Acts 13
13
Shɔ lɔɔ Barnaba a Shawulu Shɔ shoyirɛ
1Atette shɔ Ɗa gɨnnɛyi a Antiya, janyagadi wɔɔyi siɗɔn a shɔmalayini: Barnaba, Simeyon (gbete shɔ ɓaunɛ hɨmri), Lusiya (gbete a Sarini,) a Manayen a gbeteu ba nyazɔ (a kpati Hiridu ni) a Shawuluni. 2Sii doo a ɗɔɔ Uɓeyelapa bassinɛ, a nyamanɛni, kɛɗɔn Ɗa suru geliyi nɛ,<<Ɔ kasin Barnaba a Shawulu ni ka gbete, aru vishonɛ gbete n ɓayi nya i pɛlinyɛ.>>
3I manyarɛ, ai gaki Ɗarɛ, kɛɗɔn i pɔ̃si Barnaba a Shawuluni naarɛ ayuu i tasiyi kɛ vɔɔ susãri a bi, i ãi naarɛ nɛi yɛnɛ.
Yesɔ Jashonɛyi Nwari Shɔ Ɗa Nyaruubii a Sapuru
4Barnaba a Shawulu ni, shɔ gbete Ɗa suru shoyi yɛ, i yɛkɛ Selukiya aɗɔwakɔ i to latosi yɛnɛ Sapuru. 5Naa i to Salamitɛ, i nwari shɔ Ɗa nyaruubiirɛ a Yahudawayi ɗɔ ɔ̃nɛyi. Yɔhana Marku u si ji ikɔyi ni u ɗɔ gbete pɔ̃siyinaa a vishonɛ.
6Akɨnti gbeteyi zaa doddo gbete mii ka atette yɛ tɛ kpai yɛnɛ Pafos ni, i kpɛsizɔɔ a shɔ gãn nɔkunɛ wɔɔni u niinɛ Ba Yesɔ, u pɛ Yahudawa tasiyuu nɛn pɛ janyagadi. 7U si a nyazɔ gɔmna Sarajiyu Bulus, gomna Saraji u si shɔ sẽrẽ. Gɔmnau ɓaa Barnaba a Shawulu nyarɛ aru kasi nɛn nta Ɗa nyaruubii. 8Ama shɔ gãn nɔkunɛm Alima ( ji u niikɔ a nya Helena) ji kasi ɓa kãnɛn rii gɔmnau sisɨn ãnɛtɔ ukɔu ãsisɨnɛ a Ɗa nyaruubiini. 9Kɛɗɔn Shawulu gbete shɔ ɓau sɔ̃nnɛ Bulus yɛ, si Ɗa suru rau bitɛ kpai, a kɨnri Alima shɔ gãn nɔkunɛ nɔɔ a bi kpɛ̃ɛ̃, 10A shanɛ, <<Mɔkɔ japɛ̃pɛ̃ɛ̃ ɓɛɛ jaaǃ Mɔkaa ɔ̃rɛ shɔnɔpɔ̃ ko-iviya gbete tɔ̃vɨn yɛ kpai. Shɔ ɗakinɛ a lanɛni aa sisɨn lotti, a ko-pi leepiya a kã ɓɛjo nɛn risi Uɓeyelapa nyaruubii vitɔ̃vɨng u ɔ̃kɛ nyayeelinɛǃ 11Dɔdɔrim Uɓeyelapa yɛ gɔ̃ a yushotɔ; a yɛ ɔ̃ nɔgbãti, a yɛ ɔ̃ pɛtɔ dɔkaa a zɛ ɗɔsẽsẽ ɓa.>>
Tɛ̃ɛ̃ti ɗɔkɨnri gbɨtɨ-gbɨti kuki Alima nɔɔrɛ ji zɛ ɗɔɔɓa, a ntalirɛ u ɗɔ gbete kã shɔ gbete yɛ sãu naa u ntantiu yɛ. 12Naa gɔmna zɛ vigbete kpauyɛtɛ, a ãsisɨnrɛ Ɗabiini, aruviya si bizau tɛttɔ gboti ayuu vimatinɛ gbete shɔ pɛli a Uɓeyelapa niiyɛ.
