Matta 3
3
Yeḥya ittbecciṛ aɣḍas n ttuba
(Mq 1.1-8; Lq 3.1-20; Yuḥ 1.19-28)
1Deg wussan-nni, iban-d Yeḥya Aɣeṭṭas, ittbecciṛ deg unezruf n tmurt n Yahuda, 2iqqar-d : Tubet, beddlet tikli, axaṭer tagelda n igenwan#3.2 Neɣ : Tageldit, Tagelda n Yillu. Awal-agi ur d-iqsid ara tagelda neɣ tageldit n ddunit, n yimdanen, lameɛna d tageldit n Yillu Ameɣlal i yellan d netta kan i d agellid n tidett mačči kan n wat Isṛail (1 Ṣamwil 8.7), lameɛna n ddunit meṛṛa (Ihellilen 93; 96.10; 97; 99). Awal-agi ad t-naf s tugett di Leɛqed Amaynut. Yasuɛ Lmasiḥ iheddeṛ-d aṭas ɣef tgeldit n Yillu deg uselmed-ines (Matta 12.28; 7.21; Luqa 17.21; 22.30, Marqus 9.1; 1 At Kurintus 6.9-10; 15.50). tqeṛṛeb-d. 3Fell-as i d-immeslay nnbi Icaɛya mi d-yenna :
D taɣect n win ittɛeggiḍen di lxali :
Heggit abrid n Umeɣlal,
ssemsawit iberdan-is # 3.3 Walit
Icaɛya 40.3
..
4Yeḥya ilsa llebsa ittwaxedmen s ccɛeṛ n welɣem, tabagust n weglim ɣef wammas-is, tamɛict-is d ibẓaẓ akked tamment n lexla. 5Imezdaɣ meṛṛa n temdint n Urucalim, tamurt n Yahuda akked tmura i d-izzin i wasif n Urdun, ttasen-d ɣuṛ-s 6i wakken ad d-qirren s ddnubat-nsen, netta isseɣḍas-iten deg wasif-nni n Urdun.
7Mi iwala aṭas n ifariziyen d isaduqiyen ittasen-d ɣuṛ-s i wakken ad ttwiɣeḍsen, yenna-yasen : A ccetla n izerman, anwa i kkun-isfaqen d akken tzemrem ad trewlem i lḥisab i d-iteddun ? 8Sbeggnet-d s lecɣal-nwen d akken tettubem, tbeddlem tikli. 9Ur qqaret ara i yiman-nwen : Ibrahim d jeddi-tneɣ ! Axaṭer, ad wen-iniɣ : Izmer Yillu ad d-ifk dderya i Ibrahim, seg idɣaɣen-agi. 10Attan ihi tcaquṛt thegga ɣer iẓuran n ttjuṛ, yal ttejṛa ur d-nettak ara lfakya lɛali, ad tettwigzem, ad tettuḍegger ɣer tmes. 11Nekk sseɣḍaseɣ-kkun deg waman i wakken ad tetubem, lameɛna ad d-yas yiwen yesɛan tazmert akteṛ-iw, ur uklaleɣ ara ad as-fsiɣ ula d arkasen-is. Netta ad kkun-isseɣḍes s Ṛṛuḥ imqeddes d tmes. 12Tazzert deg ufus-is, ad ibrez annar-is, ad ijmeɛ irden-is ɣer ikufan, ma d alim ad t-isseṛɣ di tmes ur nxessi.
Aɣḍas n Yasuɛ Lmasiḥ
(Mq 1.9-11; Lq 3.21-22; Yuḥ 1.32-34)
13Yusa-d Yasuɛ si tmurt n Jlili ɣer wasif n Urdun i wakken ad t-isseɣḍes Yeḥya. 14Yeḥya yugi, yenna-yas : D nekk i yeḥwaǧen ad iyi-tesɣeḍseḍ, kečč tusiḍ-d ɣuṛ-i i wakken ad ak-sɣeḍseɣ ! 15Lameɛna Yasuɛ yerra-yas : Anef kan tura ! Akkagi i ilaq ad nexdem lebɣi n Yillu ! Dɣa Yeḥya yunef-as. 16Mi yettwaɣḍes Yasuɛ, iffeɣ-d seg waman ; imiren kan ldin igenwan, ires-d fell-as Ṛṛuḥ n Yillu s ṣṣifa n tetbirt. 17Tekka-d yiwet n taɣect seg igenwan, tenna-d : Wagi d Mmi ameɛzuz, deg-s i yella lfeṛḥ-iw#3.17 Walit Ihellilen 2.7; Icaɛya 42.1. !
Valgt i Øjeblikket:
Matta 3: TiIq
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
Bible en kabyle © Alliance biblique universelle, 2024.
Le travail de traduction, réalisé principalement en Algérie entre 1992 et 2024, a été effectué par l’Association Chrétienne d’Expression Berbère (ACEB) avec le soutien de l’Alliance biblique universelle.