɛ.>> 22A lee wakɔ shɔ waa-ne i yɛ gelin nɛ, Uɓeyelapa, Uɓeyelapa, ujo waa nya ɓa aa nii ni ɓaya, u shɛshi suru kɔ̃linɛ jo aa nii kɔ u pɛli vi bi zaane jo aa nii kɔ ɓaya? 23Kɛɗɔn n yɛn geliyi nɛ, <<N jo zɛɔ nii jo ɓa. Ɔ yɛ kawa, shɔ vi kɔ̃linɛ pɛlinɛmiyi.>>
Shɔ Ɗɔɔ Maanɛ Zitiyi
24<< Aru nankɔ shɔu kɛ ntang ruumnɛ kɛ shovinɛ awuni, yɛ ɔ̃ naa shɔ sẽrẽ wɔɔ mau wɛrɛ a yuu tari yɛ. 25Mii kolapa arɛ, ɓooti lorɛ, sɔrɔ dusirɛ a waa wɛrɛurɛ; ama wɛrɛu jo zɨng ɓa, aru shɔ mãau ayuu tari. 26Ama shɔ gbeteu kɛ ntang ruumnɛ jo shovi shone ɓa awuni ɓa, yɛ ɔ̃ naa shɔ rãng wɔɔ gbete maa wɛrɛ aɗɔ seseli yɛ. 27Mii kolapa arɛ, mii ɓooti lorɛ, sɔrɔ dusirɛ a waa wɛrɛurɛ, wɛrɛu zɨngrɛ a sãki ɗete-ɗete.>>
28Naa Yesɔ yisi vimiyi shanɛ tɛ, vigbete matiyiyɛ ɔ̃ri mɔɔwi kɛ vi bizaanɛ. 29U si ɓa naa shɔmala nya-ãsinɛyiɓa, ama mati shɔ vi a kakani naa Ɗalapa ãu naa yɛ.
Valgt i Øjeblikket:
matiyu 7: Laa
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
The Word for the World International and The Word for the World Nigeria
matiyu 7
7
Ɔkɔɔ yee ruu nɛ shɔ yuu ni
1<< Ɔkɔ yee ruu nɛ a shɔwɔyi yuu ni, ɔkɛ yeenɛ Ɗalapa yɛ yee ruu sɔ̃njo awɔ yuu ni. 2Nogbete a yee ruu a shɔwɔ yuu, Ɗalapa yɛ yee sɔ̃njo nankɔ aa yuu, waa gbete a tesi vi awuni yɛ, shɔ yɛ teesaa sɔ̃njo a ukɔ.
3<<Aru viya a kɨnnɔɔ a jalaa gbete a mɛzɔ̃u noo kɔ sheeli, ama a jo zɛ laa pɛ̃niba gbete aa yɛti nooni ɓaya?>> 4A yɛ geli mɛzɔ̃u pi kovi nɛ, << n zɔ̃ saa jalaa gbete aa yeti noo pɛ,>> laa pɛ̃niba jo ɗɔkɔ aa nooni ya? 5Mɔkɔ shɔ bi bɔɔnɛm, gaa zɔ̃ne pɛjo gbutu laa gbete aa noo, nɔgbete a yɛ zɛ ɗɔ kɛkɨn sẽsẽ a zɔ̃ laa gbete a mɛzɔ̃u noo kɛkn.
6<< Ɔkɔɔ ã zaayi vigbete wɔsɔ-wɔsɔ nɛ; i yɛ zanya i lɛsɔɔ tɔ. Ɔkɔɔ loki vitɔ̃vɨng nɛ a gãnya ɗekɨn ni, i yɛ nali ɓɛjo a dɔɔ weze.>>
Gakinɛ, Kãnɛ, Waanɛ
7Ɔ gakinɛ shɔyɛ ãwɔtɔ, ɔ kãa ɓɛjitɔ ɔyɛ kpaa tɔ; ɔ waa nyejaa ɓɛjitɔ shɔyɛ ɓelɔtɔ. 8shɔ gbeteu kɛ gakinɛ Ɗalapa yɛ ãutɔ; Shɔ gbeteu kɛ kãnɛ yɛ kpaa tɔ; shɔu kɛ waa nyejaa nɛ Ɗalapa yɛ ɓeliu tɔ.