Bulus a Barnaba ni a Antiya gbete a Pisidiya
13Kɛɗɔn Bulus au shɔdɔranɛyini i yuu a pafos a latosi, i yɛ paga, pɛ komoo a tipi pampiliya, a ɗɔgbete Yɔhana Maraku yaairɛ a sɔɔ Urushalimayɛ. 14I yɛ ɗekɨn yunɛ a periga ai to Antiya gbete a tipi Pisidiya rɛ, a lee susunɛ i to Yahudawayi ɗɔ-ɔ̃nɛrɛ i ɔrɛɗɔn. 15Akɨnti gbete shɔ ɓali laabeenɛ nya-asinɛ Musatɛ a viɓeenɛ gbete janyagadiyi ɓeeyɛni, kɛɗɔn Yupɛ̃ni Yahudawayi ɗɔ-ɔ̃nɛ i shoyirɛ a ruumini nɛ,<<N shɔbiiyi ɔ nyanwanɛ bimanɛ kɛ ɔ̃nɛ ɗɔn u kasirɛ ɔ nwari shɔ pɛ.>> 16Kɛɗɔn Bulus yulaparɛ, a ɗee naa nɛ shɔu ɔ̃ shɔk, a gaa nyanwanɛ a shanɛ,
N shɔbiiyi Israila a shɔ gbeteyi ɓa Yahudawa ɓa kpai ai bassi Ɗalapa yɛː ɔ weshopɛ ang nya! 17Shɔ Israila i Ɗalapa lɔɔ u mɛuruyi, a pɔ̃rɛ i ɔ̃ shɔzɛ pẽniba aɗagbete i ɔ̃ shɔzati a tipi Masaryɛ. Ɗalapa pɛli vishonɛ au kaka pɛ̃niba a shɛshirɛ a tipi Masarni. 18Au sisɨn zaza saa laa ziti Ɗalapa masisɨntɔ ayini a ɗɔgbete laa ɓa ɗɔn ɓamɓayɛ. 19Ɗalapa lɛsi shɔzɛ kn maanzii a tipi Kana a pɔ̃rɛ tipiu ɔ̃ shɔ Israilayi ɓɛɛ. 20Vim tuu mɛnɛ saa laa bmati au jaa lazi a tu kopi kpai.
Akɨnti vim Ɗalapa ãkɛ shɔ ruuyeenɛ anɛ ɗaa janyagadi Samaila. 21Naa i kã kpatitɛ, kɛɗɔn a Ɗalapa ãikɛ Shawulu Kish ɓɛɛ jaa, Benjame u nyakoo, nɛu ɔ̃rii kpati saa laa ziti. 22Akɨnti gbete Ɗalapa zɔ̃ Shawulu tɛ a kpatini a pɔ̃kɛ Dauda ɔ̃yi kpatikɛrɛ. Shompɛ vigbete Ɗalapa shayɛ a Dauda yuu yɛː <<N kpaarɛ Dauda Yesse ɓɛɛ jaa u pɛ shɔzɛ gbete n kasiyɛ, shɔ gbete yɛ pɛli vigbete n kasiu pɛliyɛ kpai.>>
23A Dauda ladurukɔ Ɗalapa n ti Israila shɔshɔraanɛrɛ Yesɔ, nagbete ma siyɛ a Dauda ni. 24Yesɔ u ɓɛɛ vishonɛ gaanɛ, Yɔhana nwari shɔ Israila Ɗa nyaruubiitɔ kpai nɛi kɔsi sisɨn i yaa ruuvini pɛlinɛtɔ shɔu pɛliyi Batizima rɛ. 25Naa Yɔhana vishonɛ atɛ ɗɔnyayisinɛ, a geli shɔ nɛ, awɔ sisɨn ɔ tɔnɛ nkɔng ɔ̃rɛ piya? Shɔ gbete ɔ gayɛ ɓa nkɔng ɔ̃rɛ ukɔ ɓa. Ama ɔ weshopɛ ang biǃ Shɔ wɔɔ kaanɛ ang kɨnti, n ji yɛɓa nɔgbete n ɗenaa n kali u rii