Yɔhana Yutasinɛ
Yutasinɛ
Ruu Tɔ̃vɨn Au Shɛ A Yɔhana Naa tasinɛ Yesɔ kɔ ɔ̃rɛ ruu Ɗalapa gbete a koo yɛ,<< Rii shɔzɛ a ɔ̃ au tete.>>Ji nagbete laabeenɛm shayɛ nɛ, Ruu tɔ̃vɨn mi shɔ beerɛ aru shɔ ɓalinɛyi i ã-sisɨntɔ nɛ Yesɔ kɔ ɔ̃rɛ shɔshɔranɛ gbete Ɗa maruu au yuuyɛ, Ɗa Jaa, a nyaba sisɨn ãnɛ au bi i kpaa suru gbete yisinya ɓayɛ (20.31.)
Akɨnti yutasinɛ gbete tasinɛ Yesɔ ukɔ ɔ̃rɛ Ɗanyaruubii a koo dangdang, a gɨn-gɨn gaanɛ ruu tɔ̃vɨnmi, tasipɛ vibiizaanɛyi gbete au tasinɛ Yesɔ kɔ ɔ̃rɛ shɔshɔranɛ gbete Ɗa maruu au yuu yɛ, Ɗa jaa. A pɛsi sɔ̃n a nya a shɔ nwaliyɛ gbete tadɔɔ ruugbete vibiizaanɛyi ɓeliyɛ. A nakawɔ laabeem sha nɔgbete shɔ gãsiyi ã sisɨn a Yesɔ bi, ai ɔ̃kɛ u shɔ gɨnnɛyi, shɔwɔyi ɔ̃kɛ Yesɔ shɔnɔpɔ̃ ai ɓɛ̃ɛ̃ sisɨn ãnɛtɔ au biini. U gɨn-gɨn 13-17 bee vitɔ waanɛ nɔgbete Yesɔ ɔ̃ shẽri au jaɗɔɔyini a zɨmba gbete shɔ sãuyɛ, geliyi ruu a masiyi bi i ɓɛɛ yɛnɛ u dii naa ɓanɛ laa. laabeem u gɨn-gɨn gbete kunaa yɛ nwanya aru Yesɔ sãnɛ a sisɨnntanɛ, u naa ɓanɛ laa a yunɛ saa, au shɛlinɛ au jadɔɔyi bi a knti yunɛ saa.
Ruuɓere su gbete shɔ sãu a kpantang pɛlinɛ yɛ. (8.1-11)
Yɔhana ã kaka ayuu suru gbete yisinya ɓa a Kirisi kabii, ãnɛ au gaa dɔdɔtrim ama see shɔgbete i ã sisɨntɛ nɛ Yesɔ kɔ ɔ̃rɛ nyaba, ukɔ ɔ̃rɛ ruu tɔ̃vɨn a suruni. A laabeenɛm vigbete Yɔhana ã kaka aɗɔn waanɛ, a pɛli vishonɛ a vigbete shɔ zɛ a lee lee yɛ aru u tasi shɔ ruu suru nizɛyi, ukɔ ɔ̃rɛ naa, mii, borodi, ɗɔsẽsẽ, a jagamɛrɛ̃ au mɛrɛ̃ wɔsɔ̃n jaa nɔlaa inabi.
Vi au Ɓuzɨn yɛ
Yuruu (1.1-18)
Yɔhana shɔ Batizima a Yesɔ jadɔɔ gbeteu gaa yɛ (1.19-51)
Yesɔ vishonɛ au pɛli shɔnɔɔ (2.1-12.50)
Dii maanzii au wasinaa u si maani a Urushalima ni (13.1-19.42)
Uɓeyelapa yunɛ saa au shɛlinɛ (20.1-31)
Ruu onɛ: Yesɔ shɛnɛ wɔ a Galili (21.1-25)
Valgt i Øjeblikket:
Yɔhana Yutasinɛ: Laa
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
The Word for the World International and The Word for the World Nigeria