9Pi awɔ teten ni piya, ɓɛjaa yɛ gaki vishaanɛ au naa, yɛ ãu tari piya? 10Ko mɛjaau yɛ gaki jazɨng, a yɛ ãu kɛ sɔɔ ya? 11Awɔ kɔ̃linen ni kpai, ɔ zɛ nɔgbete ɔyɛ ã mɛjaayi vi tɔ̃vɨntɛ, ɔ ɓeye gbete a kolapa yɛ ã shɔ gbeteyi gakiu yɛ vi tɔ̃vɨn ɓaya! 12Pɛli shɔ jo vigbete a kasinɛ shɔu pɛlayɛ, shom pɛ rugbete Musa laabeene nya ãsine a Ɗa jashoneyi geli shɔ si tɛ̃ɛ̃tɛ̃ɛ̃yɛ.
Nyaba Tɔ̃rɔ̃rɔ̃
13Ɔ tɔ a nyejaa gbete tɔ̃rɔ̃rɔ̃ yɛ. Nyaba yɛsɛlɛ n ti shɔ ɗɔlɛsinɛ, shɔzɛ waanɛ i to a nyabaukɔ. 14Ama nyaba gbete shɔ yɛ ɗɔ suru bi weze jaa fɛ̃ɛ̃, nyabau tɔ̃rɔ̃rɔ̃, shɔ nta bitɔ aɗɔ yɛnɛni, shɔ ai toyɛ i ɓa bang ɓa.
Laa Au Jaa
15Ɔkɔ yuu tɔ aru jaa shone nya yelinɛ a Ɗalapa nii. Shɔ gbeteyi a shɔ ɗɔbii naa mɛrɛ̃ɛ̃, ama ai sisɨn i naa vi ɓiliyi. 16Ɔ zɛyi ai vishone. Shɔ hã shɛ̃ri kati a laa kɔkɔ niya? Ko shɔ hã jaa kɔkɔ kati a laa sɨnti niya? 17Jo nankɔ laa tɔ̃vɨn rɛɛ jo jaa tɔ̃vɨn, ama laa kɔline rɛɛ jaa jo jaa kɔline. 18Laa tɔ̃vɨn rɛɛ jaa ɓa kɔlinɛ ɓa, laa gbete kɔline rɛɛ jaa tɔ̃vɨn ɓa. 19Laa au jo rɛɛ jaa tɔ̃vɨn ɓa shɔ korɛ a loki a yaa. 20A ruu nankɔ, ɔyɛ zɛ jashonɛ nyayelinɛ ai vishonɛ.
N Ji Mɛtɔ Zɛnɛɓa
21<< Ɓa shɔzɛ piti ɓang nɛ Uɓeyelapa, Uɓeyelapa,>> yɛ too Ɗalapa koo kpati roonɛrɛ ɓa, <<ama shɔ gbeteyi pɛli vigbete mayɛ koo lapa kasi yɛ.>> 22A lee wakɔ shɔ waa-ne i yɛ gelin nɛ, Uɓeyelapa, Uɓeyelapa, ujo waa nya ɓa aa nii ni ɓaya, u shɛshi suru kɔ̃linɛ jo aa nii kɔ u pɛli vi bi zaane jo aa nii kɔ ɓaya? 23Kɛɗɔn n yɛn geliyi nɛ, <<N jo zɛɔ nii jo ɓa. Ɔ yɛ kawa, shɔ vi kɔ̃linɛ pɛlinɛmiyi.>>
Shɔ Ɗɔɔ Maanɛ Zitiyi
24<< Aru nankɔ shɔu kɛ ntang ruumnɛ kɛ shovinɛ awuni, yɛ ɔ̃ naa shɔ sẽrẽ wɔɔ mau wɛrɛ a yuu tari yɛ. 25Mii kolapa arɛ, ɓooti lorɛ, sɔrɔ dusirɛ a waa wɛrɛurɛ; ama wɛrɛu jo zɨng ɓa, aru shɔ mãau ayuu tari. 26Ama shɔ gbeteu kɛ ntang ruumnɛ jo shovi shone ɓa awuni ɓa, yɛ ɔ̃ naa shɔ rãng wɔɔ gbete maa wɛrɛ aɗɔ seseli yɛ. 27Mii kolapa arɛ, mii ɓooti lorɛ, sɔrɔ dusirɛ a waa wɛrɛurɛ, wɛrɛu zɨngrɛ a sãki ɗete-ɗete.>>
28Naa Yesɔ yisi vimiyi shanɛ tɛ, vigbete matiyiyɛ ɔ̃ri mɔɔwi kɛ vi bizaanɛ. 29U si ɓa naa shɔmala nya-ãsinɛyiɓa, ama mati shɔ vi a kakani naa Ɗalapa ãu naa yɛ.
Valgt i Øjeblikket:
:
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
The Word for the World International and The Word for the World Nigeria