korãtirɛ ɓa. 26N shɔbii Israilayi, Ibirayi laduru, a shɔ gbeteyi ɓa Yahudawa ɓa i bassi Ɗalapa kpai: Shɔ dɔ̃si ruu shɔraanɛm pɛjo ukɔuǃ 27Aru shɔ gbeteyi ɔ̃nɛ a Urushalima ai yupɛ̃nini i ji zɛ ɓa nɛ Yesɔ kɔ ɔ̃rɛ shɔshɔraanɛ ɓa, i ji zɛ ruu janyagadiyi gbete shɔ ɓaliyɛ a lee susunɛ ko-pi leepiya ɓa. Ama Ɗa nyaruubii gbete janyagadiyi shayɛ ɔ̃ nizɛ nɔgbete i nyo Yesɔ vɔrɔyɛ. 28A shomini kpai i ji kpaau ɓa a ruukɔ̃linɛ au yɛtɛ nɔgbete shɔ nyou vɔrɔyɛni ɓa, i gaki Bilatu nɛ shɔu nyou vɔrɔtɔ. 29Akɨnti gbete i pɛli ko-iviya gbete labeenɛ Ɗa nyaruubii shayɛtɛ au yuu, kɛɗɔn i nosiurɛ a yulaa gbete shɔ ɓaunaa aɗɔn i tosirɛ a sàà. 30Ama Ɗalapa yusiu laparɛ a sàà ni, 31Shɛ a shɔzɛ gbeteyi gɨuyɛ a dɔɔ a Galili yɛnɛ Urushalima i bi a lee totot. ikɔi ɔ̃rɛ u shɔshinɛkɨnti a shɔ Israilayi ɗekɨn. 32Dɔdɔrim u yɛm u n-tɔɔ ruu tɔ̃vɨntɛ, ayuu vigbete Ɗalapa ma si au ɓɛuruuni nɛn pɛliyɛ, 33dɔdɔrim pɛliutɛ, gbete u pɛ ɓɛɛ jaamiyi, nɔgbete yusi Yesɔ lapa a sàà a suruni, nagbete laabeenɛ beeyɛ a zabura ziti nɛ,
<<A pɛ ma javɔshɔ;
nɛm n ɔ̃tɛ meyeu.>>
34Ɗalapa yusi Yesɔ sàà aru nɛ yɛ vɔ toti ɓa, pɛliɓa nɛu pnrɛ a sàà ni ɓa:
<<N yɛn ãwɔ vɔɔ susãri tasinɛ wɔsɔ-wɔsɔ nizɛ
gbete n ma si a Dauda ni yɛ, 35Naa gbete sha a ɗɔwɔɔ nizɛ nɛ:
a yɛ yaa a jawɛrɛ wɔsɔ-wɔsɔ ɓa nɛu pn a sàà ni ɓa.>>
36Aru Dauda yisinya vishonɛ gbete Ɗalapa ãuyɛ nɛu pɛliyɛtɔ au ɗaayɛ, kɛɗɔn a vɔrɛ, shɔ gbãurɛ a ɓɛuruyini, au bi pnrɛ a sàà ni. 37Ama vim ji pɛli Yesɔ shɔ gbete Ɗalapa yusiu a sàà yɛ ji ɓa. 38Aruumkɔ n shɔbii Israilayi ɔ zɛtɔ nɛ pɛji aru Yesɔnkɔ shɔ gelɔɔ ruu ruuvini yaanɛrɛ. Ɔ zɛtɔ kopiya shɔ gbete kɛ ã sisɨn nɛ au biini, ranaatɛ a ruuvinini kpai gbete laabeenɛ Musa yɛ rawɔɔ dɔɔ ɓayɛ. 39Aru kopiya gbete kɛ ãsisɨn nɛ au biini, kpaa naraanatɛ a ruuvinini kpai, shɔ gbete nya-ãsinɛ Musa yɛ pɛli dɔɔɓa 40Ɔ kɔyuutɔ, aru vigbete janyagadiyi shayɛ ukɔu pɛlinɛ a ɔkɔɔni:
41Ɔ kɨnnɔɔ pɛ ɔ shɔ nya ããnɛmiyi! Ɔ zɛ vibiizaanɛ ɔ vɔrɛ!
Aru vi gbete nkɛ pɛlinɛ nɛm
pɛ vigbete ɔ yɛ ã sisɨn ɓayɛ,
ko shɔ wɔɔ u tasɔɔ u dɔɔtɔ 42Naa Bulus a Barnaba ni i a ɗɔshɛnɛ a Yahudawa ɗɔ-ɔ̃nɛ, kɛɗɔn mooyi gaki nɛi sɔɔ a lee susunɛ gbete kaanɛ, nɛi geli ruu wɔɔ sɔ̃n aru vimiyini. 43Akɨnti gbete shɔ sãtitɛ a ɗɔ-ɔ̃nɛni, kɛɗɔn Yahudawayi waanɛ a shɔ gbeteyi to shɔ Yahudawayi ɗa gɨnnɛni i gɨn Bulus a Barnaba ni a knti. jashonɛyi nwarinyarɛ i masibiirɛ nɛi yɛ ɗekɨn a ɔ̃nɛ Ɗalapa tɔ̃vɨn shonɛni.
44Naa lee susunɛ zaatɛ, kopiya a komoo arɛ nɛi nta Uɓeyelapa nyaruubii pɛ. 45Naa Yudawayi zɛ mooyitɛ, kɛɗɔn nɔ̀ɔ̀ pɛli fɛ̃ɛm, ai masinya aru vigbete Bulus shayɛ ai dãurɛ.
46Ama Bulus a Barnaba ni i dii nya a kakani seeti ɓa i shanɛː Ɔ Yahudawa tɔ̃ɔ̃tɔ shɔu gaa Ɗa nyaruubii nwarinɛ pɛ ɔkɔɔ. Ama ɔ ɓɛ̃ɛ̃tɛm, ɔkɔɔ pɔ̃nɛ toti sisɨn nɛi kpaa suru gbete sɔ̃nya ɓa yɛtɔ, u yɛu yawɔɔtɔ u yɛ shɔ gbeteyi ɓa Yahudawa ɓa i ɗɔbii. 47Aru shɔmkɔ ɔ̃rɛ nya-ãsinɛ gbete Uɓeyelapa ãu nɛu pɛliyɛ, shanɛ:
N pɔ̃tɛ a ɔ̃ ɗɔsẽsẽ aru shɔ gbeteyi ɓa Yahudawa ɓa,
aru a n ti shɔraanɛ kopiɗɔpiya a koopiti kpai.
48Naa Shɔ gbeteyi ɓa Yahudawa ɓa i nta vimtɛ, i nta yɛti purutɔ fɛ̃ɛm, i bɛli Uɓeyelapa nyaruubiirɛ, shɔ gbete shɔ lɔyi yɛ, aru suru gbete sɔ̃nya ɓa yɛ i ã sisɨnrɛ a Ɗabii.
49Kɛɗɔn Ɗa nyaruubii raa kopiɗɔpiya kpai a tipiuni. 50Ama Yahudawayi ɗaki shɔ yupɛ̃ni gbeteyi a komoou, a suu gbeteyi bassi Ɗalapayɛ a shɔ ntayi nyatɔyɛ ama i ɓa Yahudawa ɓa. I gaa Bulus a Barnaba ratasinɛrɛ ai yikiyirɛ ai kooni. 51Jashonɛwi i sɔ̃li zabururɛ ai dɔɔ u ɔ̃kɛ shɔshinɛkɨnti aru shɔ koowi, ai yɛ komoo Ikoniya rɛ. 52Shɔ sisɨn anɛ a Ɗabii gbeteyi a Antiya yɛ i nta yɛti puru fɛ̃ɛm a Ɗa suruni.
Valgt i Øjeblikket:
Acts 13: Laa
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
The Word for the World International and The Word for the World Nigeria
Acts 13
13
Shɔ lɔɔ Barnaba a Shawulu Shɔ shoyirɛ
1Atette shɔ Ɗa gɨnnɛyi a Antiya, janyagadi wɔɔyi siɗɔn a shɔmalayini: Barnaba, Simeyon (gbete shɔ ɓaunɛ hɨmri), Lusiya (gbete a Sarini,) a Manayen a gbeteu ba nyazɔ (a kpati Hiridu ni) a Shawuluni. 2Sii doo a ɗɔɔ Uɓeyelapa bassinɛ, a nyamanɛni, kɛɗɔn Ɗa suru geliyi nɛ,<<Ɔ kasin Barnaba a Shawulu ni ka gbete, aru vishonɛ gbete n ɓayi nya i pɛlinyɛ.>>
3I manyarɛ, ai gaki Ɗarɛ, kɛɗɔn i pɔ̃si Barnaba a Shawuluni naarɛ ayuu i tasiyi kɛ vɔɔ susãri a bi, i ãi naarɛ nɛi yɛnɛ.
Yesɔ Jashonɛyi Nwari Shɔ Ɗa Nyaruubii a Sapuru
4Barnaba a Shawulu ni, shɔ gbete Ɗa suru shoyi yɛ, i yɛkɛ Selukiya aɗɔwakɔ i to latosi yɛnɛ Sapuru. 5Naa i to Salamitɛ, i nwari shɔ Ɗa nyaruubiirɛ a Yahudawayi ɗɔ ɔ̃nɛyi. Yɔhana Marku u si ji ikɔyi ni u ɗɔ gbete pɔ̃siyinaa a vishonɛ.
6Akɨnti gbeteyi zaa doddo gbete mii ka atette yɛ tɛ kpai yɛnɛ Pafos ni, i kpɛsizɔɔ a shɔ gãn nɔkunɛ wɔɔni u niinɛ Ba Yesɔ, u pɛ Yahudawa tasiyuu nɛn pɛ janyagadi. 7U si a nyazɔ gɔmna Sarajiyu Bulus, gomna Saraji u si shɔ sẽrẽ. Gɔmnau ɓaa Barnaba a Shawulu nyarɛ aru kasi nɛn nta Ɗa nyaruubii. 8Ama shɔ gãn nɔkunɛm Alima ( ji u niikɔ a nya Helena) ji kasi ɓa kãnɛn rii gɔmnau sisɨn ãnɛtɔ ukɔu ãsisɨnɛ a Ɗa nyaruubiini. 9Kɛɗɔn Shawulu gbete shɔ ɓau sɔ̃nnɛ Bulus yɛ, si Ɗa suru rau bitɛ kpai, a kɨnri Alima shɔ gãn nɔkunɛ nɔɔ a bi kpɛ̃ɛ̃, 10A shanɛ, <<Mɔkɔ japɛ̃pɛ̃ɛ̃ ɓɛɛ jaaǃ Mɔkaa ɔ̃rɛ shɔnɔpɔ̃ ko-iviya gbete tɔ̃vɨn yɛ kpai. Shɔ ɗakinɛ a lanɛni aa sisɨn lotti, a ko-pi leepiya a kã ɓɛjo nɛn risi Uɓeyelapa nyaruubii vitɔ̃vɨng u ɔ̃kɛ nyayeelinɛǃ 11Dɔdɔrim Uɓeyelapa yɛ gɔ̃ a yushotɔ; a yɛ ɔ̃ nɔgbãti, a yɛ ɔ̃ pɛtɔ dɔkaa a zɛ ɗɔsẽsẽ ɓa.>>
Tɛ̃ɛ̃ti ɗɔkɨnri gbɨtɨ-gbɨti kuki Alima nɔɔrɛ ji zɛ ɗɔɔɓa, a ntalirɛ u ɗɔ gbete kã shɔ gbete yɛ sãu naa u ntantiu yɛ. 12Naa gɔmna zɛ vigbete kpauyɛtɛ, a ãsisɨnrɛ Ɗabiini, aruviya si bizau tɛttɔ gboti ayuu vimatinɛ gbete shɔ pɛli a Uɓeyelapa niiyɛ.
Bulus a Barnaba ni a Antiya gbete a Pisidiya
13Kɛɗɔn Bulus au shɔdɔranɛyini i yuu a pafos a latosi, i yɛ paga, pɛ komoo a tipi pampiliya, a ɗɔgbete Yɔhana Maraku yaairɛ a sɔɔ Urushalimayɛ. 14I yɛ ɗekɨn yunɛ a periga ai to Antiya gbete a tipi Pisidiya rɛ, a lee susunɛ i to Yahudawayi ɗɔ-ɔ̃nɛrɛ i ɔrɛɗɔn. 15Akɨnti gbete shɔ ɓali laabeenɛ nya-asinɛ Musatɛ a viɓeenɛ gbete janyagadiyi ɓeeyɛni, kɛɗɔn Yupɛ̃ni Yahudawayi ɗɔ-ɔ̃nɛ i shoyirɛ a ruumini nɛ,<<N shɔbiiyi ɔ nyanwanɛ bimanɛ kɛ ɔ̃nɛ ɗɔn u kasirɛ ɔ nwari shɔ pɛ.>> 16Kɛɗɔn Bulus yulaparɛ, a ɗee naa nɛ shɔu ɔ̃ shɔk, a gaa nyanwanɛ a shanɛ,
N shɔbiiyi Israila a shɔ gbeteyi ɓa Yahudawa ɓa kpai ai bassi Ɗalapa yɛː ɔ weshopɛ ang nya! 17Shɔ Israila i Ɗalapa lɔɔ u mɛuruyi, a pɔ̃rɛ i ɔ̃ shɔzɛ pẽniba aɗagbete i ɔ̃ shɔzati a tipi Masaryɛ. Ɗalapa pɛli vishonɛ au kaka pɛ̃niba a shɛshirɛ a tipi Masarni. 18Au sisɨn zaza saa laa ziti Ɗalapa masisɨntɔ ayini a ɗɔgbete laa ɓa ɗɔn ɓamɓayɛ. 19Ɗalapa lɛsi shɔzɛ kn maanzii a tipi Kana a pɔ̃rɛ tipiu ɔ̃ shɔ Israilayi ɓɛɛ. 20Vim tuu mɛnɛ saa laa bmati au jaa lazi a tu kopi kpai.
Akɨnti vim Ɗalapa ãkɛ shɔ ruuyeenɛ anɛ ɗaa janyagadi Samaila. 21Naa i kã kpatitɛ, kɛɗɔn a Ɗalapa ãikɛ Shawulu Kish ɓɛɛ jaa, Benjame u nyakoo, nɛu ɔ̃rii kpati saa laa ziti. 22Akɨnti gbete Ɗalapa zɔ̃ Shawulu tɛ a kpatini a pɔ̃kɛ Dauda ɔ̃yi kpatikɛrɛ. Shompɛ vigbete Ɗalapa shayɛ a Dauda yuu yɛː <<N kpaarɛ Dauda Yesse ɓɛɛ jaa u pɛ shɔzɛ gbete n kasiyɛ, shɔ gbete yɛ pɛli vigbete n kasiu pɛliyɛ kpai.>>
23A Dauda ladurukɔ Ɗalapa n ti Israila shɔshɔraanɛrɛ Yesɔ, nagbete ma siyɛ a Dauda ni. 24Yesɔ u ɓɛɛ vishonɛ gaanɛ, Yɔhana nwari shɔ Israila Ɗa nyaruubiitɔ kpai nɛi kɔsi sisɨn i yaa ruuvini pɛlinɛtɔ shɔu pɛliyi Batizima rɛ. 25Naa Yɔhana vishonɛ atɛ ɗɔnyayisinɛ, a geli shɔ nɛ, awɔ sisɨn ɔ tɔnɛ nkɔng ɔ̃rɛ piya? Shɔ gbete ɔ gayɛ ɓa nkɔng ɔ̃rɛ ukɔ ɓa. Ama ɔ weshopɛ ang biǃ Shɔ wɔɔ kaanɛ ang kɨnti, n ji yɛɓa nɔgbete n ɗenaa n kali u rii korãtirɛ ɓa. 26N shɔbii Israilayi, Ibirayi laduru, a shɔ gbeteyi ɓa Yahudawa ɓa i bassi Ɗalapa kpai: Shɔ dɔ̃si ruu shɔraanɛm pɛjo ukɔuǃ 27Aru shɔ gbeteyi ɔ̃nɛ a Urushalima ai yupɛ̃nini i ji zɛ ɓa nɛ Yesɔ kɔ ɔ̃rɛ shɔshɔraanɛ ɓa, i ji zɛ ruu janyagadiyi gbete shɔ ɓaliyɛ a lee susunɛ ko-pi leepiya ɓa. Ama Ɗa nyaruubii gbete janyagadiyi shayɛ ɔ̃ nizɛ nɔgbete i nyo Yesɔ vɔrɔyɛ. 28A shomini kpai i ji kpaau ɓa a ruukɔ̃linɛ au yɛtɛ nɔgbete shɔ nyou vɔrɔyɛni ɓa, i gaki Bilatu nɛ shɔu nyou vɔrɔtɔ. 29Akɨnti gbete i pɛli ko-iviya gbete labeenɛ Ɗa nyaruubii shayɛtɛ au yuu, kɛɗɔn i nosiurɛ a yulaa gbete shɔ ɓaunaa aɗɔn i tosirɛ a sàà. 30Ama Ɗalapa yusiu laparɛ a sàà ni, 31Shɛ a shɔzɛ gbeteyi gɨuyɛ a dɔɔ a Galili yɛnɛ Urushalima i bi a lee totot. ikɔi ɔ̃rɛ u shɔshinɛkɨnti a shɔ Israilayi ɗekɨn. 32Dɔdɔrim u yɛm u n-tɔɔ ruu tɔ̃vɨntɛ, ayuu vigbete Ɗalapa ma si au ɓɛuruuni nɛn pɛliyɛ, 33dɔdɔrim pɛliutɛ, gbete u pɛ ɓɛɛ jaamiyi, nɔgbete yusi Yesɔ lapa a sàà a suruni, nagbete laabeenɛ beeyɛ a zabura ziti nɛ,
<<A pɛ ma javɔshɔ;
nɛm n ɔ̃tɛ meyeu.>>
34Ɗalapa yusi Yesɔ sàà aru nɛ yɛ vɔ toti ɓa, pɛliɓa nɛu pnrɛ a sàà ni ɓa:
<<N yɛn ãwɔ vɔɔ susãri tasinɛ wɔsɔ-wɔsɔ nizɛ
gbete n ma si a Dauda ni yɛ, 35Naa gbete sha a ɗɔwɔɔ nizɛ nɛ:
a yɛ yaa a jawɛrɛ wɔsɔ-wɔsɔ ɓa nɛu pn a sàà ni ɓa.>>
36Aru Dauda yisinya vishonɛ gbete Ɗalapa ãuyɛ nɛu pɛliyɛtɔ au ɗaayɛ, kɛɗɔn a vɔrɛ, shɔ gbãurɛ a ɓɛuruyini, au bi pnrɛ a sàà ni. 37Ama vim ji pɛli Yesɔ shɔ gbete Ɗalapa yusiu a sàà yɛ ji ɓa. 38Aruumkɔ n shɔbii Israilayi ɔ zɛtɔ nɛ pɛji aru Yesɔnkɔ shɔ gelɔɔ ruu ruuvini yaanɛrɛ. Ɔ zɛtɔ kopiya shɔ gbete kɛ ã sisɨn nɛ au biini, ranaatɛ a ruuvinini kpai gbete laabeenɛ Musa yɛ rawɔɔ dɔɔ ɓayɛ. 39Aru kopiya gbete kɛ ãsisɨn nɛ au biini, kpaa naraanatɛ a ruuvinini kpai, shɔ gbete nya-ãsinɛ Musa yɛ pɛli dɔɔɓa 40Ɔ kɔyuutɔ, aru vigbete janyagadiyi shayɛ ukɔu pɛlinɛ a ɔkɔɔni:
41Ɔ kɨnnɔɔ pɛ ɔ shɔ nya ããnɛmiyi! Ɔ zɛ vibiizaanɛ ɔ vɔrɛ!
Aru vi gbete nkɛ pɛlinɛ nɛm
pɛ vigbete ɔ yɛ ã sisɨn ɓayɛ,
ko shɔ wɔɔ u tasɔɔ u dɔɔtɔ 42Naa Bulus a Barnaba ni i a ɗɔshɛnɛ a Yahudawa ɗɔ-ɔ̃nɛ, kɛɗɔn mooyi gaki nɛi sɔɔ a lee susunɛ gbete kaanɛ, nɛi geli ruu wɔɔ sɔ̃n aru vimiyini. 43Akɨnti gbete shɔ sãtitɛ a ɗɔ-ɔ̃nɛni, kɛɗɔn Yahudawayi waanɛ a shɔ gbeteyi to shɔ Yahudawayi ɗa gɨnnɛni i gɨn Bulus a Barnaba ni a knti. jashonɛyi nwarinyarɛ i masibiirɛ nɛi yɛ ɗekɨn a ɔ̃nɛ Ɗalapa tɔ̃vɨn shonɛni.
44Naa lee susunɛ zaatɛ, kopiya a komoo arɛ nɛi nta Uɓeyelapa nyaruubii pɛ. 45Naa Yudawayi zɛ mooyitɛ, kɛɗɔn nɔ̀ɔ̀ pɛli fɛ̃ɛm, ai masinya aru vigbete Bulus shayɛ ai dãurɛ.
46Ama Bulus a Barnaba ni i dii nya a kakani seeti ɓa i shanɛː Ɔ Yahudawa tɔ̃ɔ̃tɔ shɔu gaa Ɗa nyaruubii nwarinɛ pɛ ɔkɔɔ. Ama ɔ ɓɛ̃ɛ̃tɛm, ɔkɔɔ pɔ̃nɛ toti sisɨn nɛi kpaa suru gbete sɔ̃nya ɓa yɛtɔ, u yɛu yawɔɔtɔ u yɛ shɔ gbeteyi ɓa Yahudawa ɓa i ɗɔbii. 47Aru shɔmkɔ ɔ̃rɛ nya-ãsinɛ gbete Uɓeyelapa ãu nɛu pɛliyɛ, shanɛ:
N pɔ̃tɛ a ɔ̃ ɗɔsẽsẽ aru shɔ gbeteyi ɓa Yahudawa ɓa,
aru a n ti shɔraanɛ kopiɗɔpiya a koopiti kpai.
48Naa Shɔ gbeteyi ɓa Yahudawa ɓa i nta vimtɛ, i nta yɛti purutɔ fɛ̃ɛm, i bɛli Uɓeyelapa nyaruubiirɛ, shɔ gbete shɔ lɔyi yɛ, aru suru gbete sɔ̃nya ɓa yɛ i ã sisɨnrɛ a Ɗabii.
49Kɛɗɔn Ɗa nyaruubii raa kopiɗɔpiya kpai a tipiuni. 50Ama Yahudawayi ɗaki shɔ yupɛ̃ni gbeteyi a komoou, a suu gbeteyi bassi Ɗalapayɛ a shɔ ntayi nyatɔyɛ ama i ɓa Yahudawa ɓa. I gaa Bulus a Barnaba ratasinɛrɛ ai yikiyirɛ ai kooni. 51Jashonɛwi i sɔ̃li zabururɛ ai dɔɔ u ɔ̃kɛ shɔshinɛkɨnti aru shɔ koowi, ai yɛ komoo Ikoniya rɛ. 52Shɔ sisɨn anɛ a Ɗabii gbeteyi a Antiya yɛ i nta yɛti puru fɛ̃ɛm a Ɗa suruni.
Valgt i Øjeblikket:
:
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
The Word for the World International and The Word for the World Nigeria